Dibadika 7:88 - MUKANDA WA MYIDI MUKULU

⁸⁸ ngombe milume makumi abidi ne inayi, mikoku ya bimpanga makumi asambombu, mbuji ya mpumbu makumi asambombu ne bana ba mikoku makumi asambombu ba tshidimu tshimue, bua milambu ya bobumue. Ke milambu ivua bamfumu ba bena Izrayele bafile bua kujidila tshilambuilu, batuangaji bamane kutshilaba manyi.

Mukanda wa Nzambi Dihungila Dikulukulu ne Dihungila Dihia-dihia 2003

⁸⁸ ne mulambu wa kuvuisha nʼau ditalala wakadi balume ba ngombe makumi abidi ne banai, ne bimpanga makumi asambombo ne mbushi ya mpumbu makumi asambombo ne bana balume ba mikoko makumi asambombo ba tshidimu tshimue. Ebi mbintu bia kujidila nʼabi tshioshelu, hakelabo manyi ha mutu hatshi.

Dibadika 7:88 ပူးပေါင်းရင်းမြစ်များ

Lewitiki 3:9

Pashishe, mutuangaji ele bintu ebi mulu, abinyukule bua kubilambula Maweja-Nangila: ke mukila mujima mulamuina ku makunku, mafuta onsu adi malamate ku bia munda,

Dibadika 7:1

Moshe mumane kuasa nzubu wa tshijila mujikije, kujidilaye nzubu awu kabidi ne bintu bionsu bivua mu nzubu pa kubilaba manyi. Kujidilaye kabidi tshilambuilu ne bintu bionsu bivuaku, kubilabaye manyi.

Dibadika 7:10

Dituku dia kujidila tshilambuilu, kutshilaba manyi, bamfumu ba bena Izrayele kufika kabidi ne milambu, kuya nayi kumpala kua tshilambuilu.

Dibadika 7:84

Milambu yonsu ivuabu balambula kudi bamfumu aba dituku divuabu bajidile tshilambuilu idi nunku: malongu masalame dikumi ne abidi a tshiamu tshitoke tshia mushinga mukole, malongu mondoke dikumi ne abidi a tshiamu tshitoke tshia mushinga mukole a kumyamina mayi, makopu dikumi ne abidi a tshiamu tshia mpawungi.

Dibadika 7:87

Muvua kabidi ngombe milume dikumi ne ibidi, mikoku ya bimpanga dikumi ne ibidi, bana ba mikoku dikumi ne babidi ba tshidimu tshimue, bua milambu ya kuosha (pamue ne milambu ya bintu bia mu madimi ya kulambula pamue ne nyama). Muvua kabidi mbuji ya mpumbu dikumi ne ibidi bua milambu ya kukobolola nayi bantu,