Dielulula 17:19 - MUKANDA WA MYIDI MUKULU

¹⁹ Nanku mukalenga alame mukanda awu pabuipi nende, bua ikale uubala matuku onsu atshidiye ne muoyi, bua anemeke Maweja-Nangila Mvidi Mukulu wende, akumbaje mikenji yonsu idibu bafunda mu mukanda awu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ yeye neashale ne mukanda eu, neaubale matuku andi onso; nunku yeye neamanye mua kutshina Yehowa, Nzambi wandi, ne mua kutumikila mei onso ne mikenji yonso bidi bifundamu, bua kubienza;

Dielulula 17:19 ပူးပေါင်းရင်းမြစ်များ

2 Bakalenga 22:10

Shafane kuamba kabidi ne: — Ilkiya, mutuangaji munene, mmumpeshe mukanda ewu. Shafane kubadila mukalenga Yoshiya mukanda awu.

Misambu 1:2

Muena diakalenga mmuntu udi unanga mikenji ya Maweja-Nangila. Udi uyambululula butuku ne munya, welaku meji.

Yowanane 5:39

Nudi nulonga malu a mu Mikanda ya tshijila, bualu nudi nuela meji ne: netupetelemu muoyi wa tshiendelele. Kadi mikanda ayi menemene ke idi ijadika bulelela buanyi!

Dielulula 11:18

Mikenji eyi indi munupeshe, nuyilame mu mioyi yenu ne mu mitshima yenu. Nuyisuike kabidi ku maboku enu, ne pa mpala yenu, bua kanuyipu muoyi to.

Dielulula 4:10

Vulukayi dituku dinuvua ku mukuna wa Sinayi, kumpala kua Maweja-Nangila Mvidi Mukulu wenu. Yeye uvua mungambile ne: “Sangisha bena Izrayele bonsu. Ndi musue kubamanyisha mikenji yanyi, bua bayilonde, bannemeke patshidibu ne muoyi. Nebayilongeshe kabidi ndelanganyi yabu.”

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

Dielulula 5:1

Moshe kubikila bena Izrayele bonsu, kubambila ne: — Bena Izrayele, telejayi meyi ne mikenji, bindi nnuambila lelu. Nubilonge, nubikumbaje.

Yoshua 1:8

Nanku ubalulule amu kubalulula malongesha adi mu mukanda wa mikenji. Udikonke, udiele meji bua malu awu, butuku ne munya, bua ukumbaje bionsu bidibu bafunda mu mukanda awu. Nanku, bionsu biudi muele meji a kuenza nebikumbane. Neupete dikasa dimpe.