Dibadika 9:14 - MUKANDA WA MYIDI MUKULU

¹⁴ Pikala benyi badi munkatshi muenu basue kungenzela tshibilu tshia Dipita dia Maweja-Nangila, batshienze mudi mikenji ne bibidilu biatshi. Bualu mikenji idi anu mushindu umue bua benyi ne bena ditunga.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bikala muenyi munkatshi muenu udi musue kuvuluka kuhita kua Yehowa, yeye nênze bu mudi mikenji ya kuhita kua Yehowa, nenuikale ne mukenji umue kudi muenyi ne kudi muntu mulela munkatshi muenu.

Dibadika 9:14 ပူးပေါင်းရင်းမြစ်များ

Ezela 6:21

Bena Izrayele bonsu kudia didia dia Dipita dia Maweja-Nangila, ne bavua bafume ku bupika, ne bakuabu bavua babenga bibidilu bia bantu benyi bavua mu ditunga, bena mikiya. Bobu kabidi kudisanga ne bana babu bua kutendelela Maweja-Nangila Mvidi Mukulu wa Izrayele.

Ekesode 12:43

Maweja-Nangila kuambila Moshe ne Arone ne: — Mikenji ya tshibilu tshia Dipita dianyi idi nunku: “Muntu muenyi kena mua kudia biakudia bia Dipita dianyi to.

Ekesode 12:47

“Bena Izrayele bonsu bikale benza tshibilu etshi.

Lewitiki 19:10

Kanuena mua kupingana mu madimi enu bua kupumbulula tumuma tua mvinyo tunuvua bapue muoyi, nansha tuvua tumata panshi. Nubilekele bapela ne benyi. Bualu Meme ndi Maweja-Nangila Mvidi Mukulu wenu.

Lewitiki 22:25

Muenyi kena mua kunupesha tshimuna tshia mupaku, bua nuenu kutshindambula meme Mvidi Mukulu wenu. Tshiena mua kuitaba mulambu awu to, bualu tshimuna tshia mupaku ntshifuanangane ne tshidi ne bulema. Nanku tshiena mua kuanyisha milambu yenu ya mushindu ewu to.”

Lewitiki 24:22

“Mikenji eyi idi bua bantu bonsu, nansha benyi, nansha bena Izrayele. Bualu meme ndi Maweja-Nangila Mvidi Mukulu wenu.”

Lewitiki 25:15

Paudi usumba budimi, nansha ubusumbisha, mushinga wabu ulondeshile bungi bua bidimu bidi nabi budimi abu, bituadije ku tshidimu tshia ndekelu tshia ‘Mufikilu’ wa disanka dinene, ne bua bungi bua bidimu bia kunowa bitshidi bishale bua tuetu kufika ku ‘Mufikilu’ mukuabu.

Dibadika 15:15

Nanku, bantu bonsu basanga ntete, nansha nuenu, nansha benyi badi munkatshi muenu, nulonde anu mikenji eyi, ku ndelanganyi ne ku ndelanganyi. Bualu meme Maweja-Nangila tshiena ne kansungansunga to.

Dibadika 15:16

Mikenji yanyi idi mushindu umue bua bantu bonsu, buenu nuenu bena Izrayele, ne bua benyi badi munkatshi muenu.”

Dielulula 29:11

Maweja-Nangila Mvidi Mukulu wenu, udi utua nenu ndondu ewu mpindiewu. Udi unulomba bua nuditshipe ne: netukumbaje ndondu ewu.

Dielulula 31:12

Padibu bababadile mikenji nanku, bantu nebanemeke Maweja-Nangila Mvidi Mukulu. Nebakumbaje mikenji yende.