Dielulula 18:18 - MUKANDA WA MYIDI MUKULU

¹⁸ Nanku nembatumine muambi wa munkathi mua bana babu, bu muudi wewe Moshe. Nengikale mmuambila malu, yeye umanyisha bena Izrayele bionsu bingikala mumumanyishe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Meme nembabishile muprofete munkatshi mua bana babo bu wewe; meme nenteke mei anyi onso mukana muandi, ne yeye neabambile mei onso anamuambila.

Dielulula 18:18 ပူးပေါင်းရင်းမြစ်များ

Misambu 110:4

Maweja-Nangila udi muditshipe, kena mua kuyila: “Wewe udi mutuangaji wa kashidi bu Melkisedeke.”

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Ekesode 4:12

Nanku, kuajiki! Ndaku. Nenkuambuluishe bua wakule bimpe. Nenkumanyishe malu a wewe kubambila.

Ekesode 4:15

Neumumvuije tshidiye mua kuamba. Nennuambuluishe wewe ne muanenu Arone bua nuakule bimpe. Nennumanyishe tshinudi mua kuenza.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Yeshaya 51:16

Ndi mbalula tshiakabidi diulu, ndi nshindika kabidi buloba. Nengambile bena mu Yerushalayime ne: “Nuenu nudi bantu banyi. Ndi nnupesha mikenji yanyi. Nennusokoke mu tshianza tshianyi.”

Yeshaya 51:4

Maweja-Nangila udi wamba ne: “Nuenu bantu banyi, ntelejayi bimpe. Nuenu bena ditunga dianyi, teyayi matshi enu kundi. Meme ke udi umanyisha bantu meyi. Meyi ne mikandu bindi ngela, nebitokeshile bantu ba pa buloba njila.

Yirmeya 1:9

Pashishe kuololaye tshianza kundengaye mukana, ungambila ne: — Wewe, newambile bantu miaku yanyi.

Osheya 12:14

Kadi Maweja-Nangila uvua mupatule bena Izrayele mu Ejipitu, ku mudimu wa muambi. Muambi awu, ke uvuaye mutume, bua ikale mulami wa tshisamba tshiende tshia bena Izrayele.

Amosa 2:11

Pashishe meme kusungula bana benu ba balume, bua bangenzele mudimu wa buambi. Meme kubikila bansongalume benu, bua benze dilaya, badijidile kundi. Bena Izrayele, mmomu anyi ki mmomu?

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Dibadika 12:13

Moshe kulomba Maweja-Nangila, wamba ne: — Mvidi Mukulu wanyi, anyisha ondapa disama edi!

Dibadika 23:16

Maweja-Nangila kuyukila ne Balaame, kumumanyisha malu a kuambila Balake, kumupingaja kudiye.

Dibadika 23:5

Maweja-Nangila kumanyisha Balaame malu a kuambila Balake, kumupingaja kabidi kudiye.

Luke 24:19

Yezu kubakonka ne: — Malu adi menzekemu mmalu kaayi? Balongi kumuandamuna ne: — Malu avua menzekele Yezu wa mu Nazarete. Uvua muambi wa bukole. Uvua mubuleje ku midimu ivuaye wenza, ne ku miaku ivuaye wakula. Mvidi Mukulu, ne bantu bonsu, kumuanyisha.

Yowanane 1:21

Kumukonkabu ne: — Kadi udi nganyi? Udi Eliya anyi? Yowanane kuandamuna ne: — Tshiena Eliya. Kumukonkabu kabidi ne: — Udi Muambi utudi bindile anyi? Kuandamunaye ne: — To.

Yowanane 1:25

Ke bavua bamukonka ne: — Paudi kuyi Meshiya, kuyi Eliya, nansha muambi utudi bindile, kadi udi utua bantu mu mayi bua tshinyi?

Yowanane 1:45

Pashishe Filipe kusambakena ne Natanayele. Kumuambilaye ne: — Tuvua bamone muntu uvua Moshe mutele mu mukanda wa Mikenji, kabidi uvua bambi bambe. Ke Yezu, muana wa Yozefe, muena mu tshimenga tshia Nazarete.

Yowanane 12:48

Muntu udi umbenga, kayi wanyisha miaku yanyi, udi ne mumuluishi: muaku undi mulongeshe neumupishe dituku dia nshikidilu.

Yowanane 15:15

Tshiena nnubikila kabidi bena mudimu. Bualu muena mudimu kena mumanye tshidi mfumuende wenza. Ndi nnubikila balunda. Bualu mvua munumanyishe bionsu bimvua mumvue kudi Tatu wanyi.

Yowanane 17:18

Mvua mubatume pa buloba, muuvua muntume pa buloba.

Yowanane 17:8

Bualu mvua mubambile meyi auvua mungambile, bobu kuitaba. Mbitabe ne: mvua mufume kuudi menemene. Mbitabe kabidi ne: wewe ke uvua muntume.

Yowanane 4:25

Mukaji kumuamba ne: — Ndi mumanye ne: Meshiya (mmomumue ne Kristu) nealue. Pafikaye, neatujinguluile malu onsu.

Yowanane 8:28

Ke Yezu kubambila ne: — Nuenu bamane kuela Muana wa muntu kulu, nenumanye ne: “ndi mundi.” Nenujingulule ne: tshiena ndienzela bualu nansha bumue nkayanyi. Kadi ndi ngamba amu malu adi Tatu mundongeshe.

Bienzedi 3:22

Moshe uvua muambe ne: “Munkatshi mua bana benu, Maweja-Nangila Mvidi Mukulu wenu neanupatuile muambi bu meme. Nenumuteleje, nuitabe bionsu bianuambilaye.

Bienzedi 7:37

Moshe awu kabidi ke uvua muambile bena Izrayele ne: “Mvidi Mukulu neanutumine muambi bu meme, muntu wa mu tshisamba tshienu.”

Dielulula 18:15

Maweja-Nangila neanutumine muambi mukuabu, bu meme Moshe. Neamusungule amu munkatshi mua bana benu. Nenuteleje bidiye wamba.

Dielulula 33:5

Pavua bamfumu ba bena Izrayele badisangishe, pamue ne bisamba biabu bionsu, kumanyabu ne: Maweja-Nangila ke mukalenga wa bena Yeshurune.

Dielulula 34:10

Mu bena Izrayele, katshia kamuvua muambi mukuabu bu Moshe to. Bualu Maweja-Nangila uvua wakula nende mpala ne mpala batangilangane.

Dielulula 5:5

Musangu awu, meme Moshe mvua muimane pankatshi penu ne Maweja-Nangila, bua kunumanyisha bionsu bivuaye wamba. Kanuvua basue kubanda ku mukuna to, bualu nuvua nutshina kapia aku. Ke Maweja-Nangila kunuambila ne:

1 Timote 2:5

Mvidi Mukulu udi umuepele. Mudi kabidi mutuangaji umuepele pankatshi pa Mvidi Mukulu ne bantu, ke muntu Yezu Kristu.

Ebrewu 7:22

Nenku, Yezu ke muntu udi utujadikila ne: nudi batue ndondu mipite buimpe.