Dielulula 18:20 - MUKANDA WA MYIDI MUKULU

²⁰ Kadi pikala muambi wakula ne dikamakama mu dina dianyi meme Maweja-Nangila, wamba malu andi tshiyi mumuambile, nansha pikalaye wamba malu mu dina dia mvidie mikuabu, muambi awu neafue.”

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Muprofete udi udiambila mei mu dina dianyi ne dikamakama andi tshiyi mumuambile anyi udi wamba mei mu dina dia nzambi mukuabo, muprofete au neafue biandi.

Dielulula 18:20 ပူးပေါင်းရင်းမြစ်များ

1 Bakalenga 13:19

Nanku, muambi uvua mufume ku ditunga dia bena Yuda, kupingana ku nzubu kuende bua kudia ne kunua.

1 Bakalenga 18:19

Kadi, mpindiewu, utume bantu, basangishe bena Izrayele bonsu, bafike muaba undi ewu ku mukuna wa Karmele. Ubikidishe bambi ba mvidie Baale nkama inayi ne makumi atanu, ne bambi ba mvidie mukaji Ashera nkama inayi, badi mukalenga mukaji Yezabele udisha.

1 Bakalenga 18:27

Munda munya, muambi Eliya kutuadija kubaseka, wamba ne: — Nukoleshe diyi! Bualu yeye mvidie, udi mua kuikala ne mudimu wa bungi. Udi mua kuikala muye kusesuka. Udi mua kuikala muye ku luendu. Misangu mikuabu udi mua kuikala mulale. Mbimpe kumubisha.

1 Bakalenga 18:40

Muambi Eliya kubambila ne: — Kuatayi bambi ba Baale. Muntu nansha umue wa kudibu kanyemi to. Kukuatabu bambi ba Baale bonsu. Muambi Eliya kupueka nabu ku muelelu wa musulu wa Kishone, kubakosaye mitu.

Yirmeya 2:8

Batuangaji kabena bankeba ne: ‘Maweja-Nangila udi penyi?’ Bantu bavua bamanye mikenji bikole, kumpangabu. Balombodi ba bantu kuntombokela meme Maweja-Nangila. Bambi kuambila bantu malu mu dina dia Baale. Bantu bonsu kutendelela mvidie ivua kayiyi ne bukole.

Yirmeya 23:30

Ke padi Maweja-Nangila wamba ne: Nenduishe bambi badi bibangana meyi, badingangana ne: nga kudi Maweja-Nangila.

Yirmeya 23:31

Eyowa, nenduishe kabidi bantu aba badi badiamba ne: tudi bambi, bambila bantu meyi abu, babadinga ne: nga kudi Maweja-Nangila.

Yirmeya 26:11

Ke batuangaji ne bambi kuambila balombodi aba ne bantu bavua muaba awu ne: — Muntu ewu, mbimpe bamushipe, bualu uvua muambe tshimenga tshia Yerushalayime bibi. Nuenu mene nuvua badiumvuile.

Yirmeya 27:15

Maweja-Nangila udi ujadika ne: “Tshiena mutume bambi abu to. Padibu bambila bantu malu mu dina dianyi, badi babadinga. Panudi nubateleja, nennuipate muaba ewu. Nenufue, nuenu ne bambi badi banumanyisha malu aa.”

Yezekiyele 13:6

Bambi aba badi bambila bantu malu a dishima, babadinga. Badi bamba ne: “Telejayi malu adi Maweja-Nangila unumanyisha.” Kadi meme Maweja-Nangila tshivua mubatume to. Kadi badi amu batekemena bua nkumbaje miaku yabu.

Zekâya 13:2

Maweja-Nangila wa bukole buonsu udi wamba ne: Dituku adi, nengumushe mu ditunga mpingu ya kutendelela nayi nwidie. Muntu nansha umue kakuvuluka kabidi nansha mena ayi. Nengumushe kabidi mu ditunga bantu bonsu badi badiamba ne: tudi bambi. Nentuyishe dijinga dienu dia kutendelela nwidie.

Zekâya 13:3

Pikala muntu umanyisha bantu malu mu dina dia Mvidi Mukulu, tatuende ne mamuende menemene neba-muambile ne: “Ufue, bualu udi wamba malu a dishima, utela dina dia Mvidi Mukulu.” Baledi bende menemene nebamutape ne muele, patshidiye umanyisha bantu malu.

Matayi 7:15

— Nuadimukilayi bambi ba dishima. Badi bafika kunudi, badileja bu mikoku, kadi munda muabu bikale nyama midianganyi.

Dielulula 13:6

Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.

Dielulula 17:12

Pikala muntu musue kuditambisha, kayi ulonda tshidi balumbuluishi ne batuangaji, badi benza mudimu mu nzubu wa Maweja-Nangila Mvidi Mukulu wenu, bamba, muntu awu numushipe, bua kujikija buenzayi munkatshi mua bena Izrayele.

Dielulula 18:21

Misangu mikuabu nudi mua kudikonka ne: Mmushindu kayi utudi mua kumanya ne: bualu ebu kabuena bufuma kudi Maweja-Nangila?

Dielulula 18:22

Nanku padi muambi unuambila bualu mu dina dia Maweja-Nangila, kabuyi buenzeka muvuaye muambe amu, numanye ne: ki mbua kudi Maweja-Nangila to. Muambi uvua udiambila bualu abu nkayende. Kanutshinyi, kanuteleji muambi wa nanku to.

2 Petro 2:12

Kadi bantu aba badi benza malu, bu badi kabayi bela meji. Badi bu nyama ya lonji idi kayiyi yela meji, idibu balela amu bua bantu bamone mua kuyikuata, kuyishipa. Badi bapenda tshidibu kabayi bamanye. Nebabashipe mudibu bashipa nyama ya lonji ayi.

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

Balombodi 2:15

Misangu yonsu ivua bena Izrayele baya mu mvita, Maweja-Nangila kubapangisha bukole, bu muvuaye mumane kuamba, kabidi muditshipe. Bena Izrayele, dikenga kubapita bunene.