Dielulula 11:31 - MUKANDA WA MYIDI MUKULU

³¹ Nuenu bena Izrayele, nukadi pa kusabuka musulu wa Yardene, bua kubuela mu ditunga edi, didi Maweja-Nangila Mvidi Mukulu wenu unupa. Nenudikuate bua kusombamu.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bualu bua nenusabuke Yadene bua kubuelamu ne bua kuhiana buloba budi Yehowa, Nzambi wenu, unuha; nenubuhiane, nenushikamemu.

Dielulula 11:31 ပူးပေါင်းရင်းမြစ်များ

Dibadika 33:53

Nukuate ditunga diabu, nusombemu. Ditunga nedishale dienu, bualu ndi mumane kunupeshadi.

Dielulula 11:32

Diba adi, mwuluke bua kukumbaja meyi ne mikenji yende, bindi nnumanyisha lelu ebi.

Dielulula 17:14

Panuafika mu ditunga didi Maweja-Nangila Mvidi Mukulu wenu munupe bua kusomba, misangu mikuabu nenuikale ne dijinga dia kupeta mukalenga, bua nuikale mudi bisamba bikuabu binudi nabi mutumba.

Dielulula 9:1

Nuenu bena Izrayele, telejayi. Lelu nenusabuke musulu wa Yardene. Nenuipate bisamba bionsu bidi binupita ku bukole ne ku bungi. Nenukuate bimenga biabu bidi ne bimana bitumbuke mulu.

Yoshua 1:11

bua bendakane mu mitanda, bambile bantu bua bakumbaje mikenji itudi tutela eyi: “Nuenu bena Izrayele, nulongolole biakudia. Bualu papita matuku asatu, nenusabuke Yardene bua kuya kukuata ditunga didi Maweja-Nangila Mvidi Mukulu wenu munupeshe bua kusomba.”

Yoshua 21:43

Maweja-Nangila kupesha bena Izrayele ditunga adi dionsu dijima divuaye mumane kulaya bankambua babu. Kukuatabu ditunga adi, kuasamu.