Dibadika 9:15 - MUKANDA WA MYIDI MUKULU

¹⁵ Dituku divuabu base nzubu wa tshijila, divuba divua dibuikila ntenta uvua ne mushete wa ndondu. Butuku, divuba adi divua dikenka bu kapia too ne muatshiabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mu dituku diakashimikabo nsubu wa tshitendelelu, ntenta wa dimanyisha dia Yehowa, ditutu diakabuikila nsubu wa tshitendelelu, ku dilolo tô ne ku dinda diakakenka bu kahia ha mutu ha nsubu wa tshitendelelu.

Dibadika 9:15 ပူးပေါင်းရင်းမြစ်များ

Nehemya 9:12

Uvua mulombole bantu bebe, mu munya ne divuba dia muinshi, butuku ne dikunji dia kapia, divua ditokesha njila yabu.

Nehemya 9:19

Kadi nansha diba adi, bu mudi dinanga diebe kadiyi ndekelu, kuena mubalekele nkayabu mu tshipela. Kuvua mumushe divuba dia muinshi, divua dibaleja njila mu munya; nansha dikunji dia kapia, divua dibaleja njila butuku.

Misambu 105:39

Bua kubalama, Maweja-Nangila, kubabadila divuba dia muinshi, ne kapia bua kubatokeshila butuku.

Misambu 78:14

Mu munya uvua ubalombola mu divuba kumpala kuabu, butuku uvua ubakenkeshila tshimunyi tshia kapia.

Ekesode 13:21

Mu munya, Mvidi Mukulu uvua mu divuba kumpala kua bena Izrayele bua kubaleja njila. Kadi butuku uvua mu tshimunyi tshia kapia bua kutokeshila bena Izrayele njila. Ke muvuabu mua kuenda butuku ne munya.

Ekesode 13:22

Nanku, divuba divua kumpala kua bena Izrayele mu munya, ne tshimunyi tshia kapia tshivua kumpala kuabu butuku. Kabivua biumuka kumpala kuabu to. Bivua anu Ubalombola diba dionsu.

Ekesode 14:24

Patshiatshia, Maweja-Nangila, uvua mu divuba ne mu tshimunyi tshia kapia, kumona tshiluilu tshia mvita tshia bena Ejipitu. Kutshiompakajaye tshiluilu atshi.

Ekesode 40:2

— Dituku dia kumpala dia ngondu wa kumpala, wimanyike ntenta wa kusambakena, ne nzubu wa tshijila.

Ekesode 40:34

Diba adi divuba divua dibuikila ntenta wa kusambakena. Butumbi bua Maweja-Nangila kuwulabu muaba wa tshijila.

Ekesode 40:35

Moshe kavua kabidi ne mushindu wa kubuela mu ntenta wa kusambakena to.

Ekesode 40:38

Nanku, mu munya, Maweja-Nangila uvua umuenekela bena Izrayele mu divuba divua dibuikila muaba wa tshijila. Butuku, uvua ubamuenekela mu kapia kavua kakenka muaba awu. Ke muvua luendu lujima lua bena Izrayele nanku.

Yeshaya 4:5

nenku Maweja-Nangila neasombe pa mukuna wa Siyone, munkatshi mua bantu badi basangilamu. Mu munya divuba dia muinshi, butuku tshimunyi tshia kapia, nebileje bantu mudi Maweja-Nangila munkatshi muabu, ubalama. Butumbi abu nebubambuluishe,

Dibadika 10:34

Divuba dia Maweja-Nangila divua dienda kulu kua bena Izrayele mu munya, pavuabu babanga luendu.

Dibadika 14:14

Bena Ejipitu mbamane kulondela bena Kenaane malu aa. Nanku bena Kenaane mbamane kumvua muudi wewe Maweja-Nangila wenda ne tshisamba tshiebe tshia bena Izrayele, umonangana nabu mpala ne mpala. Badi bamanye muudi ubalama, bualu mu munya udi wenda kumpala kuabu mu divuba, butuku mu tshimunyi tshia kapia.

Dibadika 17:7

Bena Izrayele kudikunguja muaba uvua Moshe ne Arone. Kadi pavuabu batangile ku ntenta wa kusambakena, kumonabu muvua divuba dileja butumbi bua Maweja-Nangila dibuikila ntenta.

1 Korente 10:1

Bana hetu, ndi musue bua nuvuluke bivua bienzekele bankambua hetu bayua baya ne Moshe. Divuba divua dibalama bonsu. Ke mutotabu basabuke mayi manene Makunze kakuyi bualu.

Dielulula 1:33

Kadi Yeye ke uvua munudianjidile mu njila, bua kunukebela muaba wa kuasa mitanda. Nanku butuku uvua nenu mu tshikutu tshia kapia tshivua tshinutokeshila njila, mu munya uvua nenu mu divuba.