Dibadika 32:38 - MUKANDA WA MYIDI MUKULU

³⁸ Nebo, Baale-Meyone, bivuabu bamane kukudimuna dina. Pashishe kuasabu kabidi Sibma. Bimenga bikuabu bivuabu base, kubinyikabu mena mapiamapia.

Mukanda wa Nzambi Dihungila Dikulukulu ne Dihungila Dihia-dihia 2003

³⁸ ne Nebo ne Bâla-meona (bakidika misoko ei mena mahia-mahia) ne Sibema; bakidika misoko mikuabo yakasabo mena mahia-mahia.

Dibadika 32:38 ပူးပေါင်းရင်းမြစ်များ

Genese 26:18

Izake kumbulula kabidi biina bia mayi, bivua tatuende Abrahame mumbule, patshivuaye ne muoyi, bivuabu bajibikile kudi bena Peleshete kunyima kua lufu luende. Izake kubinyika mena abi a kale, avua Abrahame mubinyike.

Ezela 10:43

ndelanganyi ya Nebo: Yeyiyele, Matitya, Zabade, Zebina, Yadayi, Yowele ne Benaya.

Misambu 16:4

Bonsu badi bakeba bua mvidie mikuabu ibambuluishe, badi badikebela makenga. Mvidie eyi tshiena nyilambula milambu ya nyama, tshiena nansha ntela mena ayi.

Ekesode 23:13

“Nulame malu andi meme Maweja-Nangila munuambile aa. Kanutendeledi mvidie ya bisamba bikuabu. Kanuyitedi mukana muenu.

Yeshaya 16:8

Madimi a mu Eshebone adi munda mutupu! Mionji ya mvinyo ya mu Sibma idi mifubidile. Bakalenga ba matunga, bavua bakuatshika maluvu a ku mionji ayi. Mionji ayi ivua yela matamba too ne ku Yazere, ibuela too ne mu tshipela. Ntonga yayi idi ilamba, too ne dia muamua dia Mayi manene a luepu.

Yeshaya 46:1

Mvidie Bele kena kabidi ne bukole to. Mvidie Nebo udi mufuane kudishinda. Nanku mpingu yabu badi bayiteka panyima pa nyama idi yambula majitu. Badi bayambula bu mudibu bambula majitu. Idi ne bujitu bunene, panyima pa nyama eyi ikadi mipungile.

Yirmeya 48:1

Maweja-Nangila wabukole buonsu, Mvidi Mukulu wa Izrayele udi umanyisha mukenji udi utangila bena Mowabe, wamba ne: Bena Nebo nebakenge! Tshimenga tshiabu netshinyanguke! Bena Kiriyatayime nebafue bundu. Nebakuate tshimenga tshiabu. Bena Mowabe nebafue bundu, kabakuikala ne bukole kabidi!

Yirmeya 48:21

Maweja-Nangila udi ukosa nsambu, unyoka ditunga didi mu mpata, ne tshimenga tshia Olone, tshia Yakase, tshia Mefaate,

Yirmeya 48:23

tshia Kiriyatayime, tshia Bete-Ngamule, tshia Bete-Meyone,

Yezekiyele 25:9

Nanku nentume bantu bua baluishe badi basombela mu bimenga bidi ku mikalu ya ditunga dia Mowabe. Nebabinyange bionsu bilondangane, nansha bidi bipite buimpe bu mudi Bete-Yeshimote, Baale-Meyone ne Kiriyatayime.

Dibadika 22:41

Butshia dinda, Balake kuya ne Balaame ku Bamote-Baale, bualu muaba awu uvua mua kudimuena tshitupa tshia bena Izrayele.

Dibadika 32:3

— Bimenga ebi, Atarote, Dibone, Yazere, Nimra, Eshebone, Elale, Sebame, Nebo ne Beyone,

Dibadika 32:37

Ndelanganyi ya Rubene kuasulula bimenga ebi: Eshebone, Elale, Kiriyatayime,

Dielulula 32:50

Pashishe neufuile pa mukuna apu, bua ulonde bankambua bebe. Ke muvua muanenu Arone mufuile pa mukuna wa Ore, mulonde bankambua bende.

Yoshua 23:7

Kanubuelakanyi ne bantu ba bisamba bikuabu, batshidi bashale munkatshi muenu. Kanukebi diambuluisha kudi mvidie yabu. Kanutedi dina dia mvidie ayi, panudi nutshipa. Kanuinami kumpala kuayi bua kuyitendelela.