Dielulula 2:34 - MUKANDA WA MYIDI MUKULU

³⁴ Tuetu kushisha kunyenga bimenga biende bionsu, kubibutuilamu, kushipa balume, bakaji ne bana. Katuena bashiye muntu ne muoyi to.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Tuakanyenga misoko yandi yonso tshikondo atshi, tuakahaula musoko ne musoko muakadi bantu, ne bakashi ne bana bakese: katuakashiya nansha muntu;

Dielulula 2:34 ပူးပေါင်းရင်းမြစ်များ

Dielulula 3:6

Tuetu kubutula misoku eyi ne bantu bonsu ba wamu, balume, bakaji ne bana, anu bu mutuvua benze mu ditunga dia Sihone, mukalenga wa Eshebone.

Dielulula 7:2

Neabafile kunudi, bua mbatshimune bonsu, nubabutule. Kanuena mua kutua nabu ndondu, kanuena mua kubafuila luse.

Dielulula 7:26

Kanuteki lupingu nansha lumue luleja mvidie wa mushindu ewu mu nzubu yenu. Nuenu benze nanku, nebanubutule musangu umue ne mpingu ayi. Mpingu ya mushindu ewu idi ne bua kubutuka yonsu. Nuyibenge, nuyimanshe.

Yoshua 10:28

Amu dituku adi, Yoshuwa kukuata tshimenga tshia Makeda, kushipa mukalenga watshi, ne bantu bonsu bavuamu. Kawa mushiye muntu ne muoyi to. Uvua muenzele mukalenga wa mu tshimenga tshia mu Makeda biwaye muenzele mukalenga wa mu tshimenga tshia Yeriko.

Yoshua 10:40

Yoshuwa kukuata ditunga dijima. Kutshimunaye bakalenga bavua ku mikuna, bavua mu tshitupa tshia kuinshi mu ditunga, bavua mu mpata nansha ku muelelu wa Mayi manene a pankatshi pa matunga. Kawa mushiye muntu nansha umue ne muoyi to. Yoshuwa kubutula bantu bonsu, muvua Maweja-Nangila Mvidi Mukulu muambe.

Yoshua 11:14

Bena Izrayele kuangata bimuna ne bintu bivuabu basangana mu bimenga abi. Kadi bavua babutula bantu bonsu. Kabawa bashiye muntu nansha umue ne muoyi to.

Yoshua 6:21

Kushipabu bantu ba mu tshimenga atshi: balume, bakaji, bantu bakole ne bana batekete. Kushipabu too ne ngombe, mikoku ne mpunde.

Yoshua 7:11

Bena Izrayele bavua benza bibi. Kabena bakumbaje bimvua mubambile. Mbangate bintu bimvua mubakandike bua kabangatshi. Mbibe bintu abi, babisokoke mu bintu biabu.

Yoshua 9:24

Bena Ngibone kuandamuna ne: — Teleja tshitudi benzela bionsu ebi. Tuetu tuvua bamane kumvua muvua Maweja-Nangila Mvidi Mukulu webe muambile Moshe, muntu wende, bua kunupa ditunga edi dijima. Uvua mumane kunuambila bua nuenu kubutula bena ditunga edi ku kakese ku kakese, panudi nuenda nusemena. Nanku tuvua banutshine bikole. Tuvua bakeba kudipandisha ku lufu.

1 Samuele 15:3

Nanku mpindiewu, wewe Shawule, uye kubaluisha, ubabutule ne bintu bionsu bidibu nabi. Kubafuidi luse to. Ushipe bantu ne nyama bionsu: balume, bakaji, bana batoke, ngombe, mikoku, nyama ya tumelu ne ya mpunde.”