Dibadika 7:84 - MUKANDA WA MYIDI MUKULU

⁸⁴ Milambu yonsu ivuabu balambula kudi bamfumu aba dituku divuabu bajidile tshilambuilu idi nunku: malongu masalame dikumi ne abidi a tshiamu tshitoke tshia mushinga mukole, malongu mondoke dikumi ne abidi a tshiamu tshitoke tshia mushinga mukole a kumyamina mayi, makopu dikumi ne abidi a tshiamu tshia mpawungi.

Mukanda wa Nzambi Dihungila Dikulukulu ne Dihungila Dihia-dihia 2003

⁸⁴ Ebi mbintu biakajidilabo nʼabi tshioshelu mu dituku diakelabo manyi ha mutu hatshi kudi bukelenge ba mu Isalele malonga masalame a argent dikumi ne abidi, ne malonga a ndondo a argent dikumi ne abidi, ne nkutu ya or dikumi ne ibidi;

Dibadika 7:84 ပူးပေါင်းရင်းမြစ်များ

Ekesode 25:29

Wenza bintu ebi ne tshiamu tshia mpawungi: malongu masalame, makopu, ngesu ne mabungu a kulambuila maluvu.

Dibadika 7:1

Moshe mumane kuasa nzubu wa tshijila mujikije, kujidilaye nzubu awu kabidi ne bintu bionsu bivua mu nzubu pa kubilaba manyi. Kujidilaye kabidi tshilambuilu ne bintu bionsu bivuaku, kubilabaye manyi.

Dibadika 7:10

Dituku dia kujidila tshilambuilu, kutshilaba manyi, bamfumu ba bena Izrayele kufika kabidi ne milambu, kuya nayi kumpala kua tshilambuilu.

Dibadika 7:85

Dilongu dionsu disalame, divua ne bujitu bua grame 1.300. Dilongu dionsu diondoke divua ne bujitu bua grame 700. Tshiamu tshitoke tshia mushinga mukole tshia malongu onsu atshi tshivua tshia bujitu bua Kilo 24, bilondeshile tshipimu tshidi muaba wa tshijila.

Ebrewu 13:10

Batuangaji badi benza mudimu muaba wa tshijila wa bena Yuda kabena mua kudia bidibu balambula pa tshilambuilu tshietu.

Didimanyisha 21:14

Bavua bashikike tshimana tshia tshimenga pa mabue dikumi ne abidi. Bavua bafunde pa mabue apu mena a bapostolu dikumi ne babidi ba Muana wa mukoku.