Dibadika 32:3 - MUKANDA WA MYIDI MUKULU

³ — Bimenga ebi, Atarote, Dibone, Yazere, Nimra, Eshebone, Elale, Sebame, Nebo ne Beyone,

Mukanda wa Nzambi Dihungila Dikulukulu ne Dihungila Dihia-dihia 2003

³ Atalota ne Dibona ne Yazê ne Nimela ne Heshebona ne Eleale ne Sebama ne Nebo ne Beone,

Dibadika 32:3 ပူးပေါင်းရင်းမြစ်များ

Nehemya 9:22

Wewe, udi mubape bumfumu, bua matunga ne bua makalenga. Kuangatabu matunga avua mutumba nabu, ditunga dia Oge, mukalenga wa Bashane, ne ditunga dia Sihone, mukalenga wa Eshebone.

Yeshaya 15:6

Mayi a ku Nimrime mmanyanguke, mitshi yonsu idi miume; mashinda mmafube. Kakuena kabidi tshisosa tshibishi.

Yirmeya 48:1

Maweja-Nangila wabukole buonsu, Mvidi Mukulu wa Izrayele udi umanyisha mukenji udi utangila bena Mowabe, wamba ne: Bena Nebo nebakenge! Tshimenga tshiabu netshinyanguke! Bena Kiriyatayime nebafue bundu. Nebakuate tshimenga tshiabu. Bena Mowabe nebafue bundu, kabakuikala ne bukole kabidi!

Yirmeya 48:2

Butumbi bua Mowabe buajiki. Mbelele tshimenga tshia Eshebone tshifufu tshibi bamba ne: “Tuyayi kubutula tshimenga etshi. Katshikadi kabidi ne muaba munkatshi mua bisamba bikuabu!” Wewe kabidi tshimenga tshia Madmene neubutuke. Bena mvita nebafike bua kukuluisha.

Yirmeya 48:32

Ndi nkudila, wewe udi bu budimi bua mvinyo bua mu Sibma, bipite mundi ndila bantu ba mu Yazere. Wewe Sibma uvua molole mionji yebe, ivua mifike too ne ku Yazere, dishiya dia Mayi manene a luepu. Kadi baluishi bavua bakubutula, mu tshikondu tshivuabu bapole, bakama tumuma tua mvinyo.

Yirmeya 48:34

Bena Eshebone badi balomba diambuluisha. Bantu badi bumvua mbila yabu too ne ku Elale. Badi bumvua diyi diabu too ne ku Yakase, kabidi biangatshile ku Soware too ne ku Oronayime ne ku Eglate-Selishiya. Bualu nansha mpokolu wa ku Nimrime ukadi muume.

Yirmeya 48:45

Badi banyema mvita mbapungile. Badi bakeba muaba wa kuikisha mu tshimenga tshia Eshebone, tshivuabu balombole kale kudi mukalenga wa Sikone. Kadi kapia kavua kuosha ditunga dijima dia bilobu ebi, ku mikalu too ne munda mua ditunga.

Yezekiyele 25:9

Nanku nentume bantu bua baluishe badi basombela mu bimenga bidi ku mikalu ya ditunga dia Mowabe. Nebabinyange bionsu bilondangane, nansha bidi bipite buimpe bu mudi Bete-Yeshimote, Baale-Meyone ne Kiriyatayime.

Dibadika 21:28

Tshimenga tshia Eshebone ntshikuate kapia. Ndimi ya kapia mmibande mu tshimenga tshia Sihone. Kapia kabutulu Are mu ditunga dia Mowabe, kabutulu bakalenga bavua ku mikuna ya ku musulu wa Amone.

Dibadika 21:30

Kadi tuakuasa bena Amore mikete! Tuakubutula Eshebone! Tuakunyangakaja ditunga dijima too ne ku Dibone, too ne ku Nofa, ne ku Medeba mene.”

Dibadika 21:32

Moshe kutuma bantu bua kutentekela tshimenga tshia Yazere. Bena Izrayele kuipata bena Amore, kubanyenga tshimenga atshi, kabidi ne misoku yonsu ivua mutumba natshi.

Dibadika 32:1

Ndelanganyi ya Rubene ne ya Ngade ivua ne bimuna bipite bungi. Kumonabu ditunga dia Yazere ne dia Ngilaade abalengelela bua kumunyinabu bimuna.

Dibadika 32:2

Kuyabu kudi Moshe, kudi mutuangaji Elazare, ne kudi bamfumu ba bena Izrayele, kubambilabu ne:

Yoshua 13:17

Muvua kabidi tshimenga tshia Eshebone, ne bimenga bionsu bidi bilonda ebi: Dibone, Bamote-Baale, Bete-Baale-Meyone,

Yoshua 13:19

Kiriyatayime, Sibma, Serete-Shakare pa kakuna kadi katangilangana ne tshibandabanda,

Yoshua 21:39

tshia Eshebone, ne tshia Yazere.

Balombodi 11:26

Bidimu nkama isatu, bena Izrayele bavua anu base mu bimenga bia Eshebone ne Aroyere, kabidi mu misoku ivua nabi mutumba, ne mu bimenga bionsu bivua ku muelelu wa musulu wa Amone. Bidimu bionsu ebi, kuvua mubanyenge buloba ebu bua tshinyi?