Dibadika 32:29 - MUKANDA WA MYIDI MUKULU

²⁹ Kubambilaye ne: — Pikala bena Rubene ne bena Ngade, basabuke nenu musulu wa Yardene bua kuluangana mvita, bu mudi Maweja-Nangila muambe, banuambuluishe bua nukuate ditunga dia Kenaane, nanku nubapeshe ditunga dia Ngilaade, dikale diabu.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Mose wakabambila ne Bikala Bena Gada ne Bena Lubena basabuka Yadene nʼenu bikala muena nvita yonso ne bintu bia nvita ku mesu kua Yehowa ne bikala bena buloba bateketa ku mesu kuenununku nennubahe buloba bua Gilada bu buhianyi buabo;

Dibadika 32:29 ပူးပေါင်းရင်းမြစ်များ

Dibadika 32:17

Pashishe tuetu netuangate bia mvita, tupite kumpala kua bena Izrayele bonsu, bua kubafikisha pa wabu muaba. Diba adi, bana batuvua balele nebashale mu bimenga bibaka bimpe, kabayi mua kutshina njiwu ya kudi bena ditunga edi.

Dibadika 32:28

Moshe kufikisha majinga a bena Rubene ne bena Ngade kudi mutuangaji Elazare, kudi Yoshuwa, muana wa Nune, ne kudi bamfumu ba bisamba bia bena Izrayele.

Dibadika 32:30

Kadi pikalabu kabayi bakumbaje bionsu ebi, nenusombe nabu amu mu ditunga dia Kenaane.

Yoshua 12:6

Moshe ne bena Izrayele bavua batshimuna bakalenga aba babidi mu mvita. Moshe, muntu wa Maweja-Nangila, uvua mumane kufila matunga abu kudi bena Rubene, bena Ngade, ne kudi tshitupa tshia bena Menashe.

Yoshua 13:11

Muvua kabidi ditunga dia Ngilaade, dia Ngeshure ne dia Maaka, mukuna wa Ermone, ne ditunga dijima dia Bashane too ne ku Salka.

Yoshua 14:3

Moshe uvua mumane kuabanyina bisamba bibidi, ne tshia bibidi tshikuabu tshia bena Menashe maloba onsu awa luseke ludi diba dipatukila lua musulu wa Yardene. Kadi kuvua mupeshe ndelanganyi ya Levi buloba to.

Yoshua 18:7

Ndelanganyi ya Levi kayena mua kupeta tshiayi tshitupa tshia buloba to. Bualu tshiabu tshintu tshidi amu mudimu wa batuangaji udibu benzela Maweja-Nangila. Kadi tshisamba tshia Ngade, tshia Rubene, ne tshia bibidi tshia tshisamba tshia Menashe, mbimane kupeta biabu bitupa bia buloba luseke ludi diba dipatukila lua Yardene. Moshe nkayende, muntu wa Maweja-Nangila, ke uvua mubapeshe miaba yabu.

Yoshua 22:9

Ke ndelanganyi ya Rubene, ya Ngade, ne ya mu tshitupa tshia tshisamba tshia bena Menashe tshivua luseke ludi diba dipatukila lua Yardene, kupingana kuabu. Kushiyabu bena Izrayele bakuabu mu Silo, mu ditunga dia Kenaane. Kupinganabu mu ditunga dia Ngilaade, divuabu bababanyine, bu muvua Maweja-Nangila mumane kuambila Moshe.

Balombodi 10:3

Yayire, muena Ngilaade, kupingana muaba wa Tola. Kushalaye mulombodi wa bena Izrayele bidimu makumi abidi ne bibidi.

1 Samuele 18:17

Shawule kudiambila munda ne: “Meme tshiena musue kushipa Davide to. Bena Peleshete nebamushipe.” Nanku, Shawule kuambila Davide ne: — Merabe, muananyi wa bakaji muanabute, nyeye ewu. Pawikala mungenzela mudimu ne dikima, pawikala muluangana mvita mu dina dia Maweja-Nangila, ndi nkupesha muananyi ewu bua ikale mukajebe.