Dibadika 32:5 - MUKANDA WA MYIDI MUKULU

⁵ Kusengelelabu kabidi Moshe ne: — Anyisha, utupeshe miaba eyi, tuabanyangane. Katuena basue kusabuka dishiya dia musulu wa Yardene to.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bakamba kabidi ne, Bituikala ne luse ku mesu kuenu, nuitabushe bua buloba ebu buikale buhianyi bua bantu benu, kanuyi nʼetu dishiya dia Yadene.

Dibadika 32:5 ပူးပေါင်းရင်းမြစ်များ

Genese 19:19

Ukadi mumane kumfuila luse, nangananga paudi mumpatule mu tshimenga etshi bua kumpandisha. Kadi meme tshiena mua kufika ku mukuna, diakabi adi kadiyi dianji kunkuata, bualu kuaka nkupite bule. Ndi mua kufuila mu njila.

2 Samuele 14:22

Yowabe kudiela mpala panshi kumpala kua mukalenga Davide. Kumuelaye tuasakidila, wamba ne: — Mukalenga, mpindiewu ndi mujadika ne: udi munnange bushuwa. Bualu udi muitabe bua kuenza tshimvua mukulombe.

Estere 5:2

Pavuaye umona mukalenga mukaji muimane mu lubanza, kumuanyishaye, kumuoluelaye dikombu dia mpawungi di-vuaye mukuate mu tshianza. Estere kusemena, kukuata ku lusongu lua dikombu.

Yirmeya 31:2

Maweja-Nangila udi wamba ne: Meme ndi mfuila bantu banyi luse. Nensangishe mu tshipele bonsu bavua muele kauyi mushipe. Nanku bena Izrayele nebapingane kuabu, basombe mu bupole.

Dibadika 32:4

mbia mu ditunga dia bena Izrayele, didibu bapete ku diambuluisha dia Maweja-Nangila. Ditunga edi ndimpe bua tuetu kumunyinamu bimuna bietu.

Dibadika 32:6

Moshe kubenga, wamba ne: — Kanuena mua kushala apa to. Bana benu kabena mua kuya ku mvita nkayabu to.

Dielulula 1:37

Bua bubi buenu ebu, Maweja-Nangila mmumfikile kabidi ne meme munda, unkandika ne: “Nansha wewe mene Moshe kuena ufika mu ditunga dia Kenaane to.

Yoshua 7:7

Pashishe Yoshuwa kukema bikole, wamba ne: — Akia! Mvidi Mukulu Maweja-Nangila, uvua mutusabuishe musulu wa Yardene bua tshinyi? Uvua mutusabuishe bua kutufila kudi bena Amore bua batushipe anyi? Uvua mua kutulekela dishiya dia Yardene.

Rute 2:10

Rute kuinyika mutu panshi, ukema, umukonka ne: — Mmunyi muudi mungangate ne musangelu, bu muntu mumane kummanya kuonsu eku, panyi muikale muntu muenyi?

1 Samuele 20:3

Davide kuambila Yonatane ne: — Ndi nditshipa, nkujadikila ne: tatuebe udi unkebela lufu! Kadi, tatuebe mmumanye ne: meme Davide ndi mulunda webe. Ke padiye wamba ne: Ki mbimpe bua Yonatane amanye bualu ebu to. Bualu neanyingalale bikole. Nanku, bu mudi Maweja-Nangila ne muoyi, ne bu muudi wewe Yonatane ne muoyi, ndi nkujadikila ne: nkushala anu katupa kakese bua tatuebe kunshipa.