Dielulula 17:20 - MUKANDA WA MYIDI MUKULU

²⁰ Bionsu ebi nebimuambuluishe bua kaditambishi, bu mupite bantu bonsu ba mu tshisamba tshiende, kabidi bua kalenguludi mikenji, kadi ayikumbaje yonsu too ne mikese mene. Nanku mukalenga awu ne ndelanganyi yende, nebashale mu bukalenga matuku a bungi, balombola bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ nunku mutshima wandi kaudibandishi ku mutu kua bana babo, nunku yeye kasesuki mu nshila wa mikenji nansha ku tshianza tshia balume nansha ku tshianza tshia bakashi; nunku nebavudishe matuku a bukelenge buandi, ne a bana bandi mu Isalele.

Dielulula 17:20 ပူးပေါင်းရင်းမြစ်များ

2 Samuele 22:23

Eyowa, ndi nkumbaja mikenji idiye mutufundile. Tshiena mbenga tshidiye ulomba to.

1 Bakalenga 11:34

Nanku, tshiena nnyenga Shelomu bukalenga bujima to. Nemmulame bu mukalenga wa bantu banyi bena Izrayele matuku onsu atshidiye ne muoyi, anu bua muntu wanyi Davide umvua musungule, uvua utumikila ku meyi anyi ne ku mikenji yanyi.

1 Bakalenga 11:36

Kadi, nenshile muana wa Shelomu tshisamba tshimue, bua muntu wa ku ndelanganyi ya Davide ikale mu bukalenga kashidi, kumpala kuanyi mu Yerushalayime, tshimenga tshimvua mumane kusungula, bua bantu kuntendelelamu muaba wanyi wa tshijila.

1 Bakalenga 15:3

Abiyame kuenza kabidi buenzayi anu bu bua tatuende Robowame. Kavua muenze malu mimpe, avua nkambua wende Davide muenze to. Kawa munange Maweja-Nangila Mvidi Mukulu wende ne muoyi mujima to.

1 Bakalenga 15:5

uvua muenze malu mimpe avua asankisha Maweja-Nangila. Davide kavua mubenge kutumikila ku diyi dia Maweja-Nangila nansha dimue to. Bubi bua Davide buvua anu buvuaye muenzele Uriye, muena Iti.

1 Bakalenga 2:3

Witabe Maweja-Nangila Mvidi Mukulu webe. Matuku onsu wenze amu tshidiye musue. Utumikile meyi ende ne mikenji yende. Ukumbaje bionsu bidiye wamba, ne bidiye ulongesha. Ukumbaje bionsu bidibu bafunde mu mikenji ya Moshe. Nanku, newikale muena diakalenga mu bionsu biudi wenza.

2 Bakalenga 10:30

Ke Maweja-Nangila kuambila Yehu ne: — Bushuwa, udi muenze bimpe. Udi mukumbaje bionsu bimvua mumane kuamba bua kunyoka bena nzubu wa Akabe. Nanku, bana bebe nebakupingane mu bukalenga bua bena Izrayele, too ne ku ndelanganyi ya musangu muinayi.

2 Bakalenga 14:10

Yowashe kumuambila kabidi ne: “Udi udisua, bualu uvua mutshimune bena Edome! Eyowa, usanke bualu udi mumane kutshimuna, kadi usombe ku nzubu kuebe! Kuena mumanye ne mvita iudi ujinga ayi, neyikukebele anu makenga anyi? Bualu nebakutshimune, wewe ne bena mvita bonsu ba bena Yuda?”

2 Kulondolola 25:19

Udi udisua bualu uvua mutshimune bena Edome! Eyowa, udi usanka uditambisha. Kadi somba amu ku nzubu kuebe! Kuena mumanye ne: mvita iudi ujinga ayi, neyikukebele anu makenga anyi? Bualu nebakutshimune wewe ne bena mvita bonsu ba bena Yuda.”

2 Kulondolola 26:16

Kadi, lumu luende luvua lumupeshe ditambisha dia bungi. Ditambisha edi kumufikisha ku kabutu. Kavua kabidi muitabe Mvidi Mukulu wende to. Dituku dikuabu, Uziya kubuela mu nzubu wa Mvidi Mukulu, bua kulambula musenga wa kamonya pa tshilambuilu tshia manananshi.

2 Kulondolola 33:12

Pavua Menashe mu dikenga dinene, kutendelelaye Maweja-Nangila Mvidi Mukulu wende. Kutondaye bubi buende kumpala kua Mvidi Mukulu wa bankambua bende.

2 Kulondolola 33:19

Mu mukanda wa malu a Ozayi mbafunde kabidi ditendelela diende, ne mushindu uvua Mvidi Mukulu muitabe dilomba diende. Mbafundemu malu mabi avuaye muenze, ne muvuaye mutombokele Mvidi Mukulu. Mbafundemu kabidi miaba iwaye muase nzubu, ne makunji ne mpingu bia kutendelela mvidie ya bantu benyi, pavuaye kayi muanji kutondela Mvidi Mukulu mibi yende.

2 Kulondolola 33:23

Kadi kavua utondela Mvidi Mukulu bubi buende, bu muvua tatuende Menashe muenze to. Uvua muenze malu mabi mapite a tatuende Menashe.

2 Kulondolola 34:27

Uvua muteleje bimpe tshindi muambe bua Yerushalayime ne bua bantu bonsu badimu. Wewe uvua unyingalala, uvuluka bubi buebe kumpala kuanyi, upanda bilamba biebe, udila muadi. Nanku, ndi nkujadikila ne: ndi mumvue dilomba diebe.

Misambu 119:102

Ndi mulonde mapangadika ebe, bualu wewe ke udi mungambilewu.

Misambu 132:12

Muanebe wa balume yeye mulame ndondu wanyi ne mikenji indi mumuelele, wende muana kabidi neasombe mu nkuasa wa bamfumu kashidi.”

Misambu 19:11

Mikenji yende mmipite tshiamu tshia mpawungi mushinga, idi mimpe, mipite buitshi busheme.

Nsumuinu 10:27

Badi batshina Maweja-Nangila badi balala matuku mavule pa buloba, kadi benji ba malu mabi badi badianza kufua lukasa.

Nsumuinu 27:24

Bualu biuma kabiena bishala kashidi. Udi mumanye ne: nansha tshifulu tshia bumfumu katshiena tshisambuluka mu diku dimue kashidi to.

Muambi 8:13

Kadi muntu udi wenza malu mabi, kakuikala ne diakalenga. Kakunenga panu. Neafue ne bidimu bikese bualu kena utshina Mvidi Mukulu to.?”

Yeshaya 2:12

Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.

Abakuke 2:4

Funda nanku: bena buenzayi nebafue. Kadi bantu badi benzela bakuabu bimpe, nebapete muoyi, bualu badi bitaba Maweja-Nangila.

2 Korente 12:7

mBandeje malu adibu kabayi mua kumvuija. Kadi bua tshimonyi mua kuditambisha, Mvidi Mukulu mmumpeshe dikenga dinene. Mutumibue wa diabolu mmuntatshishe bua tshiditembi.

Dielulula 12:25

Nuenu benze nanku, nenuikale bena diakalenga, nuenu pamue ne ndelanganyi yenu, bualu binudi nuenza nebilengelele Maweja-Nangila.

Dielulula 12:28

Nuenu bena Izrayele nuteleje bionsu bindi nnuambila, nubikumbaje. Nanku, misangu yonsu nenuikale bena diakalenga, nuenu ne ndelanganyi yenu. Bualu nenuenze bidi bimpe, bisankisha Maweja-Nangila Mvidi Mukulu wenu.

Dielulula 17:11

Kanuenji munudi basue to. Nukumbaje bionsu bidibu banuambila.

Dielulula 4:2

Kanusakididi bualu bukuabu ku mikenji ya Maweja-Nangila Mvidi Mukulu wenu, indi munulongeshe. Kanumushi bualu nansha bumue. Nuyikumbaje yonsu, bungi buayi.

Dielulula 5:32

Moshe kuambila kabidi bena Izrayele ne: Nanku nukumbaje bionsu bidi Maweja-Nangila Mvidi Mukulu wenu munuambile, anu mudibi amu.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

1 Samuele 10:25

Ke Samuwele kubadila bantu bidi bantu ne bua kuenzela mukalenga, ne bidi mukalenga ne bua kuenzela bantu. Kufundaye bionsu abi mu mukanda, kuutekaye mu nzubu wa Mvidi Mukulu. Pashishe kutangalajaye bena Izrayele, kupinganabu kuabu.

1 Samuele 15:23

Kadi kubenga kutumikila, nkuenza bualu bubi amu bu mudi kubuka lubuku. Kubenga kuitaba Maweja-Nangila, nkuenza bualu bubi anu bu mudi kutendelela mvidie. Nanku, bu muudi mubenge mua kutumikila mikenji ya Maweja-Nangila, wakubengi. Kuakuikala kabidi mukalenga wa bantu bende bena Izrayele to.