Dibadika 6:3 - MUKANDA WA MYIDI MUKULU

³ muntu awu kena mua kunua mvinyo nansha maluvu makole to. Kena mua kunua maluvu a buanji, kena mua kunua mayi a tumuma tua mvinyo, kena mua kudia tumuma tua mvinyo tubishi, nansha tume.

Mukanda wa Nzambi Dihungila Dikulukulu ne Dihungila Dihia-dihia 2003

³ neajile muoyo ne maluvu makole kanu vinaigre wa nvinyo anyi vinaigre wa maluvu makole, kanu mai a tumuma tukese, kadi tumuma tubishe anyi tumuma tûme.

Dibadika 6:3 ပူးပေါင်းရင်းမြစ်များ

Lewitiki 10:9

— Wewe ne bana bebe, kanuena mua kunua maluvu a mvinyo, nansha a kapia, panudi nubuela mu ntenta wa kusambakena, bualu nudi mua kufua. Mukenji ewu ushale kashidi kunudi ne kudi ndelanganyi yenu.

Amosa 2:11

Pashishe meme kusungula bana benu ba balume, bua bangenzele mudimu wa buambi. Meme kubikila bansongalume benu, bua benze dilaya, badijidile kundi. Bena Izrayele, mmomu anyi ki mmomu?

Amosa 2:12

Kadi bantu banyi ba tshijila, nuenu kubanuisha maluvu. Nuenu kukandika bambi bua kabambidi bantu malu mu dina dianyi.

Dibadika 6:4

Matuku atshidiye mudijidile awu, kena mua kudia tshintu tshipika ne tumuma tua mvinyo, nansha ntete yatu nansha bikamfu biatu.

Luke 1:15

Bualu neikale muntu munene kumpala kua Maweja-Nangila. Kakunua nwinyo, nansha maluvu makole makuabu. Yeye mutshikale munda mua mamuende, neikale muwule tente ne Mueyelu wa Tshijila.

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

1 Tesalonike 5:22

Bengayi malu mabi a mishindu yonsu.

1 Timote 5:23

Kuena mua kunua anu mayi nkayawu. Kadi wanuaku maluvu makese bua kusulakaja tshibi tshiebe, bualu udi upita kusama.

Ebrewu 9:10

Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.

Balombodi 13:14

kena mua kulabula bintu bidi bifuma ku mutshi wa mvinyo. Kena mua kunua maluvu makole, nansha a mvinyo mene. Kena mua kudia tshintu tshidi ne mikiya. Mukajebe akumbaje bionsu bindi muambe abi bimpe.

Balombodi 13:4

Bituadije mpindiewu, udilame bimpe. Kunu maluvu a mvinyo, nansha ma-luvu makole makuabu. Kudi tshintu tshidi ne mikiya.