Dibadika 7:85 - MUKANDA WA MYIDI MUKULU

⁸⁵ Dilongu dionsu disalame, divua ne bujitu bua grame 1.300. Dilongu dionsu diondoke divua ne bujitu bua grame 700. Tshiamu tshitoke tshia mushinga mukole tshia malongu onsu atshi tshivua tshia bujitu bua Kilo 24, bilondeshile tshipimu tshidi muaba wa tshijila.

Mukanda wa Nzambi Dihungila Dikulukulu ne Dihungila Dihia-dihia 2003

⁸⁵ bujitu bua dilonga disalame dimue buakadi nshekele lukama ne makumi asatu, ne bua dilonga dia ndondo dimue nshekele makumi muanda mutekete, ne argent yonso ya bintu ebi bionso yakadi nshekele binunu bibidi ne nkama mai bu nshekele wa mu nsubu wa tshitendelelu;

Dibadika 7:85 ပူးပေါင်းရင်းမြစ်များ

1 Kulondolola 22:14

Ndi muenze muonsu mua kuenza bua kusangisha mpawungi mupite bungi, kilo binunu bitoto bisatu, tshiamu tshitoke tshia mushinga mukole tshipite pa binunu bitoto makumi asatu, kabidi ne tshiamu tshikunze ne tshifike, bungi kabuyi kubala, amu bua nzubu wa Mvidi Mukulu. Ndi mumane kulongolola mitshi ne mabue. Udi mua kusakidila bintu bikuabu.

1 Kulondolola 29:4

Ndi mfila kilo binunu lukama ya mpawungi wa mu ditunga dia Ofire, ne tshiamu tshitoke tshia mushinga mukole tshia bujitu bua kilo binunu nkama ibidi ne makumi anayi, bua kulamika ku bimana bia nzubu wa Mvidi Mukulu.

1 Kulondolola 29:7

tudi basue kufila bintu bia kuenza nabi mudimu wa nzubu wa Mvidi Mukulu. Netufile kilo binunu lukama ne makumi muanda mutekete ya mpawungi, nkanu ya mpawungi binunu dikumi, tshiamu tshitoke tshia mushinga mukole kilo binunu nkama isatu, tshiamu tshikunze tshia bujitu bua kilo binunu nkama isambombu, tshiamu tshifike tshia bujitu bua kilo bitotu bisatu.

Dibadika 7:84

Milambu yonsu ivuabu balambula kudi bamfumu aba dituku divuabu bajidile tshilambuilu idi nunku: malongu masalame dikumi ne abidi a tshiamu tshitoke tshia mushinga mukole, malongu mondoke dikumi ne abidi a tshiamu tshitoke tshia mushinga mukole a kumyamina mayi, makopu dikumi ne abidi a tshiamu tshia mpawungi.

Dibadika 7:86

Dikopu dimue dia tshiamu tshia mpawungi divua dia bujitu bua grame 100. Nanku, makopu onsu dikumi ne abidi avua ne bujitu bua grame 1.200. Avua muwule ne manananshi tente.

Matayi 14:8

Mamuende wa muana kumupa meji. Ke muana kuambila Erode ne: — Umpeshe mutu wa Yowanane-Batiste mu dilonga amu mpindiewu!