Dielulula 2:14 - MUKANDA WA MYIDI MUKULU

¹⁴ Kadi bua kumuka ku Kadeshe-Barneya, kufika ku musulu ewu, tuvua banenge mu njila bidimu makumi asatu ne muanda mukulu. Tshikondu atshi, bantu bonsu bathivua ne bukole bua kuluangana mvita papatukilabu mu Ejipitu, bakafua bamane kubutuka, bu muvua Maweja-Nangila mumane kuditshipa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bungi bua matuku atuakalala mu nshila ku Kadeshe-bânea tô ne ku kasulu ka Zelede akadi bidimu makumi asatu ne muanda mukulu; tô ne hakafua mulongo wonso wa bena nvita munkatshi mua tshitudilu, bu muakabalaya Yehowa.

Dielulula 2:14 ပူးပေါင်းရင်းမြစ်များ

Misambu 106:26

Nenku, kuelaye tshianza mulu, kuditshipa, bua kubashipaye mu tshipela,

Misambu 90:15

Udi mutukengeshe musangu mule. Kadi mpindiewu, utupeshe masanka, mu bungi bua bidimu bituvua bakenge.

Misambu 90:3

Udi upingaja bantu mu lupuishi, ubambila ne: “Pinganayi kunudi bafuma.”

Misambu 90:9

Matuku etu a panu adi ajika, bualu adi ashikila amu patshidi muntu ukuula muoyi.

Misambu 95:11

Nenku ke meme kuditshipa ne tshiji ne: kabena babuela mu buloba, bumvua mubalongoluele bua kuikishabu nansha.”

Yezekiyele 20:15

Kadi mu tshipela mvua muditshipe ne: tshiena mua kubafikisha mu ditunga dimpe dimvua mubatekele, didi ne mabele ne buitshi.

Dibadika 1:1

Dituku dia kumpala dia ngondu muibidi wa tshidimu tshivua tshilonda tshidimu tshia dipatuka diabu mu Ejipitu, Maweja-Nangila kuyukila ne Moshe mu tshipela tshia Sinayi, mu ntenta wa kusambakena, umuambila ne:

Dibadika 13:26

ku Kadeshe, mu tshipela tshia Parane, muaba uvua Moshe, Arone ne bena Izrayele bonsu. Kubalondelabu bionsu bivuabu bamone mu Kenaane. Kubalejabu kabidi bimuma bia mu ditunga adi.

Dibadika 32:11

“Bantu bonsu bavua bapatuka mu Ejipitu, badi ne bidimu makumi abidi ne pa mutu, kabena mua kufika mu ditunga dimvua mulaye Abrahame, Izake ne Yakobe to, bualu mbantombokele.

1 Korente 10:5

Kadi nansha bobu benze nanku, bavule ba kudibu kabavua balengelela Mvidi Mukulu. Ke muvuabu bafuile mu tshipela.

Dielulula 1:19

Tuetu kumuka ku mukuna wa Sinayi, bu muvua Maweja-Nangila Mvidi Mukulu netu muambe. Tuetu kupitshila mu tshipela tshipite bunene, tshikuatshishe bowa, tshinudi bamanye, tshidi mu njila wa ku mikuna ya bena Amore. Tuetu bamane kufika mu Kadeshe-Barneya,

Dielulula 1:2

(Kumukila ku mukuna wa Sinayi bua kufika ku Kadeshe-Barneya, muntu udi mua kuenda matuku dikumi ne dimue, pikalaye mulonde njila wa ku mikuna ya Seyire.)

Dielulula 1:46

Ke munudi bashale mu Kadeshe-Barneya matuku mapite bungi nanku.

Dielulula 2:13

Pashishe tuetu kusabuka musulu wa Zerede wa muenji mukole, bu muvua Maweja-Nangila mutuambile.

Dielulula 2:16

Bonsu abu bamane kufua,

Dielulula 2:7

— Bualu Maweja-Nangila Mvidi Mukulu wenu mmunuendeshe diakalenga mu bionsu binuvua nuenza. Uvua nenu, munulame bimpe mu luendu mu tshipela tshinene atshi, bidimu makumi anayi, kanuyi nukengela tshintu.

Yoshua 24:7

Bankambua benu kumbikila bua meme kubambuluisha. Meme kuteka divuba dia muinshi pankatshi pa tshisamba tshia bena Izrayele, ne tshia bena Ejipitu. Pashishe meme kubutula bena Ejipitu bonsu, mayi manene kubabuikilawu. Nuenu nudi bamanye mumvua mukengeshe bena Ejipitu! Malu onsu awu mamane kujika, tshisamba tshienu tshia bena Izrayele kushala mu tshipela matuku mapite bungi.

Yoshua 5:4

Tshikondu tshivua bena Izrayele bapatuke mu Ejipitu, bantu balume bavua bamane kupeta bidimu bikumbane bia kuluangana mvita, bavua bamane kubateka panshi. Kadi bantu abu bonsu, bavua bafuila mu tshipela.

Yoshua 5:6

Bena Izrayele bavua bapitshila mu tshipela bidimu makumi anayi. Ku ndekelu kua tshikondu atshi, bantu balume bavua ne bidimu bikumbane bua kuluangana mvita, mu tshikondu tshikavuabu bamane kumuangata mu Ejipitu, bakavua bamane kufua, bualu bavua batombokela Maweja-Nangila. Maweja-Nangila uvua mumane kuditshipa ne: bantu aba kabakufika mu ditunga dia biakudia bia bungi dimvua mulaye bankambua babu ne: nendipeshe bana benu.

Yuda 1:5

Nansha nuenu bamanye bimpe bualu abu, ndi musue kunuvuluija muvua Maweja-Nangila musangu umue mupikule bena Izrayele mu ditunga dia Ejipitu. Kadi kunyima kua matuku uvua mubutule bavua babenga kumuitaba.