Dielulula 2:8 - MUKANDA WA MYIDI MUKULU

⁸ Nanku tuvua babenge kupitshila ku mikuna ya Seyire, muaba uvuabu basombe kudi bana betu, ndelanganyi ya Esawu. Tuvua babenge kabidi kupitshila mu njila wa kuinshi wa mu tshibanda, ne mu misoku ya Elate, ne Eshiyone-Ngebere. Tuetu kubenda, bua kupitshila mu tshipela tshia Mowabe.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku tuakahita bana betu, bana ba Esau, bakadi bashikama mu Sei, mu nshila wa ku Alabâ ku Elata to ne ku Esione-gebê. Tuakanyunguluka, tuakaya mu nshila wa ku tshihela tshia Moaba.

Dielulula 2:8 ပူးပေါင်းရင်းမြစ်များ

Genese 25:23

Maweja-Nangila kumuandamuna ne: Bisamba bia bantu bibidi bidi munda muebe, neulele bisamba bibidi bishilangane. Kadi tshisamba tshimue netshipite tshikuabu ku bukole. Muanabute neikale mupika wa muakunyende.

1 Bakalenga 9:26

Mukalenga Shelomu kusongesha matu manene ku Eshiyone-Ngebere, pabuipi ne Elate, muaba uvua bantu basabukila Mayi manene makunze mu ditunga dia Edome.

2 Bakalenga 14:22

Nanku, tatuende mumane kufua, kupingajaye kabidi tshimenga tshia Elate ku bumfumu buende. Kutshibakululaye kabidi ne bimana bikole.

2 Bakalenga 16:6

Tshikondu atshi, Reshine, mukalenga wa bena Arame, mumane kuipata bena Yuda bavua mu tshimenga tshia Elate, kutshipingajilaye bena Edome. Bena Edome kuasa tshiakabidi mu tshimenga atshi. Batshidimu too ne mpindiewu.

Dibadika 21:4

Bena Izrayele kumuka ku mukuna wa Ore. Kuyilabu njila wa Mayi manene makunze. Kunyungulukabu ditunga dia Edome. Kadi luendu kubatonda, kabayi kabidi mua kulama lutulu to.

Dibadika 33:35

Bumuka mu Abrona, kuyabu ku Eshiyone-Ngebere.

Dielulula 1:1

Mukanda ewu udi utuambila malu avua Moshe muyukile ne bena Izrayele bonsu, patshivuabu luseke ludi diba dipatukila lua musulu wa Yardene, mu tshipela tshidi pabuipi ne Sufe. Ku luseke lumue lua tshipela etshi kuvua tshimenga tshia Parane, ku luseke lukuabu kuvua bimenga ebi: Tofele, Labane, Asherote ne Di-Zahabe.

Balombodi 11:18

Pashishe kutuadijabu luendu mu tshipela. Kunyungulukabu buloba bua bena Edome, ne bua bena Mowabe. Kufikabu ku buloba budi luseke ludi diba dipatukila lua buloba bua Mowabe. Kuasabu mitanda yabu dishiya dia musulu wa Amone. Kabena babuela mu buloba bua bena Mowabe to, bualu musulu wa Amone ke udi mukalu. Nanku kabena bausabuka to.