Dibadika 8:18 - MUKANDA WA MYIDI MUKULU

¹⁸ Kadi ndi musungule bena Levi, bua bapingane pa muaba wa bamuanabute bonsu ba bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nakadiangatshila Bena Lewi mu miaba ya banʼa bute bonso munkatshi mua Bena Isalele.

Dibadika 8:18 ပူးပေါင်းရင်းမြစ်များ

Genese 48:14

Kadi, Yakobe kupindakaja bianza, kuteka tshianza tshia balume pa mutu pa Efrayime, muana wa mukala, tshia bakaji pa mutu pa Menashe muanabute.

Dibadika 3:12

— Ndi musungule bena Levi munkatshi mua bena Izrayele bakuabu bonsu, bua bangenzele mudimu. Ndi mbangata bua bikale banyi, pa muaba wa bamuanabute bonsu ba bena Izrayele.

Dibadika 3:9

Nanku neupeshe Arone ne bana bende bena Levi, bua babambuluishe muabu muonsu mu dina dia bena Izrayele bakuabu, balame nzubu wa tshijila.

Dibadika 8:17

Bualu, bamuanabute bonsu ba bena Izrayele too ne ku ba bimuna biabu mbanyi meme Maweja-Nangila. Bituadije dituku dimvua mubutule bamuanabute ba bena Ejipitu, ndi muangate bamuanabute ba bena Izrayele bua bikale banyi ba tshijila.

Dibadika 8:19

Ndi mubapeshe Arone ne bana bende ba balume bua babambuluishe mu dina dia bena Izrayele bakuabu bonsu. Nebenze mudimu mu ntenta wa kusambakena pa muaba wa bena Izrayele bonsu, bua kukobolola bena Izrayele. Nanku tshiakuikala kabidi ne tshilumbu tshia kunyoka bena Izrayele badi basemena pabuipi ne muaba wa tshijila to.”