Dibadika 27:21 - MUKANDA WA MYIDI MUKULU

²¹ Kadi Yoshuwa aye kuebeja mutuangaji Elazare bidiye ne bua kuenza. Mutuangaji akuate mudimu ne Urime, bua amanye tshindi musue, amanyishe Yoshuwa. Nanku Yoshuwa ne bena Izrayele bonsu nebakumbaje bionsu bidi mutuangaji Elazare ubambila.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Yeye neimane ku mpala kua Eleazâ muakuidi, yeye neamukonkele kulumbulula kua Ulima ku mpala kua Yehowa, ku dî diandi bobo nebaluhuke, ne ku dî diandi bobo nebabuelemu, ne yeye ne Bena Isalele bonso badi nʼandi.

Dibadika 27:21 ပူးပေါင်းရင်းမြစ်များ

2 Samuele 21:1

Tshikondu tshivua Davide mu bukalenga, tshiyole tshia nzala kushala mu ditunga bidimu bisatu bilondangane. Mukalenga Davide kukonka Maweja-Nangila bua tshiyole atshi. Maweja-Nangila kuandamuna ne: — Nudi mu tshiyole, bualu Shawule ne bantu bende mbena tshibawu: bavua bashipe bena Ngibone.

Ezela 2:63

Mulombodi wa ditunga mene, kubakandika bua kabadi bintu bia tshijila menemene, too ne pikala mutuangaji mujadike bualu ebu ku Urime ne Tumime.

Nehemya 7:65

Mulombodi wa buloba nkayende kubakandika bua kudia bintu bitambe tshijila, too ne pikala mutuangaji mujadike bualu ebu ku Urime ne Tumime.

Ekesode 28:30

Wewe Moshe, ubueje Urime ne Tumime mu tshilamba tshia pa tshiadi, tshia kuvuala pa kulumbulula. Arone ikale uvuala bintu abi misangu yonsu padiye wimana kumpala kuanyi meme Maweja-Nangila, bua kumanya tshindi musue kuenzela bena Izrayele.

Lewitiki 8:8

Kumuladika tshilamba tshia pa tshiadi, kubuejamu Urime ne Tumime.

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Dibadika 27:17

udi mua kubalombola miaba yonsu, bua bantu bebe kabikadi bu mikoku idi kayiyi ne muyilami.

Dibadika 27:2

Bakaji abu batanu kuya mu mushiku wa ntenta wa kusambakena. Kulomba Moshe, mutuangaji Elazare, bakulu ne bena Izrayele bonsu ne:

Dibadika 27:20

Nanku, umunyukuile bukole buebe, bua bena Izrayele bonsu bamuitabe.

Dibadika 27:22

Moshe kubikila Yoshuwa, bu muvua Maweja-Nangila mumuambile, kumuimanyika kumpala kua mutuangaji Elazare ne bena Izrayele bonsu.

Dibadika 27:5

Moshe kuya kuambila Maweja-Nangila bionsu abi.

Dielulula 31:3

Maweja-Nangila Mvidi Mukulu wenu nkayende, neende kumpala kuenu. Neabutule bonsu badi base dishiya dia Yardene, bua nukuate ditunga adi. Yoshuwa neikale mfumuenu, bu muvua Maweja-Nangila mumane kuamba.

Dielulula 33:8

Moshe kuela ndelanganyi ya bena Levi lupemba, wamba ne: “Maweja-Nangila, udi mupeshe batuangaji, ndelanganyi ya Levi, Urime ne Tumime, bintu bia tshijila, bualu badi bakuitaba muabu muonsu. Uvua mubatete ku Masa, mubabingishe ku mayi a Meriba.

Yoshua 9:14

Bena Izrayele kulengulula bua kukonka Maweja-Nangila tshilumbu tshia bantu aba. Kudiabu ne bintu bivuabu nabi.

Balombodi 1:1

Yoshuwa mumane kufua, bena Izrayele kuebeja Maweja-Nangila bua kumanya tshisamba tshiabu tshivua mua kudianjila kuluisha bena Kenaane.

Balombodi 20:18

Bena Izrayele kuya ku Betele, kuebeja Mvidi Mukulu bua kumanya tshisamba tshia ku bisamba biabu tshivua mua kudianjila kuya kuluisha bena Binyamine. Maweja-Nangila kuleja tshisamba tshia Yuda.

Balombodi 20:23

Maweja-Nangila kuitaba bua baye kuluangana. Nanku bena mvita ba bena Izrayele kupeta bukole. Kuelabu mualu wa mvita, anu muaba uvuabu bimanyine dituku dikuabu.

1 Samuele 14:19

Patshivua Shawule bayukila ne mutuangaji Akiya, tshimvundu tshivua tshienda tshivula mu mitanda ya bena Peleshete. Nanku Shawule kuambila mutuangaji Akiya ne: — Kutatshi bua kuebeja Maweja-Nangila to.

1 Samuele 23:9

Davide kumvua lumu ne: Shawule mmumuelele tshifufu tshibi. Nanku, kutumaye diyi bua mutuangaji Abiyatare afike ne bintu bia tshijila bua kukonkabu Mvidi Mukulu bualu abu.

1 Samuele 28:6

Shawule kukonka Maweja-Nangila tshia kuenza. Kadi Maweja-Nangila kena mumuandamune nansha mu tshilota, nansha ku Urime ne Tumime, nansha kudi muambi.

1 Samuele 30:7

Davide kuambila mutuangaji Abiyatare, muana wa Akimeleke, ne: — Mpesha Urime ne Tumime, bintu bia tshijila, bua nkonke Maweja-Nangila. Abiyatare kumupesha bintu abi.