Dielulula 15:2 - MUKANDA WA MYIDI MUKULU

² Mabanza awu nulekelangane mushindu ewu: padi tshidimu tshikumbana tshia kulekelangana mabanza mu dina dia Maweja-Nangila, bantu bonsu bavua basombesha bana babu makuta, kabena mua kunana makuta awu to. Kabidi muntu kena mua kutatshisha muanabu bua kufutaye dibanza adi to.

Mukanda wa Nzambi Dihungila Dikulukulu ne Dihungila Dihia-dihia 2003

² Nenulekelelangane bintu nunku: muena dibanza yonso nealekele bintu biakasombesheye muena mutumba nʼandi; yeye kena wenzesha muena mutumba nʼandi ne muanʼabo mulume bua kuhingishabo bintu ebi; bualu bua etshi ntshidimu tshiakabambila Yehowa bua kulekelelangana bintu.

Dielulula 15:2 ပူးပေါင်းရင်းမြစ်များ

Nehemya 10:31

Nanku, katuena basue kuselesha bana betu ba bakaji kudi bantu bavua bashale mu buloba buetu, patuvua mu bupika. Kabidi bana betu ba balume kabena mua kusela bakaji ba bantu aba to.

Yeshaya 58:3

Kadi badi bankonka ne: “Mutuajila biakudia mmunyi, paudi kuyi utumona? Mutuadikengesha mmunyi, paudi ulengulula bualu ebu?” Nenku meme kuandamuna ne: Tangilayi mene tshinudi nuenza: nansha nuenu bajile biakudia, nudi nukeba kudisankisha amu nuenu nkayenu. Nudi nukengesha bena mudimu benu.

Matayi 6:12

Utufuile luse ku malu etu mabi, bu mutudi tufuila badi batuenzela bibi luse.

Luke 7:42

Bu muvuabu kabayi ne mushindu wa kumufuta, yeye kubalekela mabanza bonsu babidi. Nanku wa ku babidi aba, udi mua kupita kumunanga nnganyi?

Dielulula 15:1

Padi bidimu muanda mutekete bikumbana, nuikale nulekelangane mabanza onsu anudi nawu.

Dielulula 15:3

Panudi nusombesha muenyi makuta, udi mua kunupingajila. Kadi muanenu kena ne bua kunupingajilawu to.

Dielulula 31:10

Moshe kubambila ne: — Padi bidimu muanda mutekete bikumbane, nuafiki ku tshikondu tshia kulekelangana mabanza, ne tshia kuenza tshibilu tshia tuzubu tua Bisasa.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.