Dielulula 10:22 - MUKANDA WA MYIDI MUKULU

²² Pafikile bankambua benu mu Ejipitu, kabavua bapite ku makumi muanda mutekete to. Kadi mpindiewu, Maweja-Nangila Mvidi Mukulu wenu mmunuvudije bu mitotu ya mulu.

Mukanda wa Nzambi Dihungila Dikulukulu ne Dihungila Dihia-dihia 2003

²² Bankambua benu makumi muanda mutekete bakaya mu Ejipitu; katataka Yehowa, Nzambi wenu, wakanuvudisha bungi bua mitoto idi mu diulu.

Dielulula 10:22 ပူးပေါင်းရင်းမြစ်များ

Genese 15:5

Maweja-Nangila kupatuka ne Abrame mu ntenta wende, umuambila ne: — Tangila mulu ne udi mua kubala mitotu idimu. Ke muikale bungi bua ndelanganyi yebe.

Genese 22:17

Nenkuele lupemba; nemvudije ndelanganyi yebe bungi bua mitotu ya mulu, nansha bu lusenga lua ku muelelu wa mayi manene. Ndelanganyi yebe neyinyenge misoku ya bena lukuna bayi.

Genese 46:26

Ndelanganyi yonsu ya Yakobe, iwaye mufike nayi mu Ejipitu, ivua bantu makumi asambombu ne basambombu, katuyi tubale bakaji ba bana ba Yakobe.

Genese 46:27

Yozefe uvua mulele bana ba balume babidi mu Ejipitu. Nanku ndelanganyi ya Yakobe ivua misombe mu ditunga dia Ejipitu kukumbana bantu makumi muanda mutekete.

Nehemya 9:23

Ndelanganyi yabu ivua ya bungi, mipite mitotu ya mu diulu. Udi mubafile bua bakuate ditunga dia Kenaane, diuvua mulaye bankambua babu.

Ekesode 1:5

Ndelanganyi ya Yakobe yonsu ivua bantu makumi muanda mutekete. Amu Yozefe uvua mumane kudianjila mu Ejipitu.

Dibadika 26:51

Bena Izrayele bonsu bavuabu babadike bavua bantu balume 601.730.

Dibadika 26:62

Bantu balume bonsu, too ne bana ba ngondu umue ne pa mutu, bavua 23.000. Bena Levi aba, kabavua bababadike pamue ne bena Izrayele bakuabu bonsu to, bualu kabavua ne bua kupeta muaba wabu wa kuasa mu ditunga to.

Bienzedi 7:14

Ke Yozefe kubikidisha tatuende Yakobe ne diku diabu dijima; bantu bonsu basanga bavua makumi muanda mutekete ne batanu.

Dielulula 1:10

Maweja-Nangila Mvidi Mukulu wenu mmunuvudije. Mpindiewu nudi bungi bu mitotu ya mulu.

Dielulula 1:11

Ndi njinga bua Maweja-Nangila, Mvidi Mukulu wa bankambua benu, anuvudije kabidi, nuvulangane misangu tshinunu. Anuele lupemba, bu muvuaye munulaye.

Dielulula 26:5

Pashishe muntu udi ufila bintu abi, neambe kabidi kumpala kua Maweja-Nangila ne: “Nkambua wanyi uvua muena Arame, kayi ne muaba wa kusomba. Kadi uyile kusomba ku Ejipitu ne tshisumbu tshikese tshia bantu bavuaye nabu. Bantu abu kuvulangana, kuenza tshisamba tshinene tshia bantu, tshia bukole kabidi.

Dielulula 28:62

Nanku nansha nuenu bamane kusangana bu mitotu ya mulu, anu bantu bakese nebashale ne muoyi. Bualu nuvua babenge Maweja-Nangila Mvidi Mukulu wenu.

Ebrewu 11:12

Nenku muntu umue ewu, uvua mumane kuikala bu mufue, kulela ndelanganyi ya bungi, bungi kabuyi kubala, bu mitotu ya mu diulu, bu lusenga lua ku muelelu wa mayi manene.