Didimanyisha 16:2 - MUKANDA WA MYIDI MUKULU

² Mutumibue wa kumpala kuya kuitshikija dikopu diende pa buloba. Ke mubidi wa bantu bonsu bavuabu batue tshitampi tshia nyama, bakukuile tshimfuanyi tshiende, kupandika mputa mibi, ibasamisha bikole.

Mukanda wa Nzambi Dihungila Dikulukulu ne Dihungila Dihia-dihia 2003

² Wa kumudilu wakaya, wakahongolola luhanza luandi ha buloba; ne mputa mibi idi isamisha bantu yakakuata bakadi ne tshimanyinu tshia nyama wa luonji ne bakadi bakukuila tshifuanyikishi tshiandi.

Didimanyisha 16:2 ပူးပေါင်းရင်းမြစ်များ

Didimanyisha 8:7

Mutumibue wa kumpala kuela mpungi. Mvula wa mabue ne kapia, bisambakana ne mashi, kulokabi pa buloba. Tshia bisatu tshimue tshia buloba, tshia mitshi, ne bisosa bibishi bionsu kupiabi.

Didimanyisha 16:11

Bavua basendeka Mvidi Mukulu wa mu diulu bua makenga abu, ne bua mputa yabu. Kadi kabavua balekela malu abu mabi.

Dielulula 28:27

Maweja-Nangila neanutumine masama mashilangane nuwuaye muenzele bena Ejipitu: mulaka, maputa, mpusu, ne tshikupi tshidi katshiyi mua kujika to.

Bienzedi 12:23

Diakamue mutumibue wa Mvidi Mukulu kusamisha Erode, bualu uvua udikebela lumu luvua Mvidi Mukulu ne bua kupeta. Kubuelaye bikusu, kufua.

Yeshaya 3:17

Nenku Maweja-Nangila neabakungule mu mutu, neabashiye butaka.

2 Kulondolola 21:18

Malu onsu aa mamane kuenzeka, Maweja-Nangila kutumina Yorame disama dikole dia mu mala, didi kadiyi dijika.

2 Kulondolola 21:15

Wewe neupete masama mashilangane. Disama dikuabu dia mashi nedikunemenene ku dituku dionsu too ne muikala mala ebe apatuka munda.”

1 Samuele 5:9

Kadi, amu mushete ufika mu Ngate, Maweja-Nangila kuleja bena mu tshimenga atshi bukole buende. Kupapukabu bikole. Bena tshimenga atshi bonsu, bantu bakole ne bana batekete, kupetabu disama dia mulaka.

1 Samuele 5:6

Maweja-Nangila kukengesha bena mu tshimenga tshia Asdode bikole bipite, bua kubaleja bukole buende. Bobu ne bena mutumba babu, kubakuatshishaye bowa, kubatua disama dia mulaka.

Dielulula 7:15

Maweja-Nangila neanuepule ku masama onsu, ne ku bipupu bikole bionsu, bivua bikuata bena Ejipitu, munudi bamanye. Bipupu abi, nebikuate anu bantu badi banukina.

Yeshaya 3:24

Pa mutu pa kununka mupuya muimpe wa manananshi, nebanunke mupuya mubi wa bintu bibole. Pa mutu pa mukaba, nebavuale anu muonji. Pa mutu pa kulukisha nsuki bimpe, nebakungule mu mutu. Pa mutu pa bilamba bilenga, nebavuale bia madilu. Eyowa, bulenga buabu nebuandamuke bundu.

Misambu 78:26

Pashishe Mvidi Mukulu kupatula lupepela mu diulu, luseke ludi diba dipatukila, kuenzeja lupepela lua kuinshi kua ditunga bua lupepe bikole.

Didimanyisha 14:16

Nenku uvua musombe pa divuba, kukuataye mudimu ne muele wende, kunowa bionsu bivua pa buloba.

Dielulula 28:35

Maweja-Nangila neanutumine disama dikole dia biuja. Nebinuenze mu makasa, mu binu, ku bibelu, mu mutu too ne mubidi mujima, kakuyi mushindu wa kudiondapa.

Didimanyisha 13:12

Uvua utuma diyi ne bumfumu buonsu buvua nyama wa kumpala nabu. Uvua ubambidika buloba ne bantu bonsu, bua bikukuile nyama wa kumpala, uvua ne mputa wa lufu mumane kuuma.

Didimanyisha 14:9

Mutumibue muisatu uvua ulonda babidi ba kumpala, wela diyi dikole ne: “Udi ukukuila nyama ne tshimfuanyi tshiende, wanyisha bua bamutue tshitampi tshiende pa mpala ne pa tshianza,

Didimanyisha 16:1

Pashishe meme kumvua diyi dikole difumina mu nzubu wa Mvidi Mukulu, diambila batumibue muanda mutekete ne: “Ndayi, nuitshikije pa buloba makopu muanda mutekete adi ne tshiji tshia Mvidi Mukulu!”