Dielulula 1:10 - MUKANDA WA MYIDI MUKULU

¹⁰ Maweja-Nangila Mvidi Mukulu wenu mmunuvudije. Mpindiewu nudi bungi bu mitotu ya mulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yehowa, Nzambi wenu, wakunukumbasha ba bungi, ne monai, lelu nudi bu bungi bua mitoto ya mulu.

Dielulula 1:10 ပူးပေါင်းရင်းမြစ်များ

Genese 15:5

Maweja-Nangila kupatuka ne Abrame mu ntenta wende, umuambila ne: — Tangila mulu ne udi mua kubala mitotu idimu. Ke muikale bungi bua ndelanganyi yebe.

Genese 22:17

Nenkuele lupemba; nemvudije ndelanganyi yebe bungi bua mitotu ya mulu, nansha bu lusenga lua ku muelelu wa mayi manene. Ndelanganyi yebe neyinyenge misoku ya bena lukuna bayi.

Genese 28:14

Ndelanganyi yebe neyivulangane bu lusenga lua pa buloba. Neyimuangalake nseke yonsu inayi ya buloba. Nengele bisamba bionsu bia pa buloba lupemba mu dina diebe ne dia ndelanganyi yebe.

1 Kulondolola 27:23

Mukalenga Davide kavua mubadike bansongalume ba bena Izrayele bavua ne bidimu bishadile ku makumi abidi to. Bualu Maweja-Nangila uvua mudianjile kumanyisha ne: neavudije bena Izrayele bungi bu mitotu ya kulu.

Nehemya 9:23

Ndelanganyi yabu ivua ya bungi, mipite mitotu ya mu diulu. Udi mubafile bua bakuate ditunga dia Kenaane, diuvua mulaye bankambua babu.

Misambu 107:38

Maweja-Nangila udi ubela lupemba, udi ubavudija ba bungi, kena ukepesha bimuna biabu nansha.

Ekesode 12:37

Pashishe bena Izrayele kumuka mu Ramsese bua kuya ku Sukote. Bavua bantu balume binunu nkama isambombu, katuyi babale bakaji, bana ne bantu bakulakaje.

Ekesode 32:13

Uvuluke meyi ebe ne mitshipu biuvua mulaye bantu bebe Abrahame, Izake ne Yakobe bua kuvudija ndelanganyi yabu, bu mitotu ya mulu, kabidi bua kupianabu ditunga edi dionsu kashidi.

Yeshaya 51:2

Vulukayi Abrahame tatuenu, ne Sara uvua munulele. Abrahame kavua ne muana, pamvua mumubikile. Kadi meme kumuela lupemba, ndelanganyi yende kuvulangana pa buloba.

Yezekiyele 16:7

Meme kukukolesha, wewe kuenza bu tshilongu tshidi tshitayika, tshilengela. Wewe kutantamana, kushala nsongakaji mulengele, wewe kuasa mabela, miosa yebe kupatuka pambidi. Kadi uvua anu butaka menemene.

Dibadika 10:36

Pavua bena Izrayele bafike ne mushete wa ndondu muaba wa kuasa mitanda, Moshe uvua wela kabidi diyi dikole, wamba ne: “Maweja-Nangila, pinganaku, usombe munkatshi mua bena Izrayele, bantu bebe bapite bungi.”

Dielulula 1:11

Ndi njinga bua Maweja-Nangila, Mvidi Mukulu wa bankambua benu, anuvudije kabidi, nuvulangane misangu tshinunu. Anuele lupemba, bu muvuaye munulaye.

Dielulula 10:22

Pafikile bankambua benu mu Ejipitu, kabavua bapite ku makumi muanda mutekete to. Kadi mpindiewu, Maweja-Nangila Mvidi Mukulu wenu mmunuvudije bu mitotu ya mulu.

Dielulula 26:5

Pashishe muntu udi ufila bintu abi, neambe kabidi kumpala kua Maweja-Nangila ne: “Nkambua wanyi uvua muena Arame, kayi ne muaba wa kusomba. Kadi uyile kusomba ku Ejipitu ne tshisumbu tshikese tshia bantu bavuaye nabu. Bantu abu kuvulangana, kuenza tshisamba tshinene tshia bantu, tshia bukole kabidi.

Dielulula 28:62

Nanku nansha nuenu bamane kusangana bu mitotu ya mulu, anu bantu bakese nebashale ne muoyi. Bualu nuvua babenge Maweja-Nangila Mvidi Mukulu wenu.

Dielulula 7:7

Maweja-Nangila mmununange, munusungule, ki mbua ne: nudi nupita bisamba bionsu ku bungi to. Nudi bakese, bashadile kudi bisamba bikuabu.