Dibadika 3:38 - MUKANDA WA MYIDI MUKULU

³⁸ Moshe ne Arone ne bana bende bavua base mitanda yabu luseke ludi diba dipatukila lua muaba wa tshijila, kumpala kua tshibuelelu tshia muaba awu. Bavua benza mudimu muaba wa tshijila mu dina dia bena Izrayele bonsu. Muntu yonsu uvua musue kuenza mudimu muaba awu, kayi mutuangaji, bavua ne bua kumushipa.

Mukanda wa Nzambi Dihungila Dikulukulu ne Dihungila Dihia-dihia 2003

³⁸ Mose ne Alona ne bana bandi balume nebashikame ku mpala kua ntenta wa kusambakena ku luseke lua ku esete kudi diba dihatuka, bua kulama nsubu wa tshitendelelu ne bintu bia Bena Isalele; bialua muenyi ha buihi nebamushihe.

Dibadika 3:38 ပူးပေါင်းရင်းမြစ်များ

1 Kulondolola 23:32

Nebalame bimpe ntenta wa kusambakena ne muaba wa tshijila. Bana babu bakuabu ba ku ndelanganyi ya Arone nebashale ne mudimu wa mu nzubu wa Maweja-Nangila.

Dibadika 1:51

Panudi numuangala, amu bena Levi nebatulakaje nzubu wa tshijila awu, bua kuya kumuasa kabidi muaba unudi nuya. Kadi muntu mukuabu mufike pabuipi ne nzubu wa tshijila awu, nebamushipe.

Dibadika 1:53

Kadi amu bena Levi, nebase mitanda yabu minyungulule nzubu wa tshijila. Amu bobu nkayabu nebenze mudimu munda mua nzubu awu. Bena Izrayele bakumbaje mikenji eyi, kabakumfikisha munda nansha.”

Dibadika 2:3

“Bantu badi ku diyi dia tshisamba tshia Yuda, nebase mitanda ku tshisumbu ku tshisumbu luseke ludi diba dipatukila, muaba udi dibendela diabu. Bantu badibu babadike bua benze mudimu mu bisumbu bia tshiluilu, nebabalombole kudi mfumu wa tshisamba tshiabu: Mfumu wa bena Yuda: ke Nashone, muana wa Aminadabe, ne bantu bende 74.600; Mfumu wa bena Isakare: ke Netaneyele, muana wa Shuware, ne bantu bende 54.400; Mfumu wa bena Zebulone: ke Eliyabe, muana wa Elone, ne bantu bende 57.400.

Dibadika 3:10

Neupeshe Arone ne bana bende nkayabu mudimu wa butuangaji. Muntu mukuabu muenze mudimu awu kayi mutuangaji, nebamushipe.

Dibadika 3:23

Bena Ngershone bavua base mitanda yabu kunyima kua nzubu wa tshijila, luseke ludi diba dibuelela.

Dibadika 3:29

Bena tshisamba etshi tshia Kekate, bavua base mitanda yabu, luseke lua kuinshi kua nzubu wa tshijila.

Dibadika 3:35

Bena tshisamba tshia Merari bavua base luseke lua ku mutu kua nzubu wa tshijila. Mfumu wabu uvua Suriyele, muana wa Abikayile.

Dibadika 3:37

Bavua balama kabidi makunji a lupangu ne bitaku biawu, milonda ne mionji. Nanku bena Merari bavua ne mudimu wa kulama bimpe bintu bionsu ebi.