Dibadika 28:3 - MUKANDA WA MYIDI MUKULU

³ “Dituku dionsu nungoshile bana ba mikoku babidi ba tshidimu tshimue, kabayi ne bulema pambidi. Matuku onsu nenundambule milambu ya kuosha ayi mu bujima buayi.

Mukanda wa Nzambi Dihungila Dikulukulu ne Dihungila Dihia-dihia 2003

³ Wewe neubambile kabidi ne, Eu udi mulambu wa kuosha ha kahia unudi nûfila kudi Yehowa bana balume ba mikoko ba tshidimu tshimue, badi kabayi ne tshilema, bana babidi ba buatshia-buatshia, bu mulambu wa kuosha wa tshiendelele.

Dibadika 28:3 ပူးပေါင်းရင်းမြစ်များ

1 Kulondolola 16:40

Bavua ne bua kufila milambu ya kuosha ku tshilambuilu ku dituku dionsu, dinda ne dilolu. Bavua ne bua kukumbaja midimu yonsu ivua Maweja-Nangila mubafundile mu mikenji ivua bena Izrayele bapete kudiye.

2 Kulondolola 8:13

Bilondeshile mikenji ivua Moshe mumane kujadika bua dituku dionsu dia bualu, Shelomu uvua ulambula milambu dituku dia Dikisha, dituku dia kumpala dia ngondu, ne mu bibilu bisatu binene bia ku tshidimu: Dituku dia Mampa kaayi mela buanga, dia Dinowa biakudia, ne dia tuzubu tua Bisasa.

Ezela 3:5

Bituadija tshikondu atshi, bavua balambula milambu ya ku dituku ku dituku, kabidi ne milambu mikuabu idibu bafunde bua kulambula dituku dia kumpala dia ngondu yonsu, ne matuku a bibilu bia Maweja-Nangila, kabidi ne milambu mikuabu ya budisuile idi bantu bakadila Maweja-Nangila.

Danyele 11:31

Bena mvita bavuaye mutume nebanyange muaba wa tshijila. Nebakandike bantu, bua kabalambudi Mvidi Mukulu mulambu wa ku dituku ne ku dituku. Nebateke ‘Bualu bubi butambe’ ” pa tshilambuilu.

Danyele 12:11

Kubangila ku diba didibu bumbusha mulambu wa buatshia buatshia wa kuoshela Mvidi Mukulu, ne ku diba didibu bateka “Bualu bubi butambe” pa tshioshelu, matuku neapite tshinunu ne nkama ibidi ne makumi tshitema.

Danyele 8:11

Kuluishalu mene mfumu wa bia mu diulu. Kukandikalu mulambu wa kuosha, uvuabu bamulambula ku dituku ku dituku. Kunyangalu muaba wa tshitendelelu, kuupishalu mikiya.

Danyele 8:13

“Pashishe meme kumona mutumibue wa Mvidi Mukulu wakula. Mutumibue mukuabu kumukonka ne: ‘Malu adibu baleja aa neanenge matuku bungi munyi? Mulambu wa kuosha wa buatshia buatshia nebaubenge matuku bungi munyi? Bubi budi bubutula bintu bionsu nebushale kashidi anyi? Muaba wa tshijila ne bia mu diulu, nebabidiatakaje ku makasa too ne ku diba kaayi?’

Lewitiki 3:5

Batuangaji boshe munyinyi onsu ewu pa tshilambuilu, pamue ne mulambu wa kuosha, bualu udi mulambu wa dipembu dimpe didi disankisha Maweja-Nangila.

Lewitiki 6:9

Bukula bua mulambu budi bushale, babuangate anu kudi Arone ne bana bende ba balume. Kadi badie mulambu awu kabayi bela buanga bua mampa. Baudile mu lubanza lua ntenta wa kusambakena, bualu ke muaba wa tshijila.

Amosa 4:4

Bena Izrayele, nudi nubuela mu nzubu wa kutendelela wa Betele, kadi nudi amu nuntombokela. Nudi nuya kutendelela ku Ngilgale, nuenza anu kuenza malu mabi. Nudi nufika, patshiatshia dinda, nulambula milambu yenu, dituku dibidi nufila tshia dikumi tshia bia pa madimi enu.

Dibadika 28:10

Nanku dituku dia Dikisha dionsu nundambule mulambu wa kuosha ewu, pamue ne mulambu wa nyama ne wa mvinyo wa ku dituku ku dituku.

Dibadika 28:15

Nuenu bamane kundambula mulambu wa kuosha wa ku dituku dionsu, ne wa maluvu a mvinyo, nenundambule kabidi mbuji wa mpumbu bua mulambu wa kunukobolola nawu.

Dibadika 28:23

Ke milambu inudi nusakidila ku milambu ya kuosha inudi nundambula dituku dionsu.

Dibadika 28:24

Panudi nuenza tshibilu tshia matuku muanda mutekete, dituku dionsu nungoshile nyama, pamue ne mulambu wa ku dituku ku dituku, ne mulambu wa mvinyo. Dipembu diayi nedinsankishe.

Dibadika 28:31

Nuenu bamane kundambula milambu ya kuosha ya ku dituku dionsu ne ya bia mu madimi enu, nenusakidile milambu yonsu eyi ya nyama, idi kayiyi ne bulema pambidi, pamue ne milambu ya maluvu a mvinyo, inudi ne bua kusakidila kabidi.

Dibadika 28:4

Nungoshile mukoku umue dinda, mukuabu dilolu.

Dibadika 29:11

Pashishe, nundambule kabidi mbuji wa mpumbu, bua mulambu wa kunukobolola nawu. Milambu yonsu eyi, nuyilambule pamue ne mulambu wa kunukobolola nawu wa dituku adi, kabidi ne mulambu wa kuosha wa ku dituku dionsu, kabidi ne mulambu wa bukula ne wa maluvu a mvinyo. Bualu ke dituku dinene dia kukobolola bantu.

Dibadika 29:16

Pashishe, nundambule kabidi mbuji wa mpumbu, bua mulambu wa kunukobolola nawu. Milambu yonsu eyi, nuyilambule pamue ne mulambu wa ku dituku dionsu, ne milambu ya bukula, ne ya maluvu a mvinyo.

Dibadika 29:6

Nuenu bamane kungoshila milambu ya dituku dionsu, ne ya dituku dia kumpala kua ngondu, pamue ne milambu ya tshibidilu ya bukula ne ya maluvu a mvinyo, nenundambule kabidi milambu yonsu eyi, bua dipembu dimpe dia milambu ya kuosha eyi dinsankishe.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Ebrewu 9:6

Bamane kulongolola bintu bionsu ebi, batuangaji badi babuela ku dituku ku dituku mu ntenta wa kumpala bua kuenza mudimu wabu.

Didimanyisha 13:8

Bantu bonsu ba pa buloba nebamukukuile. Ke bonsu bavuabu kabayi bafunde mena abu, mu mukanda wa muoyi katshia bafuka buloba; ke mukanda udi Muana wa mukoku udibu bashipe nawu.