Dielulula 15:5 - MUKANDA WA MYIDI MUKULU

⁵ panuikala bitabe meyi ende, bakumbaje mikenji yende yonsu indi nnuambila lelu eyi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ binunvua dî dia Yehowa, Nzambi wenu, bua kutumikila mikenji yonso inakunuambila lelu.

Dielulula 15:5 ပူးပေါင်းရင်းမြစ်များ

Misambu 19:11

Mikenji yende mmipite tshiamu tshia mpawungi mushinga, idi mimpe, mipite buitshi busheme.

Dielulula 15:4

Kadi Maweja-Nangila Mvidi Mukulu wenu, neanuambuluishe, bua nupete bintu bia bungi mu ditunga didiye munupe. Nanku munkatshi muenu kamuakuikala bapele to,

Dielulula 15:6

Pikala Maweja-Nangila Mvidi Mukulu wenu numusankishe ne bintu, bu nuwuaye mulaye, kanuakusomba makuta kudi muntu to. Kadi nuenu nenusombeshe bantu benyi ba bungi makuta. Kabidi nenuikale bamfumu ba bisamba bia bungi, kanuyi penu ku bumfumu bua tshisamba nansha tshimue.

Dielulula 26:14

Pamvua mu madilu, tshiena mudie tshia dikumi atshi. Pamvua ne mikiya, tshiena mutshilenge, nansha mutshilambule bua muntu mufue. Maweja-Nangila Mvidi Mukulu wanyi, ndi muteleje mikenji yebe, muyikumbaje yonsu.

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

Dielulula 6:2

Nanku nuenu ne ndelanganyi yenu, nenunemeke Maweja-Nangila Mvidi Mukulu wenu, panutshidi ne muoyi. Nenutumikile meyi ne mikenji biende bimvua munumanyishe. Nenushale ne muoyi matuku a bungi panu.

Filipe 1:27

Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.

Yoshua 1:7

Wewe kolesha muoyi, kutshinyi to. Kumbaja bimpe mikenji yanyi yonsu ivua Moshe muntu wanyi mukuambile. Kulenguludi mukenji nansha umue. Nanku wewe muyikumbaje yonsu, neupete dikasa dimpe mu bionsu biudi wenza.