Dibadika 28:11 - MUKANDA WA MYIDI MUKULU

¹¹ “Dituku dia kumpala dia ngondu yonsu, nungoshile meme Maweja-Nangila ngombe milume ibidi, mukoku wa tshimpanga, ne bana ba mikoku muanda mutekete, badi bamane kukumbaja tshidimu tshijima. Bimuna bionsu abi, kabikadi ne bulema pambidi to.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mu bibangidilu bia ngondo yenu nenufile mulambu wa kuosha ha kahia kudi Yehowa bana balume ba ngombe babidi ne tshimpanga tshimue ne bana balume ba mikoko muanda mutekete ba tshidimu tshimue badi kabayi ne tshilema,

Dibadika 28:11 ပူးပေါင်းရင်းမြစ်များ

2 Bakalenga 4:23

Bayende kumukonka ne: — Udi uya kudi muambi lelu bua tshinyi? Ki ndituku dia tshibilu tshia ngondu mupiamupia, nansha dituku dia Dikisha mene! Mukaji kuandamuna ne: — Kupampakanyi to!

1 Kulondolola 23:31

nangananga misangu yonsu idibu bamulambula milambu ya kuosha, dituku dia Dikisha, dituku dia kumpala dia ngondu, nansha matuku makuabu a bibilu. Diba dionsu badi ne bua kukumbaja midimu yabu kumpala kua Maweja-Nangila, bantu bikale bungi bukumbane buvuabu babafundile.

2 Kulondolola 2:3

Ungenzele panyi nanku, nkadi pa kuashila Maweja-Nangila Mvidi Mukulu wanyi nzubu wende wa tshijila. Neboshilemu milambu ya manananshi. Nebatekemu mampa a tshijila matuku onsu. Nebalambulemu milambu ya kuosha dinda ne dilolu, matuku a Dikisha, dituku dionsu didi ngondu ubala, ne matuku a bibilu bia Maweja-Nangila Mvidi Mukulu wetu. Ke mikenji idi bena Izrayele ne bua kukumbaja kashidi.

2 Kulondolola 2:4

Nanku, nzubu wa Mvidi Mukulu undi ngasa neikale munene, wa lumu, bualu Mvidi Mukulu wetu mmupite mvidie yonsu ku bunene.

2 Kulondolola 8:13

Bilondeshile mikenji ivua Moshe mumane kujadika bua dituku dionsu dia bualu, Shelomu uvua ulambula milambu dituku dia Dikisha, dituku dia kumpala dia ngondu, ne mu bibilu bisatu binene bia ku tshidimu: Dituku dia Mampa kaayi mela buanga, dia Dinowa biakudia, ne dia tuzubu tua Bisasa.

Ezela 3:5

Bituadija tshikondu atshi, bavua balambula milambu ya ku dituku ku dituku, kabidi ne milambu mikuabu idibu bafunde bua kulambula dituku dia kumpala dia ngondu yonsu, ne matuku a bibilu bia Maweja-Nangila, kabidi ne milambu mikuabu ya budisuile idi bantu bakadila Maweja-Nangila.

Nehemya 10:33

Tuetu kumyuangana bua kufila ku tshidimu ku tshidimu, kakanu ka tshiamu tshitoke tshia mushinga mukole ka bujitu bua grame inayi, bua midimu ya mu nzubu wa Mvidi Mukulu wetu.

Misambu 40:6

Maweja-Nangila, Mvidi Mukulu wetu, kakuena udi mukufuane. Bishima biudi mutuenzele mbivule, bilenga biudi musue kutusankisha nabi mbipite bungi. Tshiena mua kubilonda nansha kubibala.

Misambu 40:8

Ke pandi ngamba ne: “Ke meme ewu, mfika, bua kukumbaja tshidibu bafunda mu mukanda wa Mikenji.”

Misambu 81:3

Imbayi musambu, nuimbe ne ngoma, ne lunkombe ludi ne muadi muakane ne lunzenze.

Misambu 81:4

Nuele mpungi padi ngondu ubala, padiye utokesha bikole, ne mu dituku dietu dia tshibilu.

Yeshaya 66:23

Maweja-Nangila udi wamba ne: Nenku ku ngondu ku ngondu, dituku dia Dikisha dionsu, bantu ba pa buloba bujima nebafike bua kuntendelela.

Yezekiyele 46:1

Maweja-Nangila udi wamba ne: “Tshiibi tshia lubanza lua munda mua nzubu wa Mvidi Mukulu tshidi luseke ludi diba dipatukila, tshidi ne bua kushala tshinjila matuku asambombu adibu benza mudimu. Kadi badi mua kutshiunzulula dituku dia Dikisha, ne dia Tshibilu tshia ngondu mupiamupia.

Yezekiyele 46:6

Matuku a ngondu mupiamupia, udi ne bua kulambula mulume a ngombe, bana ba mikoku basambombu ne mukoku wa tshimpanga umue, bionsu kabiyi ne bulema pambidi.

Yezekiyele 46:7

Asakidile mulambu wa kilo makumi asatu ya ntete ya kuenza bukula pa mulume wa ngombe umue, ne pa mukoku wa tshimpanga umue. Kadi bua bana ba mikoku, neafile ntete ya kuenza bukula, bungi budiye mumone bukumbane. Neasakidile litre isambombu ya mafuta ku kilo makumi asatu ya ntete ya kuenza bukula.

Osheya 2:11

Nanku, tshikondu tshia dinowa, nemmunyenge ntete yanyi ya kuenza bukula imvua mumupeshe. Tshikondu tshia kupola tumuma tua mvinyo, nemmunyenge maluvu anyi a mvinyo, amvua mumupeshe. Nemmunyenge kabidi bilamba bia ndanda, ne bia boya bua nyama, bimvua meme mumupeshe bua kuvualaye.

Lewitiki 1:13

Bia munda ne bikonu babisukule mu mayi. Mutuangaji abiele mulu, abinyukule, abioshile bionsu Maweja-Nangila pa tshilambuilu, bualu mmulambu wa kuosha, udi ne dipembu dimpe didi disankisha Maweja-Nangila.

Lewitiki 1:3

“Padiye ulambula ngombe bu mulambu wa kuosha, ngombe awu ikale anu mulume, kayi bulema. Aye nende mu mushiku wa mbelu wa ntenta wa kusambakena bua kulomba luse kudi Maweja-Nangila.

Lewitiki 1:9

Kadi, bia munda bionsu, ne bikonu bia ngombe, babisukule mu mayi. Pashishe mutuangaji abioshe pamue ne munyinyi onsu udi pa tshilambuilu, bua dipembu dimpe dia mulambu wa kuosha disankishe Maweja-Nangila.

Amosa 3:5

Nyunyi udi mua kubuela mu buteyi, kakuyi tshidi tshimulobesha momu anyi? Buteyi budi mua kudiupila, kakuyi tshidi tshibupisha anyi?

Amosa 8:5

Nudi nuebejangana ne: “Bibilu bia ngondu mupiamupia nebijike diba kaayi, bua tumone mua kupana tshiakabidi ntete yetu ya kuenza bukula! Dituku dia Dikisha ki ndijike anyi, bua tumone mua kukangula, biibi bia mayeba etu! Netukepeshe bipimu bia ntete, netubandishe mushinga. Netunyangakaje tshiamu tshia kupima natshi bua tumone mua kudinga bantu.”

Dibadika 10:10

Panudi nuenza tshibilu dituku dia kumpala dia ngondu yonsu, nansha tshibilu tshia mushindu mukuabu, nenuele mpungi diba didibu bandambula milambu ya kuosha, nansha milambu ya bobumue. Nanku, nennuvuluke. Meme ndi Maweja-Nangila Mvidi Mukulu wenu.”

Dibadika 28:19

Nungoshile ngombe milume ibidi, mukoku wa tshimpanga umue, ne bana ba mikoku muanda mutekete, badi bamane kukumbaja tshidimu tshijima, nyama ayi ishile. Bimuna bionsu abi, kabikadi ne bulema pambidi to.

Ngalate 4:10

Nudi nupita kunemeka matuku makuabu, ngondu, mivu, ne bidimu.

Kolose 2:16

Kanuteleji badi banujana, bua binudi nudia nansha nunua, nansha bua bibilu, bua ngondu mupiamupia, nansha bua dituku dia Dikisha.

Kolose 2:6

Nenku panudi bamane kuitaba Yezu Kristu bu Mfumu, nudisange nende.

1 Samuele 20:5

Davide kumuandamuna ne: — Malaba ne kuikala tshibilu tshia dibala dia ngondu mupiamupia. Meme mvua ne bua kuikala ku didia dia tshibilu atshi didi mukalenga mulongolola. Kadi, anyisha bua meme kumuka malaba, ne dituku didi dilonda. Nennye kusokoma mu tshisuku too ne ku dilolu dia dituku dibidi adi.

1 Samuele 9:12

Bansongakaji kubandamuna ne: — Eyowa, ukadi mumane kufika. Mmufike mu tshimenga tshietu anu lelu, bualu ke dituku didi bantu balambula mulambu muaba wa tshijila. Koleshayi.