Dibadika 4:15 - MUKANDA WA MYIDI MUKULU

¹⁵ Diba dia luendu, anu Arone ne bana bende ba balume bamane kubuikila bintu bia tshijila, ke bena Kekate kushisha kuambula bintu bia tshijila abi bua kuya nabi. Nanku, bena Kekate kabena ne bua kulenga bintu bia tshijila abi ne bianza to, bualu badi mua kufua. Nanku mudimu wa bena Kekate mu ntenta wa kusambakena ngwa kuambula bintu bia tshijila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kushikisha Alona ne bana bandi balume kubuikila nsubu wa tshitendelelu ne bintu bionso bia mu nsubu, hayabo mu nshila, hashishe bana balume ba Kohata nebalue bua kubituala, kadi bobo kabalengi bintu bia tshijila bianza, bua kabafu. Bintu ebi mmajitu a bana balume ba Kohata mu nsubu wa tshitendelelu.

Dibadika 4:15 ပူးပေါင်းရင်းမြစ်များ

2 Samuele 15:24

Mutuangaji Sadoke uvua ku bantu abu, ne bena Levi bambula mushete wa ndondu wa Mvidi Mukulu. Bena levi kutula mushete panshi. Mutuangaji Abiyatare kulambula milambu, too ne pakasabuka bantu bonsu bavua bafuma mu Yerushalayime.

2 Samuele 6:13

Bantu bavua bambula mushete bamane kuenda mutantshi wa makasa asambombu, Davide kulambula ngombe mulume ne muana wa ngombe wa manyi.

1 Bakalenga 8:3

Bakulu ba bena Izrayele bamane kufika, batuangaji kuambula mushete wa ndondu.

1 Kulondolola 15:15

Bena Levi kuambula mushete wa ndondu, mubueja ku mitshi. Kuutekabu pa makaya, bilondeshile diyi divua Maweja-Nangila muambile Moshe.

1 Kulondolola 15:2

Nenku kuambaye ne: — Amu bena Levi nkayabu ke badi mua kuambula mushete wa tshijila. Mvidi Mukulu uvua mubasungule amu bobu bua bikale bambudi ne bakubi ba mushete awu kashidi.

1 Kulondolola 23:26

Nenku bena Levi kabena ne bua kuambula kabidi ntenta wa kusambakena ne bintu bionsu bia mudimu wa kutendelela to.”

Ekesode 19:12

Kadi, ubaleje muaba udibu mua kuimanyina kuinshi kua mukuna. Ubakandike bua kababandi ku mukuna, kabaulengi nansha. Bualu muntu musemene pabuipi ne mukuna nebamushipe.

Ekesode 19:21

Maweja-Nangila kumuambila ne: — Tuluka, ubele bantu ne: kabasemenyi pabuipi ne mukuna bua kummona. Bualu bobu benze nanku, bavule ba kudibu nebafue.

Ekesode 27:7

Ubueje mitshi ayi ku nkanu idi ku tshilambuilu nseke yonsu ibidi, bua kuambuilaku tshilambuilu.

Lewitiki 16:13

Muaba awu kumpala kua Maweja-Nangila, neele musenga wa manananshi mu mbabula. Muinshi wa manananshi awu, neubuikile mushete wa ndondu ne tshibuikidiji tshiawu. Nanku Arone kakufua to.

Dibadika 1:50

Neubapeshe mudimu wa kulama nzubu wa tshijila, muaba udibu bateke mukanda wa ndondu, bintu bionsu bia kuasa nabi nzubu awu, nansha bintu bia kukuata nabi mudimu mu nzubu awu. Nebambule nzubu awu ne bintu biende bionsu. Nebenze mudimu mu nzubu awu. Kabidi nebase mitanda yabu minyungulule nzubu awu.

Dibadika 1:51

Panudi numuangala, amu bena Levi nebatulakaje nzubu wa tshijila awu, bua kuya kumuasa kabidi muaba unudi nuya. Kadi muntu mukuabu mufike pabuipi ne nzubu wa tshijila awu, nebamushipe.

Dibadika 10:21

Bena tshisamba tshia Levi ba ku ndelanganyi ya Kekate bavua bambule bintu bia tshijila menemene. Kulondabu ne bintu abi. Bualu bena Levi bakuabu bavua ne bua kuasa nzubu wa tshijila, bena Kehate kabayi banji kufika.

Dibadika 18:3

Bana benu bena Levi abu nebanuambuluishe bua midimu yonsu ya mu ntenta wa kusambakena. Kadi kabena mua kusemena pa buipi ne tshilambuilu, nansha ne muaba udi bintu bia tshijila to. Nanku nansha wewe ne ndelanganyi yebe, nansha bobu bena Levi, kanuakufua to.

Dibadika 3:38

Moshe ne Arone ne bana bende bavua base mitanda yabu luseke ludi diba dipatukila lua muaba wa tshijila, kumpala kua tshibuelelu tshia muaba awu. Bavua benza mudimu muaba wa tshijila mu dina dia bena Izrayele bonsu. Muntu yonsu uvua musue kuenza mudimu muaba awu, kayi mutuangaji, bavua ne bua kumushipa.

Dibadika 4:14

Nebatekemu bintu bionsu bivuabu benza nabi mudimu bua kulambula milambu: mbabula, nsomu wa kuambula nende munyinyi, bikasu ne mabungu a kuela mayi a kumiamina. Nebabuikile tshiseba tshikole tshia nyama wa nkonga ku bionsu ebi. Nebabueje milonda ku tshilambuilu bua kutshiambuilaku.

Dibadika 4:19

Nanku, wewe Arone ne bana bebe ba balume, nufile muntu yonsu wa bena Kekate muaba udiye ne bua kuenza mudimu. Numuleje tshidiye ne bua kuenza, kabidi ne tshintu tshidiye mua kuambula. Bualu bobu balenga tshintu tshia tshijila menemene, nebafue.

Dibadika 4:20

Nanku bena Kekate kabamonyi tshintu tshia tshijila nansha katupa ka diba to. Bobu batshimone nanku, nebafue.

Dibadika 7:9

Kadi kena mupeshe bena Kekate tshintu to. Bualu bobu bavua ne bua kulama bimpe bintu bia tshijila, kubiambula pa makaya.

Dielulula 31:9

Moshe kufunda mikenji ya Mvidi Mukulu, kuyipesha batuangaji, ndelanganyi ya bena Levi, bavua ne mudimu wa kuambula mushete uvua ne mikenji ya ndondu. Kuyipeshaye kabidi bakulu ba bena Izrayele.

Yoshua 4:10

Batuangaji, bavua bambule mushete wa ndondu, kuimanabu munkatshi mua Yardene too ne padi bena Izrayele bakumbaja bionsu bivua Maweja-Nangila mubambile kudi Yoshuwa. Ke muvua Yoshuwa mukumbaje bionsu bivua Moshe mumuambile nanku. Bena Izrayele kusabuka musulu lukasa.

1 Samuele 6:19

Kadi Maweja-Nangila kunyoka bena tshimenga tshia Bete-Shemeshe, bualu bavua batangila mushete wa tshijila. Kushipaye bantu balume makumi muanda mutekete munkatshi muabu. Nanku bantu bavua bashala, kuenzabu madilu, bualu Maweja-Nangila uvua mubanyoka bikole.