Dielulula 18:1 - MUKANDA WA MYIDI MUKULU

¹ Tshisamba tshijima tshia bena Levi nansha batuangaji badi munkatshi muabu, kabena bapeta buloba bua bumpianyi, munkatshi mua bena Izrayele to. Nebapete biakudia anu ku milambu, ne ku bintu bikuabu bidi bantu balambula Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bakuidi ba mu Bena Lewi, ne tshisamba tshionso tshia Lewi kabena ne buhianyi munkatshi mua Bena Isalele; bobo nebadie munyinyi wa milambu ya Yehowa idibo bosha ha kahia bu buhianyi bua Yehowa.

Dielulula 18:1 ပူးပေါင်းရင်းမြစ်များ

Yirmeya 33:18

Kabidi bantu ba ku ndelanganyi ya bena Levi nebashale kashidi batuangaji badi bangenzela mudimu, bandambula milambu yakuosha, ya bia pa madimi, ne ya ditua ndondu.

Yezekiyele 44:28

Disanka dia batuangaji dikale anu dia kungenzela mudimu. Kabena mua kubapesha tshitupa tshia buloba bua Izrayele. Bualu meme nkayanyi ke udibu nende dikenga.

Dibadika 18:20

Maweja-Nangila kuambila kabidi Arone ne: — Mu ditunga dindi mpesha bena Izrayele, kuakupetamu tshiebe tshitupa tshia buloba, nansha buebe bupianyi to. Meme ke bupianyi buebe ne bubanji buebe munkatshi mua bena Izrayele bonsu.

Dibadika 26:62

Bantu balume bonsu, too ne bana ba ngondu umue ne pa mutu, bavua 23.000. Bena Levi aba, kabavua bababadike pamue ne bena Izrayele bakuabu bonsu to, bualu kabavua ne bua kupeta muaba wabu wa kuasa mu ditunga to.

Dielulula 10:9

Ke pavua bena Levi kabayi bapeta wabu muaba wa bumpianyi bu bisamba bikuabu. Tshiabu tshidibu natshi, mbua kuenzela Maweja-Nangila Mvidi Mukulu wenu mudimu, bu muvuaye mumane kubambila.)

Dielulula 12:19

Numanye ne: matuku onsu anudi mu ditunga dienu, kanuena mua kulengulula bena Levi to.

Yoshua 13:14

Bena tshisamba tshia Levi nkayabu kabawa bapeta maloba to. Bualu ndelanganyi ya bena Levi idi mua kupeta anu bintu ku milambu idi bantu boshila Maweja-Nangila Mvidi Mukulu wa bena Izrayele, bu muvua Maweja-Nangila nkayende mumane kubalaya.

Yoshua 13:33

Kadi Moshe kuvua mupeshe bena tshisamba tshia Levi buloba to. Uvua ubambila muvua tshiabu tshidibu mua kupeta amu mudimu udibu benzela Maweja-Nangila Mvidi Mukulu wa bena Izrayele.

Yoshua 18:7

Ndelanganyi ya Levi kayena mua kupeta tshiayi tshitupa tshia buloba to. Bualu tshiabu tshintu tshidi amu mudimu wa batuangaji udibu benzela Maweja-Nangila. Kadi tshisamba tshia Ngade, tshia Rubene, ne tshia bibidi tshia tshisamba tshia Menashe, mbimane kupeta biabu bitupa bia buloba luseke ludi diba dipatukila lua Yardene. Moshe nkayende, muntu wa Maweja-Nangila, ke uvua mubapeshe miaba yabu.