Dibadika 8:2 - MUKANDA WA MYIDI MUKULU

² bua ambile Arone ne: — Paudi utemesha miendu muanda mutekete, uyiteke bimpe bua itokeshe kumpala kua tshitekelu tshia miendu.

Mukanda wa Nzambi Dihungila Dikulukulu ne Dihungila Dihia-dihia 2003

² Wambile Alona ne, Hawatemesha minda minda muanda mutekete neyikale ku mpala kua tshitekelu tshia muinda.

Dibadika 8:2 ပူးပေါင်းရင်းမြစ်များ

Misambu 119:105

Diyi diebe didi bu muendu ku makasa anyi, bu butoke budi buntokeshila njila.

Misambu 119:130

Diyi diebe didi dipetesha muntu butoke padiye udimanya, didi dipetesha bantu bapuekele lungenyi.

Ekesode 25:37

Wenze miendu muanda mutekete. Uyiteke ku tshitekelu bua itokeshe muaba awu.

Ekesode 37:23

Kuenzaye kabidi miendu muanda mutekete. Kuenzaye bintu bia kukuata nabi mudimu ku miendu: nkala ne bintu bia kuela butu. Bionsu bivua anu bia tshiamu tshia mpawungi.

Ekesode 39:37

— tshitekelu tshia miendu tshia tshiamu tshia mpawungi menemene, miendu yonsu, ne bintu bikuabu bivuaku, too ne mafuta a kutemesha nawu miendu;

Ekesode 40:25

Pashishe Moshe kutemesha miendu ayi muaba uvua Maweja-Nangila, bu muvua Maweja-Nangila mumuambile.

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Lewitiki 24:4

Arone neateke miendu pa tshitekelu tshienza ne tshiamu tshia mpawungi nkayatshi, bua kapia kikale katema kumpala kuanyi meme Maweja-Nangila butuku bujima.

Dibadika 8:1

Maweja-Nangila kutuma Moshe,

Dibadika 8:3

Arone kukumbaja bionsu bivua Maweja-Nangila muambile Moshe. Kutekaye miendu ayi bimpe bua kutokeshayi kumpala kua tshitekelu tshia miendu.

Matayi 5:14

— Nuenu nudi butoke budi bukenkela bantu pa buloba. Kabena mua kusokoka tshimenga tshiasa pa mukuna.

Yowanane 1:9

Butoke ebu ke butoke bulelela budi bufika pa buloba bua kutokesha bantu bonsu.

2 Petro 1:19

Bu mutuvua bumvue miaku eyi, tudi bajadike bimpe menemene ne: meyi avua bambi batumanyishe kale adi malelela. Nanku panudi nuavuluka ne ntema, nudi nuenza bimpe, bualu adi bu muendu udi utema muaba wa miidima, too ne padi butuku butshia, too ne padi mutotu wa nkesha ukenkesha mioyi yenu.

Didimanyisha 1:12

Meme kukudimuka, bua mmone uvua ungakuisha. Ke meme kumona bitekelu muanda mutekete bia miendu, bienza ne mpawungi.

Didimanyisha 1:20

Udi umona mitotu muanda mutekete idi mu tshianza tshianyi tshia balume, ne bitekelu muanda mutekete bia miendu bia mpawungi. Ndi nkumvuija mudibi: mitotu muanda mutekete ke batumibue muanda mutekete ba Bisumbu muanda mutekete bia bena ditaba, bitekelu muanda mutekete ke Bisumbu muanda mutekete bia bena ditaba.

Didimanyisha 4:5

Mikenya, bibingu, ne makubakuba, bivua bipatuka ku nkuasa awu wa butumbi. Bimunyi muanda mutekete bia kapia bivua bitema kumpala kua nkuasa: ke mieyelu muanda mutekete ya Mvidi Mukulu.