Dielulula 10:18 - MUKANDA WA MYIDI MUKULU

¹⁸ Maweja-Nangila udi wakuila bakaji bakamba ne bana ba nshiya. Udi unanga bantu benyi badi munkatshi muenu, ubapesha bilamba ne biakudia.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Udi ulesha buakane kudi bana ba nshiya ne bakashi ba mu lufuila, udi musue kuha benyi bintu bia kudia ne bintu bia kuluata.

Dielulula 10:18 ပူးပေါင်းရင်းမြစ်များ

2 Kulondolola 19:7

Nunemeke Maweja-Nangila. Nudimuke bua binudi nuenza. Bualu Maweja-Nangila Mvidi Mukulu wenu, kena musue buenzayi, kansungansunga, nansha bintu bia mabuejila.

Misambu 10:18

miadi ya bana ba nshiya ne ya bantu badibu bakengesha. Nanku pa buloba kapakuikala kabidi muena tshikisu.

Misambu 103:6

Maweja-Nangila udi ukosa nsambu pa yoyi, udi ulumbuluila bantu badibu bakengesha.

Misambu 145:9

Maweja-Nangila udi musue bantu bonsu, udi munange bonsu badiye mufuke.

Misambu 146:9

Maweja-Nangila udi ulama bantu badibu bipata, wambuluisha muana nshiya ne mukaji mukamba, kadi udi unyanga malu adi bantu babi bapangadika mua kuenza.

Misambu 68:5

Imbilayi Mvidi Mukulu misambu, nutumbishe dina diende. Nuakidile udi wendakana pa mavuba. Dina diende mMaweja-Nangila. Nutue tshianga, numusamune.

Misambu 68:6

Mvidi Mukulu udi usomba mu nzubu wende wa tshijila. Udi Tatu wa bana ba nshiya, ulumbuluila bakamba.

Ekesode 22:20

“Kanutatshishi muenyi, kanumukengeshi. Bualu nuenu nuvua benyi mu ditunga dia Ejipitu.

Ekesode 22:21

Kanukengeshi bakaji bakamba nansha bana ba nshiya.

Ekesode 22:22

Bualu bobu badile, bambikile, nembateleje.

Ekesode 22:23

Nemfike munda, nnushipe ne muela. Nanku bakaji benu nebashale bakamba, bana benu nebashale bana ba nshiya.

Yeshaya 1:17

Kadi enzayi malu makane, ambuluishayi bantu bua benzelangane bimpe, nukandike badi bakengesha bantu bakuabu. Vulukayi muana nshiye, bua apete tshidiye ne bua kupeta. Akuilayi mukaji mukamba.”

Yirmeya 49:11

“Panuafua, meme nendishe bana benu ba nshiya, nendame bakaji benu bakamba bimpe.”

Osheya 14:3

Pinganayi kudi Maweja-Nangila, numulomba ne: “Utufuileku luse. Wanyishe bua tukutumbishe.

Lewitiki 25:35

“Padi muanenu, nansha muenyi udi mu ditunga dienu, muikale mu dikenga, kayi ne mushindu wa kukumbaja bionsu bivuaye munulaye, numuambuluishe bua asombe nenu bimpe.

Dibadika 10:32

Wewe muye netu, netukusankishe ne bintu bituikala bapete kudi Maweja-Nangila, bu muvuaye mutulaye.

Matayi 5:45

Nanku nenuikale bana ba Tatu wenu udi mu diulu, bualu Yeye udi ubandishila bantu babi ne bantu bimpe diba diende; kabidi udi utekesha mvula bua bantu bonsu, bua badi benza bimpe, ne bua badi benza bibi.

Bienzedi 14:17

Kadi uvua udimanyisha matuku onsu mu malu mimpe avuaye wenza: udi unulokeshila mvula, ubobesha bikunyibua mu tshikondu tshiabi, unupa biakudia, usankisha mioyi yenu.

Dielulula 27:19

“Muntu yonsu udi unyangakaja tshilumbu tshia muana nshiya, tshia mukaji mukamba, nansha tshia muenyi udi munkatshi muenu, asangane muena tshibawu kuenza anyi?” Bonsu ne: “Enze!”