Dielulula 19:13 - MUKANDA WA MYIDI MUKULU

¹³ Bua nuenu kusomba biakane mu ditunga dienu, ne kujikija buenzayi bua kushipa muntu udi kayi ne bualu, kanuena mua kufuila muena tshibawu luse to, numushipe!

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nuenu kanuikadi ne luse kudi muntu eu, kadi nenumushe mashi a muntu udi kayi ne tshilumbu munkatshi mua Bena Isalele, bua nuenu nuikale ne diakalengele.

Dielulula 19:13 ပူးပေါင်းရင်းမြစ်များ

1 Bakalenga 2:31

Mukalenga kuandamuna ne: — Mbimpe bitambe! Umushipele muaba awu, bu mudiye muambe amu. Pashishe umujike. Nanku bena nzubu wa tatu wanyi Davide ne meme, katuakuikala kabidi ne tshilumbu, bua kusombuela bantu babidi bavua Yowabe mushipe kabayi bualu.

Dielulula 21:9

Nuenu benze nanku, nudi nusankisha Maweja-Nangila. Kanuakuikala bena tshibawu bua lufu lua mushindu ewu to.

Dielulula 7:16

Nanku nenubutule bantu bonsu bikala Maweja-Nangila Mvidi Mukulu wenu munupeshe. Kanubafuidi luse to. Kanutendeledi mvidie yabu, bualu mbuteyi budi mua kunufikisha ku lulu.

Dielulula 7:2

Neabafile kunudi, bua mbatshimune bonsu, nubabutule. Kanuena mua kutua nabu ndondu, kanuena mua kubafuila luse.

2 Samuele 21:1

Tshikondu tshivua Davide mu bukalenga, tshiyole tshia nzala kushala mu ditunga bidimu bisatu bilondangane. Mukalenga Davide kukonka Maweja-Nangila bua tshiyole atshi. Maweja-Nangila kuandamuna ne: — Nudi mu tshiyole, bualu Shawule ne bantu bende mbena tshibawu: bavua bashipe bena Ngibone.

Yezekiyele 16:5

Muntu nansha umue kavua mukumvuile luse. Muntu nansha umue kavua mukutangile ne mesu a luse bua kukukuatshila midimu eyi. Kabavua bakunange to. Bavua bakuimanshe panshi butaka, katshia bakulela.

2 Samuele 21:14

Kuyabu kuyijika muaba umue ne mifuba ya Shawule ne ya Yonatane, mu lukita lua Kishe, tatuende wa Shawule, luvua ku Sela mu buloba bua bena Binyamine. Bantu bamane kuenza bonsu bivua mukalenga Davide muambe, Mvidi Mukulu kukumbaja bionsu bivua bena ditunga balombe.

Dielulula 25:12

nukose mukaji awu tshianza, kanumufuidi luse to.

Dielulula 13:8

Mvidie eyi ke idibu batendelela kudi bantu ba bisamba bikuabu, bidi pabuipi nenu, nansha bidi kule, pa buloba bujima.

Lewitiki 24:21

“Muntu udi ushipa tshimuna tshia bende, apingaje tshimuna tshikuabu. Muntu udi ushipa mukuende, bamushipe pende.

Lewitiki 24:17

“Padi muntu ushipa mukuende, bamushipe pende.

Genese 9:6

Udi upumuna mashi a muntu, nebapumune ende kudi muntu, bualu mbafuke muntu mufuanangane ne Mvidi Mukulu.

Dielulula 19:12

bakulu ba mu tshimenga tshiende, nebafume bantu bua kumukuata, kumufikisha kudi musombuedi bua amushipe.

Dielulula 19:21

Muena tshibawu yonsu, kanumufuidi luse to. Mumusombuele pende: padiye mushipangane, numushipe pende. Padiye mushipe muntu disu, numushipe diende. Padiye mupole muntu dinu, numupole diende. Padiye mukose muntu tshianza nansha dikasa, numukose pende.

2 Samuele 14:7

Pashishe bena diku bonsu mbansangidile, bangamba ne: “Tupeshe mushipianganyi. Tumushipe bua kusombuela muanabu udiye mushipe. — Nanku nembutule kabidi mupianyi wa bintu udi mushale ne muoyi”. Bena diku mbasue kuenza nanku bua kushipa muana ewu wa ndekelu umvua mushala mutekemena. Kabidi mbasue bua dina dia bayanyi dijimine pa buloba.

Dibadika 35:31

Kanuangatshi makuta bua kubingisha mushipianganyi, muena tshibawu tshia lufu. Udi anu ne bua kufua.