Didimanyisha 13:18 - MUKANDA WA MYIDI MUKULU

¹⁸ Ebi bidi bikengela meji. Amu udi ne lungenyi ke udi mua kujingulula tshidi bungi abu buleja. Bungi ebu budi bumvuija dina dia muntu. Bungi buadi budi nkama isambombu makumi asambombu ne isambombu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Eku kudi meshi. Udi ne dijingulula, abale biandi nomba wa nyama wa luonji; bualu bua udi nomba wa muntu; ne nomba wandi udi nkama isambombo ne makumi asambombo ne isambombo.

Didimanyisha 13:18 ပူးပေါင်းရင်းမြစ်များ

Didimanyisha 15:2

Pashishe meme kumona tshintu bu mayi manene menza bu lumuenu, engelela bu kapia. Meme kumona kabidi bavua batshimune nyama, tshimfuanyi tshiende, ne kampanda uvua ne dina didi bungi budileja. Bavua bimane pa mayi manene awu, bakuate mu tshianza nzenze ivua Mvidi Mukulu mubapeshe.

Didimanyisha 17:9

Amu muena meji, wa lungenyi, ke udi mua kujingulula bualu bundi ngamba mpindiewu. Mitu muanda mutekete ke mikuna muanda mutekete idi mukaji musombe. Idi kabidi bakalenga muanda mutekete.

Didimanyisha 21:17

Kupimaye kabidi tshimana, kupeta metre makumi asambombu ne atanu mulu, bilondeshile tshipimu tshia tshibidilu tshivuaye natshi.

Didimanyisha 1:3

Muntu udi ubala mukanda ewu, mmuena diakalenga. Bantu badi bateleja miaku ya kudi muambi wa Mvidi Mukulu ewu, bakumbaja bidibu bafunde muaba ewu, badi kabidi bena diakalenga! Bualu bionsu ebi nebikumbane amu mpindiewu.

Marke 13:14

— (Muntu udi ubala bualu ebu ajingulule tshidibu basue kumvuija:) “Tshinyangu tshipite bubi.” Nenumone tshinyangu tshia dibutuka tshishindamena muaba uditshi katshiyi ne bua kuikala. Nenku bantu bikale mu Yudeya nebanyemene ku mikuna.

Danyele 12:10

Nebumbushe bantu ba bungi mikiya. Nebabatokeshe. Makenga neabalengeje. Bantu babi, badi kabayi mua kujingulula malu, nebatungunuke ne dienza dia malu abu mabi. Kadi bantu ba lungenyi nebajingulule malu adi enzeka.

Osheya 14:9

Bena Efrayime, mpingu idi inuenzela tshinyi? Meme ke udi upesha bena Efrayime bionsu bidibu balomba. Meme ke udi ubalama. Meme ndi mutshi wa siprese udi usasa matuku onsu kauyi uuma to. Meme ke udi ubapesha maminu.

Misambu 107:43

Muntu udi ne meji avuluke malu aa, ajingulule ne Maweja-Nangila udi ne malu mimpe.

Dielulula 3:11

(Ku ndelanganyi ya bena Refayime bonsu, Oge, mukalenga wa Bashane, ke wa ndekelu udi mushale ne muoyi. Lukita luende bavua baluenze mu dibue. Batshidi mua kulumona mu Raba, tshimenga tshinene tshia bena Amone. Ludi ne bule bua metre anayi ne tshitupa, butshiama bua metre abidi.)

Rome 3:5

Kadi padi malu mabi atudi tuenza aleja mudi Mvidi Mukulu ubinga, tudi mua kuamba tshinyi? Nanku Mvidi Mukulu udi upila padiye utunyoka anyi? (Ndi ngakula mudi bantu bakula.)