Dibadika 3:6 - MUKANDA WA MYIDI MUKULU

⁶ — Bikila tshisamba tshia bena Levi. Ubateke ku bumfumu bua mutuangaji Arone, bamuambuluishe.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Ulue biebe ne tshisamba tshia Lewi, ubateke ku mpala kua Alona muakuidi, bua bobo bamuenzele mudimu.

Dibadika 3:6 ပူးပေါင်းရင်းမြစ်များ

1 Kulondolola 15:2

Nenku kuambaye ne: — Amu bena Levi nkayabu ke badi mua kuambula mushete wa tshijila. Mvidi Mukulu uvua mubasungule amu bobu bua bikale bambudi ne bakubi ba mushete awu kashidi.

1 Kulondolola 23:28

Bavua babalombola kudi ndelanganyi ya Arone mu midimu yabu ya mu nzubu wa Mvidi Mukulu, ya mu lubanza, ya mu bibambalu bidi ku nseke kua nzubu. Bavua basukula ngesu ne malongu bia tshijila, bakumbaja midimu misunguluke ya mu muaba wa tshijila.

1 Kulondolola 23:32

Nebalame bimpe ntenta wa kusambakena ne muaba wa tshijila. Bana babu bakuabu ba ku ndelanganyi ya Arone nebashale ne mudimu wa mu nzubu wa Maweja-Nangila.

1 Kulondolola 6:33

Bantu bakuabu ba mu tshisamba tshia Levi bavua benza midimu mikuabu yonsu ivua itangila muaba wa tshijila wa Mvidi Mukulu.

2 Kulondolola 29:11

Nuenu balunda banyi, kanuena mua kulengulula bualu ebu to. Bualu nuenu ke badi Maweja-Nangila musungule, bua nuimane kumpala kuenda, numutendelela, nuosha musenga wa kamonya mu dina diende.

Ezela 6:18

Kusungulabu kabidi batuangaji ne bena Levi, bua benzele Mvidi Mukulu mudimu mu Yerushalayime, ku tshisumbu ku tshisumbu, bu mudibu bafunde mu mukanda wa Moshe.

Malaki 2:4

Diba adi, nenujingulule ne: Meme Maweja-Nangila Mvidi Mukulu ndi munubele, bua kukumbaja ndondu umvua mutue ne Levi, kabidi ne ndelanganyi yende.

Dibadika 18:21

Maweja-Nangila kuamba kabidi ne: — Bena Levi badi bangenzela mudimu mu ntenta wa kusambakena, difutu diabu ke tshia dikumi tshimue tshia bintu bionsu bidi bantu bapeta mu Izrayele.

Dibadika 2:17

“Pashishe bena Levi nebumuke, bambule ntenta wa kusambakena. Nebende pankatshi pa biluilu binayi, bibidi kumpala, bibidi kunyima kuabu. Nebalondangane muntu yonsu mu mulongu wende, ku tshisumbu ne ku tshisumbu, bilondeshile muaba uvuabu base mitanda yabu, balonda dibendela dia tshisamba tshiabu.

Dibadika 2:33

Kadi bu muvua Maweja-Nangila muambile Moshe, kabavua babadike bena Levi pamue ne bena Izrayele bakuabu nansha.

Dibadika 3:5

Maweja-Nangila kuambila Moshe ne:

Dielulula 10:8

Tshikondu atshi Maweja-Nangila kupesha bena Levi midimu mishilangane eyi: kuambula mushete wa ndondu wa Maweja-Nangila, kuenzela Maweja-Nangila mudimu, kuela bantu lupemba mu dina dia Maweja-Nangila. Midimu eyi, ke itshidibu benza too ne mpindiewu.