Dibadika 3:36 - MUKANDA WA MYIDI MUKULU

³⁶ Bena Merari ke bavua ne mudimu wa kulama bintu bivuabu benza nabi nzubu wa tshijila: mabaya, makunji ne bitaku biawu, ne bintu bikuabu bionsu.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Bintu bidi bana balume ba Melali balama bidi mabaya a nsubu wa tshitendelelu, ne mitshi ne makunshi ne nkanu ne bintu biabi bionso;

Dibadika 3:36 ပူးပေါင်းရင်းမြစ်များ

Ekesode 26:32

Tshilamba atshi tshikale tshipopela ne misonsu ya tshiamu tshia mpawungi, ku makunji anayi a mitshi ya ndunga, mabuikila ne tshiamu tshia mpawungi. Makunji anayi awu, ikale mateka mu bitaku binayi bia tshiamu tshitoke tshia mushinga mukole.

Ekesode 26:37

Wenze kabidi makunji atanu a mutshi wa ndunga, malamike tshiamu tshia mapwungi. Ku makunji aku kuikale tshilamba tshipopela ne misonsu ya tshiamu tshia mpawungi. Wenze bitaku bitanu bia tshiamu tshikunze bua makunji awu.

Ekesode 35:11

Benze nzubu wa tshijila ne ntenta, tshilamba tshia kubuikila pa mutu pa ntenta, nkanu, mabaya, mitshi, makunji ne bitaku.

Ekesode 35:18

milonda ya bitupa ya mu nzubu wa tshijila, ne ya ku lupangu, too ne mionji ya kuelaku.

Ekesode 36:36

Kuenzabu makunji anayi a mitshi ya ndunga. Kulamikabu tshiamu tshia mpawungi ku makunji aku. Kulembelejabu tshilamba tshia mu mushiku wa mbelu ku makunji aku ne misonsu ya tshiamu tshia mpawungi. Kuenzabu kabidi bitaku bia makunji binayi, bia tshiamu tshitoke tshia mushinga mukole.

Ekesode 39:33

Bena Izrayele kuleja Moshe bintu bionsu bivuabu benza bua nzubu wa tshijila: — ntenta wa kusambakena ne bintu bionsu bivuaku: nkanu, mabaya, mitshi, makunji ne bitaku biawu;

Dibadika 3:35

Bena tshisamba tshia Merari bavua base luseke lua ku mutu kua nzubu wa tshijila. Mfumu wabu uvua Suriyele, muana wa Abikayile.

Dibadika 3:37

Bavua balama kabidi makunji a lupangu ne bitaku biawu, milonda ne mionji. Nanku bena Merari bavua ne mudimu wa kulama bimpe bintu bionsu ebi.

Dibadika 7:8

Kupeshaye kabidi bena Merari, matempu anayi ne ngomba muanda mukulu, bua mudimu udibu benza ku bulombodi bua Itamare, muana wa Arone.