Dielulula 20:20 - MUKANDA WA MYIDI MUKULU

²⁰ Kadi mitshi idi kayiyi ikuama bimuma bia kudia, nudi mua kuyishimbula, kuenza nayi miaba ya kuimanyina, bua numone mua kukuata tshimenga atshi bimpe.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kadi mitshi mudi bamanye ne kayena ne tumuma, nudi mua kuyikosa; nuase nʼai bibumba bia nvita ku butshika bua musoko wa badi banuluisha to ne hanuabahita bukole.

Dielulula 20:20 ပူးပေါင်းရင်းမြစ်များ

2 Bakalenga 3:19

Nenubutule bimenga bimpe bionsu bivuabu bakolesha ne bimana. Nenupule mitshi ya bimuma yonsu. Nenujibikile mpokolu ya mayi yonsu. Kabidi nenunyangakaje madimi onsu adibu badime, nenuimanshemu mabue.

2 Kulondolola 26:15

Uziya uvua muenzeje mu Yerushalayime, biamu bia mvita bia mushindu mukuabu, kudi muntu uvua mupete meji a kubienza. Bavua bateke biamu abi ku tuleya ne ku matumba a bimana. Bavua mua kuela mikete ne mabue manene ne biamu abi. Bavua bambuluisha Uziya bikole kudi Mvidi Mukulu. Bumfumu buende kudiunda bikole, lumu luende kuya kule.

Muambi 9:14

Kuvua tshimenga tshikese. Bantu bakese bavua basemu. Mukalenga munene kufika bua kutshiluisha. Uvua mutshijingile ne tshikulu tshiende bua kutshiluisha. Bena mvita bende bavua base biamu binene mua kushimbula nabi bimana bia tshimenga.

Yeshaya 37:33

Kadi mpindiewu, telejayi: bua mukalenga wa bena Ashure, Maweja-Nangila udi wamba ne: — Kakubuela mu tshimenga etshi to. Kena mua kuasa muntu wa mu tshimenga etshi mukete to. Ngabu yende kayena mua kumuambuluisha bua kuluishaye tshimenga etshi. Kena mua kusemena pabuipi natshi to. Kena mua kuela dibula dia kuluangana mvita momu to.

Yirmeya 33:4

Meme Maweja-Nangila, Mvidi Mukulu wa Izrayele, ndi ne bualu bua kuamba, budi butangila nzubu idi mu tshimenga etshi, ne nzubu ya bakalenga ba bena Yuda. Nebayibutule. Kanuena mua kuluisha bena Babilone badi bakeba mua kukuata tshimenga to. Nuenu babaluishe, ndi nguwuje tshimenga tente ne bitalu bia bantu bandi nshipa, bua tshiji tshianyi tshikole tshindi natshi. Bena mu Yerushalayime bavua benza malu mabi a bungi. Ke mundi tshiyi kabidi bualu ne tshimenga etshi.

Yirmeya 6:6

Maweja-Nangila Mvidi Mukulu wa bukole buonsu, kutumina baluishi betu diyi, wamba ne: “Tapayi mitshi. Imanyikayi mushiki wa buloba bua kuluisha Yerushalayime.” Mbimpe kunyoka tshimenga etshi, bualu benatshi badi bakengeshangana bikole.

Yezekiyele 17:17

Nansha yeye muikale ne bena mvita ba bungi ba bukitu, mukalenga wa bena Ejipitu kena mua kumuambuluisha bua kuluisha bena Babilone badi bela mishiki ya buloba, bumbula mikidi bua bamone mua kukuata tshimenga, kushipa bantu ba bungi.

Dielulula 1:28

Mu ditunga dia Kenaane, tuyaya kuenza tshinyi? Katuena ne dikima dia kuyamu to, bualu bana betu bavua bajadikila ne: bena ditunga adi mbatupite bukole ne bule. Bimenga biabu bidi binene. Bimana bia bimenga mbitumbuke mulu. Kabidi bavua basanganamu ndelanganyi ya Anake, muntu wa mpolondu!”

Dielulula 20:19

Nuenu bele tshimenga munkatshi matuku a bungi, kanuyi ne mushindu wa kutshikuata, kanupudi mitshi ya bimuma to. Bualu mitshi eyi, kayena bu bantu banudi nuluisha to. Nanku nudi mua kudia bimuma biayi. Kadi kanukosu mitshi to.

Dielulula 21:1

Panuafika mu ditunga dikala Maweja-Nangila Mvidi Mukulu wenu munupe bua kusomba, nuenu basangane tshitalu tshia muntu mu tshisuku, kanuyi bamanye uvua mumushipe,