Dielulula 12:3 - MUKANDA WA MYIDI MUKULU

³ Nunyangakaje bilambuilu biabu. Nupule mabue adibu bimanyike. Nuoshe makunji a tshijila. Nushimbule mpingu ya mvidie yabu. Nukuate mudimu bua bantu kabavuluki kabidi nansha mena mene a mvidie ayi miaba yonsu ivuabu bayitendelela.

Mukanda wa Nzambi Dihungila Dikulukulu ne Dihungila Dihia-dihia 2003

³ Nenushale bioshelu biabo, nutshibule mabue abo bituha, nuoshe Bashela babo ne kahia; nenutahe mpingu yakasongabo ne tshifuanyikishi tshia nzambi yabo; nenjimishe mena abo mu muaba au.

Dielulula 12:3 ပူးပေါင်းရင်းမြစ်များ

1 Bakalenga 14:15

Pashishe Maweja-Nangila neanyoke bena Izrayele. Nebazakale bu bisosa bidi ku muelelu wa mayi. Maweja-Nangila neumushe bena Izrayele mu buloba ebu buimpe buvuaye mumane kupesha bankambua babu. Neabatangalaje dishiya dia musulu wa Perate wa bena Babilone. Bena Izrayele nebakenge nenku, bualu bavua benza makunji a kutendelela mvidie bua kufikisha Maweja-Nangila munda.

1 Bakalenga 15:13

Asa kukandikaye bantu bua kababikidi kakuende Maaka ne: “Mukalenga muadi,” bualu Maaka uvua mupete meji mabi a kuenza lupingu lua mvidie mukaji Ashera. Asa kutuma diyi bua banyangakaje lupingu alu, baloshile ku muelelu wa musulu wa Sedrone.

2 Bakalenga 11:18

Diba adi, bantu bonsu kuya mu nzubu wa Baale. Kupulabu nzubu awu, kunyangakaja bilambuilu ne mpingu ivuamu. Kushipabu Matane, mutuangaji wa Baale, kumpala kua bilambuilu. Pashishe, mutuangaji Yoyada kuteka bantu bua kulama bimpe nzubu wa Maweja-Nangila.

2 Bakalenga 18:4

Izkiya ke uvua mukandike miaba ya kutendelela mvidie, mupule bibumba bia mabue, mupule kabidi ne makunji a kutendelela. Uvua nuukosolole nyoka wa tshiamu tshikunze, uvua Moshe muenze. Bualu too ne ku tshikondu atshi, bena Izrayele batshi wa anu balambula milambu ya manananshi ku nyoka awu, uvuabu babikila ne: Nehuktane.

2 Bakalenga 23:14

Yoshiya kupula mabue avuabu bimanyika, kupula makunji a kutendelela mvidie, kubuikilaye miaba ya kutendelela mvidie ayi ne mifuba ya bantu.

2 Kulondolola 14:2

Kunyangaye bilambuilu ne miaba ivua bena ditunga batendelela mvidie ya benyi. Kupulaye mabue avuabu bimanyike. Kutshibulaye makunji a kutendelela mvidie.

2 Kulondolola 14:3

Kuambilaye bena Yuda bua batendelele Maweja-Nangila Mvidi Mukulu wa bankambua babu, batumikile meyi ne mikenji biende.

2 Kulondolola 19:3

Bushuwa malu makuabu auvua muenze adi mempe. Mu ditunga diebe uvua muoshe makunji a kutendelela nawu mvidie mukaji Ashera. Uvua muitabe, mutumikile kabidi Maweja-Nangila ne muoyi webe mujima.

2 Kulondolola 31:1

Tshibilu tshimane kujika, bena Izrayele bonsu bavua muaba awu, kuya mu bimenga bia bena Yuda. Kubumbulabu mabue avua bantu bimanyike, kupulabu makunji a kutendelela mvidie, kunyangabu miaba ya kutendelela mvidie, ne bilambuilu biayi. Bena Izrayele bavua benza nanku mu bukalenga buonsu bua bena Yuda, mu tshisamba tshia bena Binyamine, tshia bena Efrayime ne tshia bena Menashe. Pashishe, muena Izrayele yonsu kupingana ku nzubu kuende mu tshimenga tshiende.

2 Kulondolola 34:3

Tshidimu tshia muanda mukulu tshia bukalenga bua Yoshiya, yeye mutshikale nsongalume, kukebaye mua kumanya tshidi Mvidi Mukulu wa nkambua wende Davide musue. Pashishe bidimu binayi bimane kupita, kutuadjaye kumusha miaba ya kutendelela mvidie ya bantu benyiivua mu Yerushalayime, ne mu bukalenga bua Yuda. Kumushaye kabidi makunji ne mpingu bia kutendelela mvidie bia mishindu yonsu.

Misambu 16:4

Bonsu badi bakeba bua mvidie mikuabu ibambuluishe, badi badikebela makenga. Mvidie eyi tshiena nyilambula milambu ya nyama, tshiena nansha ntela mena ayi.

Ekesode 23:13

“Nulame malu andi meme Maweja-Nangila munuambile aa. Kanutendeledi mvidie ya bisamba bikuabu. Kanuyitedi mukana muenu.

Ekesode 23:24

Nanku, kanuena mua kunemeka mvidie idibu batendelela. Kanuena mua kuyikukuila nansha kulonda bibidilu bia bisamba abi. Kadi, nuzaze mpingu ya mvidie ayi. Nushimbule makunji abu a mabue.

Ekesode 34:13

Nanku, nupule bilambuilu biabu, nupule makunji abu adibu batendelela.

Yeshaya 27:9

Kadi mpindiewu, monayi, bubi bua bena Izrayele nebujimine; nebalekele bilema biabu. Nebatshibule mabue onsu a ku tshilambuilu, baazaza bu mabue a lupemba. Kabena basa kabidi makunji a kutendelela mvidie, nansha bioshelu bia manananshi.

Yirmeya 17:2

Bualu bena Yuda badi batendelela mvidie, bayilambula milambu, bayashila makunji kuinshi kua mitshi, pa mikuna,

Osheya 2:17

Neandonde mu tshipela ne disanka, bu tshikondu tshivuaye nsongakaji, tshivuaye mupatuke mu Ejipitu. Netupingane nende mu Izrayele. Nemmupingajile mionji yende ya mvinyo. Tshibandabanda tshibi tshia Akore, netshiandamuke tshiibi tshidi tshimuleja ditekemena.

Mika 5:14

Nemfike munda, nensombuele bisamba bia bantu, bivua kabiyi bintumikila.”

Zekâya 13:2

Maweja-Nangila wa bukole buonsu udi wamba ne: Dituku adi, nengumushe mu ditunga mpingu ya kutendelela nayi nwidie. Muntu nansha umue kakuvuluka kabidi nansha mena ayi. Nengumushe kabidi mu ditunga bantu bonsu badi badiamba ne: tudi bambi. Nentuyishe dijinga dienu dia kutendelela nwidie.

Dibadika 33:52

nuipate bena ditunga adi bonsu. Nunyange mpingu yonsu, idi ileja mvidie yabu, nansha bayisonge mu mabue, nansha bayifule ne tshiamu. Nunyangakaje kabidi miaba yabu yonsu idibu batendelela.

Dielulula 12:4

Panudi nutendelela Maweja-Nangila Mvidi Mukulu wenu, kanulondi bibidilu bia bisamba abi to.

Dielulula 7:25

Nuoshe mpingu ya mvidie yabu yonsu. Kanualakanyi biamu bia mpawungi ne biamu bitoke bia mushinga mukole bidibu balamike ku mpingu aku to. Kamuangatshi to. Bualu Maweja-Nangila udi ukina bintu ebi. Bidi mua kunukebela diakabi.

Dielulula 7:5

Nanku nunyangakaje bilambuilu biabu, nupule tshibumba tshia mabue tshidibu benze, nupule makunji a kutendelela mvidie adibu base, nuoshe kabidi ne mpingu yabu.

Didimanyisha 13:1

Pashishe meme kumona nyama upatuka mu mayi manene. Uvua ne nsengu dikumi ne mitu muanda mutekete. Ku lusengu luonsu kuvua tshifulu tshia bukalenga. Pa mitu yende bavua bafunde mena a kusendeka nawu Mvidi Mukulu.

Balombodi 2:2

Kadi mvua munukandike bua kanutu ndondu ne bena ditunga edi, munulombe kabidi bua nuupule bilambuilu biabu. Kadi kanuena bangitabe to. Nuvua benze nanku bua tshinyi?