Dibadika 27:3 - MUKANDA WA MYIDI MUKULU

³ — Tatuetu ufuile mu tshipela bua bubi buende. Kadi kavua ku tshisumbu tshia Kora ne bantu bende, bavua batombokela Maweja-Nangila to. Kavua mulele muana wa balume to.

Mukanda wa Nzambi Dihungila Dikulukulu ne Dihungila Dihia-dihia 2003

³ Tatu wetu wakafua mu tshihela, yeye kakadi munkatshi mua tshisumbu tshia Kola tshiakadisangisha kudi Yehowa, kadi yeye wakafua anu bualu bua mibi yandi, yeye kakadi ne bana ba balume nansha.

Dibadika 27:3 ပူးပေါင်းရင်းမြစ်များ

Yezekiyele 18:4

Bualu muoyi wa bantu bonsu ngwanyi meme. Muoyi wa baledi ngwanyi meme, anu bu mudi muoyi wa bana. Anu muena tshibawu wasangana kufua anyi? Wafua!

Dibadika 14:35

Ke tshimvua meme Maweja-Nangila ne bua kunuambila. Ndi nnujadikila ne: nennukengeshe too ne panuabutukila bonsu mu tshipela emu, bualu nudi bantu babi badi bantombokela.”

Dibadika 16:19

Kora kubikila bena Izrayele bonsu muaba uvua Moshe ne Arone bimane, pabuipi ne mushiku wa ntenta wa kusambakena. Diba adi, bena Izrayele bonsu kumona butumbi bua Maweja-Nangila.

Dibadika 26:33

Selofade, muana wa Efere, kavua mulele muana wa balume to. Uvua amu ne bana ba bakaji batanu: Mala, Nowa, Ogla, Milka ne Tirsa.

Dibadika 27:2

Bakaji abu batanu kuya mu mushiku wa ntenta wa kusambakena. Kulomba Moshe, mutuangaji Elazare, bakulu ne bena Izrayele bonsu ne:

Dibadika 27:4

Dina diende didi ne bua kujimina mu diku dietu, bua padiye kayi mulele muana wa balume anyi? Nanku utupeshe petu tshietu tshitupa tshia buloba, mushindu umue ne bana babu ne tatu ba balume!

Yowanane 8:21

Yezu kubambila kabidi ne: — Meme nengumuke. Nenunkebe. Kadi nenufuile mu malu enu mabi. Kanuena mua kuya kundi nya.

Yowanane 8:24

Ke pandi munuambile ne: nenufuile mu malu enu mabi. Bualu panuikala kanuyi nuitaba ne: “Meme ndi mundi,” nenufue mu malu enu mabi.

Rome 5:12

Padi muntu umue, Adame, mubueje bubi pa buloba, kabidi bubi bubueje lufu, nanku lufu ludi lukuata bantu bonsu, bualu bonsu bavua benze malu mabi.

Rome 5:21

Nenku bu muvua bubi bupetela bukole kudi lufu, ke mudi kabidi dinanga dia Mvidi Mukulu dipetela bukole, pa-vuaye mutubingishe kudi Mfumu wetu Yezu Kristu, bua kutufikisha kudiye ku muoyi wa tshiendelele.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.