Dibadika 6:24 - MUKANDA WA MYIDI MUKULU

²⁴ “Maweja-Nangila anuele lupemba, anulame.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yehowa anusankishe, anulame.

Dibadika 6:24 ပူးပေါင်းရင်းမြစ်များ

Genese 28:15

Ndi nebe. Nenkulame muaba onsu uudi uya. Nenkupingaje kabidi mu ditunga edi. Nenkumbaje malu onsu andi mukulaye. Tshiena nkulekela to.

2 Samuele 7:29

Nanku, ela bena diku dianyi lupemba, bua ndelanganyi yanyi ishale mu bukalenga kashidi kumpala kuebe. Maweja-Nangila Mvidi Mukulu wanyi, bu muuvua mumane kulaya, ela bena nzubu wanyi lupemba kashidi!

Misambu 134:3

Maweja-Nangila anuele lupemba, biangatshile ku nzubu wende mu Siyone, yeye ngudi mufuke diulu ne buloba!

Misambu 17:8

Bu mudi muntu ulama lumonyi lua disu, undame, unsokoke mu mapuapua ebe.

Misambu 28:9

Maweja-Nangila, sungidila bantu bebe, ubele lupemba, wikale mulami wabu, ubakube kashidi.

Misambu 91:11

Bualu Maweja-Nangila neatumine batumibue bende diyi, bua bakulame kuonsu kuudi uya.

Yeshaya 27:3

“Meme Maweja-Nangila, ndi mulami wa budimi. Ndi ngelamu mayi pa diba, ndi mbulama munya ne bufuku, bua muntu nansha nyama kabunyangi.

Yeshaya 42:6

“Meme Maweja-Nangila, mvua mukubikile, bua ukumbaje meji andi nawu. Meme ndi nkuambuluisha. Mvua mukuenze, bua utuadile bantu bupole, ukumbaje bimvua mulaye bantu, wikale butoke munkatshi mua matunga.

Danyele 9:17

Maweja-Nangila, Mvidi Mukulu wetu, teleja ditendelela ne dikusengelela dianyi. Bua banemeke dina diebe, utangile ne kalolu muaba webe wa tshijila udibu banyanga.

Yowanane 17:11

Tshitshiena kabidi munkatshi mua bantu ba pa buloba. Kadi bobu badi munkatshi muabu. Meme ndi mfika kuudi. Tatu wa Tshijila, ubalame ku bukole bua dina diebe, dina diuvua mumpeshe, bua bikale tshintu tshimue mutudi tuetu, wewe ne meme, tshintu tshimue.

1 Korente 14:16

Paudi wela Mvidi Mukulu tuasakidila mu Mueyelu nkayawu, muntu mukuabu udi ubuela mu tshisangilu awu, udi mua kudisanga nenu mu ditendelela bishi? Bu mudiye kayi umvua binudi nuamba, kena mua kuitaba amene nansha.

Efeze 6:24

Dinanga dia Mvidi Mukulu dikale munda mua bonsu badi bananga Mfumu wetu Yezu Kristu, dibafikisha ku muoyi wa kashidi.

Filipe 4:23

Dinanga dia Mfumu Yezu Kristu dishindame munda muenu bonsu.

Filipe 4:7

Bu munudi badisange ne Kristu, Mvidi Mukulu nealame mioyi yenu ne meji enu mu bupole buende, budi bupite bionsu bidi muntu mua kujingulula.

1 Tesalonike 5:23

Mvidi Mukulu udi utupa bupole, anuambuluishe bua nuikale bantu bende menemene. Anulame ne mueyelu wenu, muoyi, ne mubidi, bua kanuikadi ne bubi, too ne dituku diafika Mfumu wetu Yezu Kristu.

1 Petro 1:5

Nanku mmusue kunulama ne tshianza tshiende tshikole mu njila wa ditaba, bua nupete lupandu ludi ne bua kumueneka ku ndekelu wa bidimu.

Yuda 1:24

Mvidi Mukulu udi mua kunulama bimpe, bua kanuponyi mu bubi. Udi mua kunufikisha kabidi, kanuyi kalema, muoyi muwule tente ne musangelu, muaba unudi mua kumona butumbi buende.

Rute 2:4

Mutantshi unenga, Bowaze kufika, ufumine ku Betleyeme. Kuelaye banowi muoyi ne: — Maweja-Nangila ikale nenu! Bobu pabu kuandamuna ne: — Maweja-Nangila akuele lupemba.

1 Samuele 2:9

Maweja-Nangila udi mulame bantu badi bamunemeka. Kadi badi bamubenga nebafue mu midima. Bualu muntu kena mua kutshimuna ku bukole buende nkayende to.