Dibadika 3:8 - MUKANDA WA MYIDI MUKULU

⁸ Nebalame bintu bionsu bia mu ntenta awu. Nebenze midimu yonsu idi itangila nzubu wa tshijila bua kuambuluisha bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bobo nebalame bintu bia mu nsubu wa tshitendelelu, ne bintu bia Bena Isalele, bua kuenzelabo mudimu wa mu ntenta wa kusambakena.

Dibadika 3:8 ပူးပေါင်းရင်းမြစ်များ

1 Kulondolola 23:27

Ke kufundabu mena a bena Levi bavua bakumbaja bidimu makumi abidi mu mikanda, bu muvua Davide muambe.

2 Kulondolola 29:11

Nuenu balunda banyi, kanuena mua kulengulula bualu ebu to. Bualu nuenu ke badi Maweja-Nangila musungule, bua nuimane kumpala kuenda, numutendelela, nuosha musenga wa kamonya mu dina diende.

Yeshaya 52:11

Nuenu badi bambula malongu, ngesu ne makopu, bua kutendelela nabi Maweja-Nangila, umukayi, umukayi lukasa. Patukayi mu Babilone. Kanulengi tshintu tshibi. Patukayi kanuyi nupia mikiya.

Dibadika 10:17

Kutulabu ntenta wa kusambakena, kumuambulabu kudi bena diku dia Ngershone ne dia Merari. Kubangabu luendu.

Dibadika 10:21

Bena tshisamba tshia Levi ba ku ndelanganyi ya Kekate bavua bambule bintu bia tshijila menemene. Kulondabu ne bintu abi. Bualu bena Levi bakuabu bavua ne bua kuasa nzubu wa tshijila, bena Kehate kabayi banji kufika.

Dibadika 3:7

Bena Levi nebenze mudimu kumpala kua ntenta wa kusambakena, bua kuambuluisha Arone ne bena Izrayele bonsu. Nebenze midimu yonsu idi itangila nzubu wa tshijila.

Dibadika 3:9

Nanku neupeshe Arone ne bana bende bena Levi, bua babambuluishe muabu muonsu mu dina dia bena Izrayele bakuabu, balame nzubu wa tshijila.

Dibadika 31:30

Kadi ku bintu bionsu bidibu bangate kudi bena Izrayele bakuabu, pa bantu makumi atanu nungumushile muntu umue, ne pa nyama makumi atanu nungumushile nyama umue: ngombe umue, mpunde umue, mukoku umue ne tshimuna tshikuabu tshionsu anu tshimue. Bena Levi badi benza mudimu wa kulama nzubu wanyi wa tshijila bangate bintu abi.

Dibadika 4:15

Diba dia luendu, anu Arone ne bana bende ba balume bamane kubuikila bintu bia tshijila, ke bena Kekate kushisha kuambula bintu bia tshijila abi bua kuya nabi. Nanku, bena Kekate kabena ne bua kulenga bintu bia tshijila abi ne bianza to, bualu badi mua kufua. Nanku mudimu wa bena Kekate mu ntenta wa kusambakena ngwa kuambula bintu bia tshijila.

Dibadika 4:28

Ke midimu idi bena Ngershone ne bua kuenza mu ntenta wa kusambakena. Itamare, muana wa mutuangaji Arone, neikale ubalombola.”

Dibadika 4:33

Ke midimu idi bena Merari ne bua kuenza mu ntenta wa kusambakena. Itamare, muana wa mutuangaji Arone, neikale ubalombola.”