Dielulula 1:1 - MUKANDA WA MYIDI MUKULU

¹ Mukanda ewu udi utuambila malu avua Moshe muyukile ne bena Izrayele bonsu, patshivuabu luseke ludi diba dipatukila lua musulu wa Yardene, mu tshipela tshidi pabuipi ne Sufe. Ku luseke lumue lua tshipela etshi kuvua tshimenga tshia Parane, ku luseke lukuabu kuvua bimenga ebi: Tofele, Labane, Asherote ne Di-Zahabe.

Mukanda wa Nzambi Dihungila Dikulukulu ne Dihungila Dihia-dihia 2003

¹ Â mmei akambila Mose Bena Isalele dishiya dia Yadene mu tshihela mu Alabâ tshitangilangane ne Sufa, hankatshi ha Palana ne Tofele ne Labana ne Heselota ne Dizababa.

Dielulula 1:1 ပူးပေါင်းရင်းမြစ်များ

Genese 21:21

Mamuende kumuselesha mukaji wa bena Ejipitu.

1 Bakalenga 11:18

Kumukabu mu buloba bua bena Madiyane, kupitshilabu mu tshipela tshia Parane. Kuangatabu bantu bavua mu tshipela tshia Parane, kuya nabu mu Ejipitu kudi mukalenga wa ditunga. Mukalenga wa bena Ejipitu, kupesha Adade nzubu ne maloba. Kumulayaye bua kumudisha.

Abakuke 3:3

Mvidi Mukulu udi utumina ku Temane, Mvidi Mukulu wa tshijila udi upueka ku mikuna ya Parane. Diulu ndiwule tente ne buneme buende, buloba tente ne lumu luende.

Dibadika 10:12

Bena Izrayele kubanga luendu, kumuka ku tshipela tshia Sinayi. Divuba kuimana, kutuluka mu tshipela tshia Parane.

Dibadika 11:35

Bena Izrayele kumbuka ku Kibrote-Taawa, kuya kuasa mitanda yabu ku Asherote.

Dibadika 12:16

Pashishe kumukabu mu Asherote bua kuya kuasa mitanda mu tshipela tshia Parane.

Dibadika 13:26

ku Kadeshe, mu tshipela tshia Parane, muaba uvua Moshe, Arone ne bena Izrayele bonsu. Kubalondelabu bionsu bivuabu bamone mu Kenaane. Kubalejabu kabidi bimuma bia mu ditunga adi.

Dibadika 13:3

Moshe kuitaba diyi dia Maweja-Nangila. Kusungulaye bantu bavua bonsu bamfumu ba bena Izrayele, bua bumuke mu tshipela tshia Parane, baye mu Kenaane.

Dibadika 32:19

Katuena basue kuabanyangana nabu buloba budi dishiya dia musulu wa Yardene to, bu tuetu mua kupeta buloba dia munemu dia musulu, luseke luawu ludi diba dipatukila.

Dibadika 32:32

Netuambule bia mvita bua kuluangana ne bena Kenaane, badi dishiya dia musulu wa Yardene. Pashishe tuetu netu-pingane dia munemu bua kupeta bupianyi buetu, luseke ludi diba dipatukila lua musulu ewu wa Yardene.

Dibadika 32:5

Kusengelelabu kabidi Moshe ne: — Anyisha, utupeshe miaba eyi, tuabanyangane. Katuena basue kusabuka dishiya dia musulu wa Yardene to.

Dibadika 33:20

Bumuka mu Rimone-Perese, kuyabu ku Libna.

Dibadika 33:21

Bumuka mu Libna, kuyabu ku Risha.

Dibadika 34:15

Bisamba ebi bibidi ne tshitupa, nebisombe dishiya dia musulu wa Yardene, luseke luawu ludi diba dipatukila, batangilangane ne Yeriko.

Dibadika 35:14

bisatu luseke ludi diba dipatukila lua Yardene, bisatu bikuabu mu ditunga dia Kenaane.

Dielulula 2:8

Nanku tuvua babenge kupitshila ku mikuna ya Seyire, muaba uvuabu basombe kudi bana betu, ndelanganyi ya Esawu. Tuvua babenge kabidi kupitshila mu njila wa kuinshi wa mu tshibanda, ne mu misoku ya Elate, ne Eshiyone-Ngebere. Tuetu kubenda, bua kupitshila mu tshipela tshia Mowabe.

Dielulula 27:1

Moshe, pamue ne bakulu ba ditunga, kuya kudi bena Izrayele, kubambila ne: — Nukumbaje mikenji yonsu indi nnumanyisha lelu.

Dielulula 29:1

Moshe kubikila bena Izrayele bonsu, kubambila ne: — Panuvua mu Ejipitu, nuvua badimuene muvua Maweja-Nangila mukengeshe mukalenga wa bena Ejipitu, balombodi ba mu bukalenga buende, ne bantu bonsu.

Dielulula 31:1

Moshe kuambila kabidi bena Izrayele bonsu ne:

Dielulula 33:2

Maweja-Nangila mmufume ku mukuna wa Sinayi, mmujuke mu ditunga dia Seyire, bu diba, mmubande pa mukuna wa Parane, bua kuleja bantu butumbi buende. Batumibue binunu badi benda nende. Mmufike kudi bena diende, mukuate ku bianza mikenji idi ikenka bu kapia.

Dielulula 4:46

Bakalua bafika luseke ludi diba dipatukila lua musulu wa Yardene, mu tshibandabanda tshidi tshitangilangana ne tshimenga tshia Bete-Peyore, mu ditunga dia mukalenga Sihone wa bena Amore, wa mu Eshebone, uvuabu batshimune kudi Moshe ne bena Izrayele.

Dielulula 5:1

Moshe kubikila bena Izrayele bonsu, kubambila ne: — Bena Izrayele, telejayi meyi ne mikenji, bindi nnuambila lelu. Nubilonge, nubikumbaje.

Yoshua 22:4

Mpindiewu, Maweja-Nangila Mvidi Mukulu wenu mmumane kuitaba bua bana benu basombe mu buloba buabu, bu muvuaye mumane kubalaya. Nanku nuenu nudi mua kupingana kuenu. Nuye kusomba muaba uvua Moshe, muntu wa Maweja-Nangila, munuabanyine, luseke ludi diba dipatukila lua Yardene.

Yoshua 22:7

Kubambilaye ne: — Pinganayi kuenu, ne bintu bionsu binudi bapete: bimuna, nkanu ya tshiamu tshitoke tshia mushinga mukole, biamu bia mpawungi, biamu bikunze, bifike, ne bilamba bipite bungi. Nanku nuabanyangane bintu bionsu, binudi banyenga baluishi betu ebi, ne bena bisamba bienu bakuabu. Bena tshitupa tshia tshisamba tshia Menashe,

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.

Yoshua 9:1

Bakalenga bonsu bavua base luseke ludi diba dibuelela lua musulu wa Yardene, bavua bumvue muvua bena Izrayele banyangakaje tshimenga tshia Ayi: ke bakalenga bonsu bavua ku mikuna, mu mpata, ne ku muelelu wa Mayi manene a pankatshi pa matunga, too ne ku Lebanone. Nanku bakalenga ba bena Iti, bena Amore, bena Kenaane, bena Perizi, bena Ivi ne bena Yebusa,

Yoshua 9:10

Kabidi tudi bamanye muvuaye mukengeshe bakalenga babidi ba bena Amore bavua dishiya dia musulu wa Yardene. Bakalenga aba ke: Sihone, mukalenga wa Eshebone, ne Oge, mukalenga wa Bashane, uvua musombe mu Ashetarote.

1 Samuele 25:1

Tshikondu atshi, Samuwele kufua. Kumujikabu kuende mu tshimenga tshia Rama. Bena Izrayele bonsu kudisangisha bua kuenza madilu ende. Pashishe, Davide kuya mu tshipela tshia Parane.