Dibadika 30:13 - MUKANDA WA MYIDI MUKULU

¹³ Kadi pikala bayende mubibenge dituku adi, dilaya dia mukaji awu kadiena ne bualu kabidi to. Maweja-Nangila neamufuile luse, bualu bayende mmushipe dilaya diende adi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Mulume wandi udi mumanye mua kujadika kudi tshiha kuandi kuonso anyi mei andi onso, anyi udi mua kumusha malu au ne malu a hatuhu.

Dibadika 30:13 ပူးပေါင်းရင်းမြစ်များ

Ezela 8:21

Ku muelelu wa mukidi wa Akaya, meme kuamba bua tuetu bonsu tajile biakudia. Ke mutavua ne bua kudipuekesha, kusengelela Maweja-Nangila bua atuendeshe mu ditalala ne meku etu, kabidi ne binta bietu.

Misambu 35:13

Pavua baluishi banyi basama, mvua ne kanyinganyinga, mbenga kudia, ntendelela Maweja-Nangila. — kadi dilomba dianyi kadivua dipeta tshipeta!

Yeshaya 58:5

Dijila dia biakudia dia mushindu ewu, ke dindi musue meme anyi? Ke dituku dia kudipuekesha dindi mua kuanyisha meme anyi? Kuinyika mutu bu dilenga, kuvuala bilamba bia madilu, kulala mu lupuishi, ke dituku dinudi nuenu nuamba ne: ndia tshijila anyi? Ke dituku dinudi nuela meji ne: didi disankisha meme anyi?

Lewitiki 16:29

“Nuenu bena Izrayele, umvuayi mukenji unudi ne bua kulama kashidi: matuku dikumi a ngondu wa muanda mutekete, nuenu, bana benu ne benyi badi munkatshi muenu, nujile biakudia. Kanuena kabidi mua kukuata mudimu.

Lewitiki 23:27

“Dituku dia dikumi dia ngondu wa muanda mutekete, ndituku dinene dia kukobolola bantu. Dituku adi, nudisangishe, nuntendelele. Nujile biakudia, nundambule mulambu wa kuosha.

Lewitiki 23:32

Dituku adi, nenuikishe, anu bu munudi nuenza dituku dia Dikisha. Nujile kabidi biakudia. Nunemeke mukenji ewu wa dikisha, bituadije ku dilolu dia matuku tshitema a ngondu, too ne dilolu dia matuku dikumi a ngondu.”

Dibadika 29:7

“Matuku dikumi a ngondu wa muanda mutekete, kanuenji mudimu, nujile biakudia. Nudisangishe bua kuntendelela meme Maweja-Nangila.

Dibadika 30:12

bayende kayi mubenge dituku didiye ubumanya, mukaji udi ne bua kukumbaja bionsu bidiye mulaye.

Dibadika 30:14

Nanku dilaya dionsu didi mukaji musela ulaya, nansha padiye uditshipa bua kujila tshintu, bayende udi mua kujadika, nansha kushipa dilaya diende, nansha mutshipu wende.

1 Korente 11:3

Kadi ndi musue bua nujingulule ne: Kristu udi Mfumu wa muntu mulume yonsu. Mulume yonsu udi musele, udi mfumu wa mukajende. Mvidi Mukulu udi Mfumu wa Kristu.

1 Korente 11:9

Kabavua bafuke mulume bua mukaji, kadi amu mukaji bua mulume.

1 Korente 7:5

Kanubenganganyi mu nzubu. Panuikala basue kubengangana nanku, nuanji kumonangana. Nuenze kabidi nanku amu bua matuku makese, bua numone mua kutendelela muenu muonsu. Pashishe nudisange tshiakabidi mu nzubu, muenu mua tshibidilu. Kanuyi benze nanku, nudi mua kupanga kudilama, diabolu udi mua kunuteya, kunutshimuna.