Dibadika 3:3 - MUKANDA WA MYIDI MUKULU

³ Bana aba ke bavuabu balaba manyi, babajidile bua benze mudimu wa butuangaji.

Mukanda wa Nzambi Dihungila Dikulukulu ne Dihungila Dihia-dihia 2003

³ Au mmena a bana ba balume ba Alona bakuidi bakadi ne manyi mela ha mitu, bakajidilabo bua kuenza mudimu wa buakuidi.

Dibadika 3:3 ပူးပေါင်းရင်းမြစ်များ

1 Kulondolola 23:6

Kutapululaye bena Levi mu bisumbu bishilangane, bilondeshile mu meku abu: dia Ngershone, dia Kekate ne dia Merari. Bonsu basatu bavua bana ba balume ba Levi.

Ekesode 28:41

“Bilamba abi, wewe Moshe ubivuadike muanenu Arone ne bana bende ba balume, ubalabe mafuta, ubambike midimu yabu. Ke muudi mua kubabanjija nanku bua bashale benza midimu ya butuangaji.

Ekesode 40:13

Uvuadike Arone bilamba biende bia tshijila. Umulabe mafuta, umujidile bua angenzele mudimu wa butuangaji.

Ekesode 40:15

Bana ba Arone abu, ubalabe mafuta mushindu uuvua mulabe tatuabu, ubajidile bua bangenzele mudimu wa butuangaji. Mafuta awu, ke adi ajadika ne: badi batuangaji kashidi, bobu ne ndelanganyi yabu yonsu.”

Lewitiki 8:12

Kuelaye Arone mafuta a tshijila mu mutu bua kumujidila.

Lewitiki 8:30

Moshe kusambakaja mafuta a tshijila mu mashi avua ku tshilambuilu. Kuamiaminaye Arone, ne ku bilamba biende. Pashishe kuamiaminaye kabidi bana bende ba balume, ne ku bilamba biabu. Ke Arone ne bana bende ba balume ne bilamba biabu kushala bia tshijila.

Dibadika 3:4

Kadi Nadabe ne Abiku kufuila mu tshipela tshia Sinayi kumpala kua muaba wa tshijila, kabayi banji kulela bana. Bualu bavua balambule Maweja-Nangila mulambu wa manananshi, avua kaayi a tshijila. Nanku anu bana babidi ba Arone, Elazare ne Itamare, ke bavua bashale bua kuenza mudimu wa butuangaji pamue ne tatuabu.

Ebrewu 7:28

Mikenji ya Moshe idi iteka bantu badi ne bilema mulongu wa batuangaji banene. Kadi miaku ya mutshipu wa Mvidi Mukulu ivuaye muambe kunyima kua mikenji, mmiteke Muana udi mufike ku bujima buende bua kashidi bu mutuangaji munene.