Dielulula 13:3 - MUKANDA WA MYIDI MUKULU

³ tshishima atshi tshienzeka bu muvuaye munuambile, muntu awu unuambila bua kutendelela mvidie inudi kanuyi bamanye, kuyenzela mudimu,

Mukanda wa Nzambi Dihungila Dikulukulu ne Dihungila Dihia-dihia 2003

³ kanunvu mei a muprofete au, anyi mulotshi au wa bilota; bualu bua Yehowa, Nzambi wenu, udi munutete, bua kumanya ne, Nudi basue Yehowa, Nzambi wenu, ne mitshima yenu yonso ne muoyo wenu wonso.

Dielulula 13:3 ပူးပေါင်းရင်းမြစ်များ

1 Bakalenga 13:19

Nanku, muambi uvua mufume ku ditunga dia bena Yuda, kupingana ku nzubu kuende bua kudia ne kunua.

Misambu 119:2

Bantu badi balonda mikenji yende, bamutumikila ne muoyi wabu mujima, badi ne disanka!

Misambu 66:10

Mvidi Mukulu wetu, udi mututete, mutulengeje, mudibu bengulula tshiamu tshia mushinga mukole mu kapia.

Misambu 81:7

Ndi mukumbushe bujitu buvua pa makaya ebe, bianza biebe mbilekela tshisaka tshia bujitu.

Ekesode 20:20

Moshe kubandamuna ne: — Kanutshinyi to. Mvidi Mukulu mmufike bua kunuteta, bua numutshine, nulekele buenzayi.

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Matayi 24:24

Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.

Bienzedi 17:11

Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela.

1 Korente 11:19

(Matapuluka adi ne bua kuenzeka munkatshi muenu, bua badi balama ditaba dilelela, bamueneke patoke.)

2 Korente 8:8

Tshiena nnuelela mukenji. Kadi ndi nnusonsola, nnuleja muvua bakuabu bakuata mudimu ne disuminyina, bua nuleje kabidi patoke munudi nunanga bantu.

Efeze 4:14

Diba adi katuakuikala kabidi bana, badibu batekakaja kudi malongesha mashilangane, mushindu udi mavuala ne mpepele bitekakaja majuwa. Muntu utshidi muana mu ditaba, bena dishima badi bamupambula, banubueja mu ntupakanyi, ne malongesha abu a kudinga nawu bantu.

Dielulula 6:5

Nunange Maweja-Nangila Mvidi Mukulu wenu, ne muoyi wenu mujima, ne mutshima wenu onsu, ne bukole buenu buonsu.

Dielulula 8:16

Amu mu tshipela amu, Maweja-Nangila kunupa mana, biakudia bivua bankambua benu kabayi banji kumanya. Uvua munukengeshe, kadi amu bua kunuteta, kabidi bua kunulongoluela diakalenga matuku adi kumpala.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

2 Tesalonike 2:11

Ke padi Mvidi Mukulu utshipaja mioyi yabu, bua bitabe malu a dishima.

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

1 Yone 4:4

Kadi nuenu, bana banyi, nudi bantu ba Mvidi Mukulu. Nukadi batshimune bambi ba dishima. Bualu Mueyelu udi munda muenu udi ne bukole bupite bua mueyelu udi munda mua bena panu.

Didimanyisha 13:14

Uvua upambuisha bantu ba pa buloba ku malu a dikema avuaye ne bukenji bua kuenza mu dina dia nyama wa kumpala. Kuambilaye bantu ba pa buloba, bua benze tshimfuanyi, banemekele natshi nyama uvuabu batape muele wa mvita, kadi mutshikale amu ne muoyi.

Balombodi 2:22

Nengangate bisamba ebi, bua meme kujadika nabi ne: bena Izrayele mbasue kuntumikila, muvua bankambua babu benza, anyi mbabenge mua kuenza tshindi musue.

1 Samuele 26:19

Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”