Dibadika 5:8 - MUKANDA WA MYIDI MUKULU

⁸ Pikala mukuende, uvuaye ne bua kupingajila tshintu tshiende, mumane kufua, kakuyi muena diku mukuabu udibu mua ku-pesha bintu abi, nebabipingajile Maweja-Nangila. Mmumue ne: nebabipeshe mutuangaji. Muena tshibawu awu neasakidile kabidi pa bintu abi, mukoku wa tshimpanga, bua mutuangaji amukobolole, amulombele luse kudi Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bikala muntu kayi ne muanʼabo wa kumuhingishila bintu bia bubi buandi, bintu bidiye uhingisha bia kudilengesha nʼabi munda kudi Yehowa nebikale bintu bia muakuidi, ha mutu ha mulambu wa tshimpanga udiye ufila bua kudibuikila nʼau bubi buandi.

Dibadika 5:8 ပူးပေါင်းရင်းမြစ်များ

2 Bakalenga 12:16

Bantu bavua bafuta bena mudimu, bavua benza mudimu awu bimpe. Nanku kabavua babalondesha bua makuta avuabu bangata bua kufuta bena mudimu to.

Lewitiki 5:16

Muntu awu afile kabidi milambu iwaye kayi mufile. Asakidile kabidi ne tshia bitanu tshimue tshia mushinga wa bintu abi. Apeshe mutuangaji bintu bionsu abi. Mutuangaji alambule nyama wa tshibawu awu, akobolole muena tshibawu bilondeshile mudi mikenji, bua Mvidi Mukulu amufuile luse.

Lewitiki 6:5

Kadi kapia kadi pa tshilambuilu kadi ne bua kutema anu kutema. Ku dituku dionsu, mutuangaji ikale uteka nkunyi pa tshilambuilu dinda, utekepu ne milambu ya kuosha bangabanga ne kuoshilapu munyinyi wa mafuta wa milambu ya bobumue.

Lewitiki 7:7

Mikenji ya mulambu wa dinua tshibalu ne ya mulambu wa kukobolola bantu, idi anu mushindu umue. Nanku amu mutuangaji udi ukobolola muntu ke udi wangata munyinyi awu.

Dibadika 5:7

Udi ne bua kutonda bubi buende, kupingaja tshintu atshi kudi muenatshi, kusakidila kabidi tshia bitanu tshimue tshia mushinga wa tshintu atshi.

Dibadika 5:9

Bintu bionsu bidibu bumusha ku mulambu wa tshijila udi bena Izrayele balambula, bidi bintu bia mutuangaji.