Didimanyisha 13:4 - MUKANDA WA MYIDI MUKULU

⁴ Bantu bonsu kutuadija kukukuila nyoka wa tshidika, bualu uvua mufile bumfumu buende kudi nyama. Bavua bakukuila kabidi nyama, bamba ne: “Udi mufuanangane ne nyama nnganyi? Udi mua kuluangana nende nnganyi?”

Mukanda wa Nzambi Dihungila Dikulukulu ne Dihungila Dihia-dihia 2003

⁴ ne bakakukuila dragon bualu bua yeye wakahesha nyama wa luonji bukokeshi buandi, ne bakakukuila nyama wa luonji, bamba ne, Udi bu nyama wa luonji nganyi? Udi mua kuluangana nʼandi nganyi?

Didimanyisha 13:4 ပူးပေါင်းရင်းမြစ်များ

Ekesode 15:11

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Yeshaya 46:5

Nenumfuanyikije ne nganyi? Nenungidikije ne nganyi? Nenumfuanyikije ne nganyi, bua tuetu kufuanangana nende?

2 Korente 4:4

Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

Dielulula 9:2

Nenutshimune bena Anake, bantu bale ba bukole, badi bantu bakuabu batshina, bamba ne: “Kakuena udi mua kukandamana kudi ndelanganyi ya Anake!

2 Tesalonike 2:4

Muena bubi awu neabenge bionsu bidi bantu bakukuila, ne mvidie yonsu idibu batendelela. Neaditeke ku mutu kua bionsu abi. Neabuele ne mu nzubu wa Mvidi Mukulu. Neatekemu nkuasa wende, udiamba ne: ndi Mvidi Mukulu.

Didimanyisha 12:3

Tshintu tshikuabu kumueneka mu diulu: ke nyoka mukunze munene wa tshidika, muikale ne mitu muanda mutekete, kabidi ne nsengu dikumi. Ku mutu onsu kuvua tshifulu tshia bukalenga.

Didimanyisha 12:4

Kukombaye tshia bisatu tshia mitotu ya mu diulu ne mukila wende, uyimansha pa buloba. Uvua muimane kumpala kua mukaji ukavua pa kulela, bua kuminaye muana diakamue diba diapatukaye munda.

Didimanyisha 13:11

Pashishe meme kumona nyama mukuabu upatuka mu buloba. Uvua ne nsengu ibidi bu ya mukoku, wakula bu nyoka wa tshidika.

Didimanyisha 13:15

Nyama muibidi uvua mupete bumfumu bua kupuija mueyelu wa muoyi mu tshimfuanyi tshia nyama wa kumpala, bua tshimfuanyi etshi tshimone mua kuakula, ne kushipa bonsu badi babenga kutshikukuila.

Didimanyisha 13:2

Nyama umvua mumone uvua bu nkashama, mikolu yende bu ya nyama wa urse, ne mukana muende bu mua ntambue. Nyoka wa tshidika uvua mumupeshe bukole buende, nkuasa wende wa bukalenga, ne bumfumu buende bunene.

Didimanyisha 17:14

Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.

Didimanyisha 18:18

Bavua bela bibingu, pavuabu bamona muinshi wa kapia kavua kosha tshimenga, bamba ne: “Kakuvua tshimenga tshifuanangane ne tshimenga tshinene etshi to!”

Didimanyisha 9:20

Kadi bantu bavua bashala ne muoyi, bonsu bavua bipupu ebi kabiyi bibutula, kabavua badilengeja to. Batshivua batendelela nwidie ivuabu badienzela. Batshivua bakukuila mikishi mibi, kabidi ne nwidie mienza ne mpawungi, ne tshiamu tshitoke tshia mushinga mukole, ne tshiamu tshikunze, ne mabue, kabidi ne mitshi. Ke nwidie idi kayiyi mua kumona, kayiyi yumvua, kayiyi yenda.

1 Samuele 17:24

Bena Izrayele bonsu bamone Ngoliyate, kupingana panyima, bualu bavua bamutshina bikole.