Dibadika 3:41 - MUKANDA WA MYIDI MUKULU

⁴¹ Pashishe, ujidile bena Levi bua bikale banyi meme Maweja-Nangila, pa muaba wa bamuanabute bonsu ba bena Izrayele. Bimuna kabidi bia bena Levi nebikale bianyi, pa muaba wa bamuanabute bonsu ba bimuna bia bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Wewe newangatshile Bena Lewi (meme ndi Yehowa) mu miaba ya banʼa bute ba munkatshi mua Bena Isalele, ne bimuna bia Bena Lewi mu miaba ya banʼa bute ba bimuna bia Bena Isalele.

Dibadika 3:41 ပူးပေါင်းရင်းမြစ်များ

Dibadika 18:15

Bamuanabute bonsu badibu bandambula, ba bantu ne ba nyama mbebe wewe. Kadi nebapikule muanabute wa balume wa muntu, nebapikule kabidi muanabute wa nyama udi ne mikiya.

Dibadika 3:12

— Ndi musungule bena Levi munkatshi mua bena Izrayele bakuabu bonsu, bua bangenzele mudimu. Ndi mbangata bua bikale banyi, pa muaba wa bamuanabute bonsu ba bena Izrayele.

Dibadika 3:13

Bualu dituku di-mvua mufuishe bamuanabute ba bena Ejipitu, mvua mushiye bamuanabute bonsu ba bena Izrayele too ne ba bimuna biabu ne muoyi bua bikale bianyi. Meme ndi Maweja-Nangila.

Dibadika 3:42

Moshe kuenza bionsu bivua Maweja-Nangila mumuambile. Kubadikaye bamuanabute ba balume ba bena Izrayele bonsu.

Dibadika 3:45

— Ujidile bena Levi bua bikale banyi meme Maweja-Nangila, pa muaba wa bamuanabute bonsu ba bena Izrayele. Bimuna bia bena Levi kabidi nebikale bianyi meme, pa muaba wa bamuanabute ba bimuna bia bena Izrayele.

Dibadika 8:16

Bualu ndi mubasungule pa muaba wa bena Izrayele bakuabu. Ndi mubangate pa muaba wa bamuanabute ba bena Izrayele.

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

1 Timote 2:6

Yeye uvua mudifile bua kupikula bantu bonsu. Ke muvuaye muleje mu tshikondu tshivua Mvidi Mukulu mujadike ne: Mvidi Mukulu mmusue kusungidila bantu bonsu.