Dibadika 28:1 - MUKANDA WA MYIDI MUKULU

¹ Maweja-Nangila kuambila Moshe

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakambila Mose ne,

Dibadika 28:1 ပူးပေါင်းရင်းမြစ်များ

1 Kulondolola 23:31

nangananga misangu yonsu idibu bamulambula milambu ya kuosha, dituku dia Dikisha, dituku dia kumpala dia ngondu, nansha matuku makuabu a bibilu. Diba dionsu badi ne bua kukumbaja midimu yabu kumpala kua Maweja-Nangila, bantu bikale bungi bukumbane buvuabu babafundile.

2 Kulondolola 2:4

Nanku, nzubu wa Mvidi Mukulu undi ngasa neikale munene, wa lumu, bualu Mvidi Mukulu wetu mmupite mvidie yonsu ku bunene.

2 Kulondolola 23:18

Pashishe, Yoyada kuteka batuangaji ba bena Levi, bua balame nzubu wa Maweja-Nangila. Davide uvua mubatapulule mu bisumbu bua kulambulabu milambu ya kuosha mu nzubu wa Maweja-Nangila, bilondeshile bivuabu bafunde mu mikenji ya Moshe. Uvua mubafundile bua kulambulabu milambu eyi, bikale kabidi bimba misambu ya disanka.

2 Kulondolola 31:3

Mukalenga Izkiya uvua mufile bintu biende bikuabu, bua kusumba nyama ya milambu ivuabu ne bua kuosha dinda ne dilolu, kabidi ne bua kusumba nyama mikuabu, ivuabu balambula dituku dia Dikisha, dituku dia kumpala dia ngondu, ne mu bibilu bikuabu, anu muvuabu bafunde mu mikenji ya Maweja-Nangila.

2 Kulondolola 8:13

Bilondeshile mikenji ivua Moshe mumane kujadika bua dituku dionsu dia bualu, Shelomu uvua ulambula milambu dituku dia Dikisha, dituku dia kumpala dia ngondu, ne mu bibilu bisatu binene bia ku tshidimu: Dituku dia Mampa kaayi mela buanga, dia Dinowa biakudia, ne dia tuzubu tua Bisasa.

Ezela 6:9

Ku dituku dionsu, nuikale nupesha batuangaji ba mu Yerushalayime bionsu bidibu bajinga, mudibu balomba, nyama ya ngombe milume, mbuji ya mikoku ya bimpanga, ne bana ba mbuji ya mikoku, bua milambu ya kuosha, ya kulambula Mvidi Mukulu wa mu diulu. Nubapeshe kabidi ne ntete ya kuenza bukula, luepu, mabu a mvinyo, ne mafuta.

Nehemya 10:33

Tuetu kumyuangana bua kufila ku tshidimu ku tshidimu, kakanu ka tshiamu tshitoke tshia mushinga mukole ka bujitu bua grame inayi, bua midimu ya mu nzubu wa Mvidi Mukulu wetu.

Yeshaya 1:13

Kanuena mua kundambula kabidi milambu. Kayena indengelela to. Muinshi wa milambu yenu, ndi muubenge kashidi. Lekelayi masanka enu a ngondu mipiamipia, a matuku a Dikisha ne a bibilu binene. Tshiena muanyishe ditendelela didi ne buenzayi, dinudi nuntendelela, nuenza kabidi bubi.

Yezekiyele 44:24

Mu bilumbu nebakose nsambu amu pa yoyi, bilondeshile mikenji yanyi. Nebenzeje bibilu amu bilondeshile meyi ne mikenji bimvua mufile. Nebambuluishe bantu bua banemeke bimpe dituku dia Dikisha, dikale dia tshijila.

Yezekiyele 45:17

Nanku, yeye ke udi ne mudimu wa kufila milambu ya kuosha, milambu ya bukula, ne milambu ya maluvu a mvinyo, bidibu bafila mu bibilu. Udi wenza nanku nangananga bua tshibilu tshia ngondu mupiamupia, bua matuku a Dikisha, ne bua matuku makuabu adi bena Izrayele basangile. Mukalenga udi ne bua kufila milambu bua kudikobolola, milambu ya bintu bia pa madimi, milambu ya kuosha, ne ya bobumue, bua bakobolole bena Izrayele.”

Yezekiyele 46:11

“Matuku a bibilu ne bikondu bisunguluke, nebafile mulambu wa kilo makumi asatu ya ntete ya kuenza bukula pa mulume wa ngombe umue, nansha pa mukoku wa tshimpanga umue, udibu balambula. Bua bana ba mikoku, muntu yonsu neajadike bunene bua mulambu wende. Nebasakidile litre isambombu ya mafuta ku kilo makumi asatu ya ntete ya kuenza bukula.

Lewitiki 9:15

Pashishe Arone kuleja Maweja-Nangila milambu ivua bantu bafile. Kuangataye mbuji wa mpumbu wa mulambu wa kukobolola nawu bantu, kumukosa muminu. Pashishe kumulambulaye Maweja-Nangila, amu bu muvuaye mulambule ngombe wende.

Dibadika 27:23

Kutentekaye Yoshuwa bianza, bua ikale mupinganyi wende, bu muvua Maweja-Nangila mumuambile.

Dibadika 28:2

bua kumanyisha bena Izrayele ne: “Nulambule Maweja-Nangila milambu yenu pa diba, milambu ya kuosha bua dipembu diayi dimusankishe.

Ngalate 4:10

Nudi nupita kunemeka matuku makuabu, ngondu, mivu, ne bidimu.

Kolose 2:16

Kanuteleji badi banujana, bua binudi nudia nansha nunua, nansha bua bibilu, bua ngondu mupiamupia, nansha bua dituku dia Dikisha.