Dibadika 8:12 - MUKANDA WA MYIDI MUKULU

¹² Bena Levi nebatenteke bianza pa mutu pa ngombe ibidi bua kuyindambula meme Maweja-Nangila, umue bua mulambu wa kubakobolola nawu, mukuabu bua mulambu wa kuosha.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bena Lewi nebatentekashe bianza biabo ha mutu ha balume ba ngombe wewe neufile umue bu mulambu wa kubuikila nʼau bubi ne mukuabo bu mulambu wa kuosha ha kahia kudi Yehowa, bua kubuikidila Bena Lewi bubi buabo.

Dibadika 8:12 ပူးပေါင်းရင်းမြစ်များ

Ekesode 29:10

“Uye ne ngombe mulume, kumpala kua mushiku wa mbelu wa ntenta wa kusambakena. Arone ne bana bende ba balume bamutenteke bianza pa mutu.

Lewitiki 1:4

Ateke tshianza pa mutu pa ngombe awu, bua Maweja-Nangila anyishe mulambu, afuile muntu awu luse.

Lewitiki 14:22

Angata kabidi nkudimba ibidi nansha tumanda-nkutshi tubidi. Nyunyi umue ikale bua mulambu wa kudikobolola nawu, mukuabu bua mulambu wa kuosha.

Lewitiki 16:11

“Arone neafike ne ngombe mulume udiye udikobolola nende. Neenze bionsu bidi bikengela bua kudikobolola, kukobolola ne bena diku diende. Pashishe neakose ngombe awu muminu.

Lewitiki 16:21

Atenteke bianza biende bibidi pa mutu pa mbuji awu, utonda pambidi pende mibi yonsu, buntomboji ne buenzayi bua bena Izrayele. Udi ubiumpuila mbuji awu. Pashishe badi basungula muntu udi ne bua kuipata mbuji awu, kumutuma mu tshipela.

Lewitiki 16:6

“Arone nealambule ngombe mulume bua kudikobolola, pashishe neakobolole kabidi bena diku diende.

Lewitiki 4:15

Balombodi ba bena Izrayele bateke bianza pa mutu wa ngombe awu. Mulombodi umue amukosele muminu pa muaba awu kumpala kua Maweja-Nangila.

Lewitiki 4:20

Alambule Maweja-Nangila mulambu awu, anu mushindu uvuaye ulambula ngombe mulume bua kudikobolola. Nanku mutuangaji akobolole bena Izrayele anu mushindu ewu, bua Mvidi Mukulu abafuile luse.

Lewitiki 4:35

Bumushe munyinyi wa mafuta onsu, bu mudibu benza bua mukoku wa mulambu wa bobumue. Mutuangaji awoshe pa tshilambuilu pamue ne milambu mikuabu idibu boshila Maweja-Nangila. Mutuangaji akobolole muena tshibawu awu mushindu ewu bua Mvidi Mukulu amufuile luse.

Lewitiki 4:4

Aye ne ngombe awu muaba wa tshijila, mu mushiku wa mbelu wa ntenta wa kusambakena. Amuteke tshianza pa mutu, amukosele muminu muaba awu kumpala kua Maweja-Nangila.

Lewitiki 5:7

“Padi muntu kampande kayi ne mushindu wa kupeta dishina dia mbuji nansha dia mukoku bu mulambu wa kudikobolola, udi mua kulambula Maweja-Nangila tumandankutshi tubidi nansha nkudimba ibidi. Nyunyi umue ikale mulambu wa kudikobolola nawu. Mukuabu ikale mulambu wa kuosha.

Lewitiki 8:14

Pashishe kutualabu ngombe mulume bu mulambu wa kukobolola nawu bantu. Arone ne bana bende ba balume kutenteka bianza pa mutu pa ngombe awu.

Lewitiki 8:15

Moshe kukosa ngombe awu muminu, kutua munu mu mashi, kualaba ku matumba matalame avua ku tshilambuilu bua kumbusha mikiya. Pashishe kuitshikijaye mashi avua mashale kuinshi kua tshilambuilu. Ke muvua Moshe mujidile tshilambuilu bua tshikale muaba wa kulambuila milambu ya kukobolola nayi bantu.

Lewitiki 8:18

Pashishe kutualabu kabidi mukoku wa tshimpanga wa mulambu wa kuosha. Arone ne bana bende ba balume kutentekabu bianza pa mutu wa tshimpanga atshi.

Lewitiki 8:34

Nanku bitudi benza lelu ebi, ke bivua Maweja-Nangila mutume diyi bua tuenze bua kunukobolola.

Lewitiki 9:7

Pashishe kuambilaye Arone ne: — Semena ku tshilambuilu, ulambule mulambu wa kudikobolola nawu, ne mulambu wa kuosha. Wenze bionsu bidi bikengela bua wewe kudikobolola, kukobolola ne bena Izrayele bonsu. Pashishe ulambule milambu ya bena Izrayele. Wenze kabidi ne bionsu bidi bikengela bua kukobolola bantu, bu muvua Maweja-Nangila muambe.

Dibadika 6:14

Afile bimuna bisatu, kabiyi ne tshilema pambidi, bua kubilambula Maweja-Nangila: muana wa mukoku wa tshidimu tshimue bua mulambu wa kuosha, lukungulu lua mukoku lua tshidimu tshimue bua mulambu wa kudikobolola nawu, ne mukoku wa tshimpanga wa mulambu wa bobumue.

Dibadika 6:16

Nanku, mutuangaji neafile milambu yonsu eyi kudi Maweja-Nangila. Pashishe, udi ulambula mulambu wa kuosha ne wa kumukobolola nawu.

Dibadika 8:13

Pashishe, wimanyike bena Levi kumpala kua Arone ne bana bende ba balume, bua kubanjidila, bua bikale banyi meme Maweja-Nangila.

Dibadika 8:8

Pashishe bena Levi nebafile ngombe mulume pamue ne mulambu wa bukula, busambakaja ne mafuta. Kadi wewe newangate ngombe mulume mukuabu bua mulambu wa kubakobolola nawu.

Ebrewu 9:22

Bu mudi mikenji yamba, badi bumusha mikiya ku bintu bu bionsu amu ne mashi. Badi bajimija mibi amu padi mashi amata panshi.